【已完結】【廣東話】《魔都姬神：退魔巫女千夜》（走甜健全作死日更小說企劃）: 其之二十一

其之二十一



「接受現實罷啦狼王！」千夜將手中斬魔刀收返入鞘。之後話：「請你話俾我知倖存者響邊！」

「…妳咁本事，咪去自己搵囉！」狼王悻悻然說道：「要快手呀，如果唔係，消化淨低棚骨唔好怪我！」

「…你…」千夜聽罷，猜想到不安預感已然的中。





話不投機半句多，千夜轉頭就往暗處跑，將倒地狼王置之不理，畢竟救人要緊。
狼王既阻撓不了現在也難以構成威脅，也就沒必要在此跟牠浪費時間。

千夜身法一躍百丈，蹤然身處伸手不見五指的黑暗，管道被破壞洩漏燃氣瓦斯與自來水嘅地方，
但以上種種完全沒帶來一絲負面影響。

「前面…是通往地下二階的坑道…」

…只見崩落的水泥構建階梯，四散著肉質異物，
不規則咁蠕動仲反複發出螢光，更間歇噴出詭異嘅粉紅色煙霧霞氣。





千夜諗都唔諗就衝咗入裡面。

與此同時，深埋響下面好幾層樓高度，同千夜現在位置成百上千公尺距離之處，
肉瘤和樹根似的不明物體，和原來的水泥混凝土建築融合成有如惡夢般的構造。
以Alfa2代理隊長為首的Alfa小隊和Delta小隊，一行六人被困於此。
佢哋分別俾無數好似腸臟咁嘅觸手纏住手腳，動彈不得。

「觸手係唔應該用嚟捲住男人…成件事錯晒…」
「唔好令到無封住你把口成為最錯一件事好無？」




「咁唔係點啫，一隻二隻好似掛爐鴨咁吊響處…」
「收下口，慳啖氣，用下腦…」
「妖…咁完全係郁唔到呀嘛！」
「等陣…係咪有啲怪聲…」
「…咩聲？」
「靜一靜先啦…」

只可惜佢哋聽到嘅，係類似個肚或者腸胃唔舒服果陣，由體內器官活動產生極難聽嘅怪聲…
頭上慢慢滴落又濃又杰黃黃白白嘅半透明膠狀液體，響黑色動力盔甲上冒煙形成鮮明凹洞。

「死喇…呢次死梗喇…佢想消化我哋呀！」
「咁你真係變返舊屎咁樣喇…」
「仲講…諗下辦法啦…我唔想死呀…」
「唔死但變成舊屎慘過死喎…」
「……」





另一方面，千夜陷入無數觸手嘅包圍。
但係佢好冷靜咁用手中斬魔刀殺出一條血路。
任何稍稍接近嘅觸手都俾佢斬開切斷。
如是者前進咗上百公尺，暫時無任何異物可以埋到佢身。

「有無人呀？有就應下我啦！小妹係嚟救你哋出去㗎！」

回應佢嘅，係類似巨大生物嘅呼吸聲，同埋陣陣腐敗臭氣。
而觸手群突然好似發咗癲一樣猦狂扭動搖擺，就好似好興奮咁樣。

「…時間無多…要盡快先得喇！否則唔止好麻煩，仲真係有危險！」

千夜加快腳步，奈何內臟一樣嘅肉質異物同觸手合攏擋佢去路，令佢非得拔劍開路。
慢慢就好似走咗入原始叢林裡面一樣，唯一唔同係果啲唔係樹亦唔係綠色嘅……





（…救命呀…有無人響處呀？我唔想死呀…）

「咦？！」

（慘喇慘喇…真係溶緊呀！）

「…呢啲聲…係響邊度傳嚟…？」

（…喂你靜啲先…我好似真係聽到有人聲…）

「你哋響邊呀？應下我啦！」

（…我都聽到…仲係女仔聲嚟…）





「…你哋係咪聽到我呀？麻煩大聲啲回應下啦唔該！」千夜一邊斬開觸手肉壁，
一邊大聲叫。

（喂…真係有女仔聲叫緊…唔係幻覺！）

「你哋繼續大聲啲，我過緊嚟！」千夜繼續講，向聲音來源快步跑過去。

一群又一群觸手好似楊柳樹或者榕樹氣根一樣，密麻麻咁，分明就係唔想佢穿過去。

「咁即係話，就係呢個方向…」佢集中靈力於斬魔刀上，
準備名符其實咁，斬開前路。

氣合一閃
一刀兩斷





然而，出現響眼前嘅，
竟然係……

［次回待續］