泥漿俠（外傳）: 第十八章：Golden（4）
Chole係需要知道師爺係一個點樣嘅人 在此之前 原來師爺己經向Chole表白.. 仲要係我行動嘅中午
某某餐廳
「我單獨約左你出嚟 唔好介意..」師爺雖然口才了得 但都有害羞嘅一面
「唔緊要啦 你無咩朋友吖嘛 識多啲朋友係好事嚟嘅...」Chole笑道
「你睇下食啲咩啦...」師爺道
「我想食...你話事啦 你請吖嘛 食咩都無所謂...」Chole道
師爺隨便點左兩個牛排餐佢地一齊食
中午呢間餐廳都真係好鬼好人 仲要好多人排隊 係一個嘈交嘅餐廳食野都唔係浪漫嘅事 不過都係個句 最緊要Chole開心
師爺咁快主動出擊就唔係一件好事
Chole無望向師爺 佢自己玩緊手機 未上野食之前 佢就向Chole表白佢嘅用意
心急如火嘅師爺 令到Chole稍有一點呆住
「吓...你係呢個時候向我表白？」
「你唔駛咁快答應我架 我只係講出我嘅心意...」師爺道
「問題係我同你都啱啱識 你會唔會急得濟？」Chole道
「點會呢...鍾意嘅野我鍾意打聽趁熱 我知道你有男朋友架喇 不過我會好好對你多過你男朋友」師爺道
「實係Golden同你講我有男朋友啦係咪..」Chole道
「係呀 不過佢唔肯講你嘅野俾我知 不過唔緊要啦 你嘅野可以慢慢發堀...」師爺道
Chole心諗 原來Golden幫自己兜左個大話出嚟 佢都算係有情有義 Golden真係唔會令我失望嘅 佢放心左落嚟
只係霎時間俾師爺嘅行為令人反感
不過Chole心裡面係未完全接受到 師爺
自己仲未摸清師爺個底 第二呢種急性行為自己又唔鍾意 因為知道自己咩性格 慢熱嘅人係唔會咁易隨便接受新事物 第三太有自信唔係一件好事仲要做人第三者.. 第四就係 太無原則同承諾自己都唔會鍾意
「點解你會鍾意我？係幾時嘅事？」Chole問道
「無耐之前就覺得鍾意你 我起初都唔係好意思講 但唔講自己個心又好難受...」師爺道
「 你鍾意我啲咩？」Chole繼續追問
「純真 可愛 都係我鍾意嘅type..」師爺道
聽完Golden講完番話之後 牛排餐慢慢奉上 Chole點都會安安靜靜食埋呢餐 無咩特別野係咁安靜渡過
講咩都無用 越講越多 反感程度就會增加...
「呢段時間 我希望你唔好搵我了...」食完呢餐之後Chole彈出一句說話
「點解呀？我對你係唔係唔夠好？你咁快就否決我或者你俾個機會我 我會對你好好嘅...」師爺道
「你太急進了 我需要一啲時間諗清諗楚 你繼續咁樣只會令我反感..」Chole結果都係拒絕師爺
師爺幾好條件都好 都唔會Chole鍾意個type 更何況師爺缺點太多 Chole會諗之後一齊仲更加辛苦...
「都係嘅...咁我俾一個禮拜諗清楚啦...」師爺道
「師爺 你仲係唔明...？呢個唔係一個禮拜時間嘅問題 你令我太反感呀..」Chole想離開師爺「唔好意思..」
一瞬間 師爺就捉番Chole隻手
「你想...點啊？」
「我想你俾次機會我好好對你..希望你可以做我女朋友...」師爺誠懇嘅態度令Chole一再反感
講左一次就唔想講第二次 講左第一次都係死性不改 就唔係反感 而係扯火..
「你都係放手先啦...我又唔鍾意你 你夾硬嚟都無意思 咁樣係唔會幸福架..」Chole想甩左師爺隻手 但師爺捉緊住Chole隻手
「你試都唔試就話唔會幸福？啱啱又話俾時間你 轉個頭就話唔鍾意我？」師爺加重語氣
「你唔夾硬嚟 我都唔會太過反感...」Chole道
「咁好吖...我俾一個禮拜時間諗清楚...不過到時你可以應承做我女朋友..」師爺道
「師爺 好喇 點解我要應承做你女朋友呀..？」Chole嬲爆爆
「我知道你顧慮啲咩 你講 你現任男友係邊個？我打扁佢 等你可以專注做我女朋友...」師爺道
「笑死 我點解要同你講我男朋友係邊個..」Chole大力拎開佢隻手 離開師爺前一刻 講埋最後一句話「你以後...唔好搵我 pls...」
「Chole...阮...皓兒..」師爺唔甘心但佢又追上嚟 有啲路人就係度睇埋呢齣戲
Chole離師爺越來越遠
佢將手機 所有關於師爺嘅事都立即block左佢 費時師爺死纏難打 佢寫咩都無用 呢個人己經無機會接近Chole
「呼...都未見過啲咁硬頸嘅人..」Chole心諗
佢同左佢啲朋友講之餘又會同我講 我係佢值得信賴嘅好兄弟 有啲咩事 大家會互相傾心事 互相撐大家...
手機短訊之上...
「我本身都己經想講師爺佢想主動出擊架喇 無諗過佢急成咁...呢兩日我都比較忙 希望你唔好見怪」我道
「工作要緊 我明嘅 加上你係英雄 係我份工過於輕鬆姐...」Chole道
Chole點都會體諒我
我而家真係少左個競爭對手 不過我會選擇慢慢嚟嘅
「係呀..咁你Block左佢未？」我道
「我己經封鎖左佢喇...你都要封鎖佢呀 知唔知..］Chole都唔想同師爺行咁哂
不過我暫時唔會封鎖佢住 我要睇下師爺會玩咩花臣 我要玩番佢轉頭...
「我留先 我而家都唔會搵佢 睇下佢要玩咩先..」我道
「都好...如果佢whatapps你 你記得同我講 睇下佢講左啲咩...」Chole道
「無問題呀..」我道
不過我都希望師爺知難而退 問題係搞到大家連朋友都無得做 本身對佢都無咩好感 多一個朋友少一個朋友唔少...
人生遇到嘅人有好有壞 而家認清楚師爺係咩人都未算遲...