泥漿俠（外傳）: 第十一章：Chole（2）
所謂嘅老臣子 都係得個殼姐 我順理成章接手咗通通公司 都只係1個星期咁大把..真係好多日呀
但我要接手嘅唔係呢間垃圾公司 而家一部份通通毒品生意 仲諗住有咁好死 接手左生意以後就可以知道個竇係邊
波比一樣係收得好埋 唔俾人知 所以佢啲貨通常都係運落嚟 去其他子母公司心 咁窄嘅公司都可以賣到貨嘅咩 咪又係好容易引起警告懷疑 真係搞笑 佢地好識走法律罅 又識用方法避開警察同一般市民嘅法眼
不過佢啲毒品賣到好貴 一般人都食唔起
咁我接手左盤生意 有咩做...
係度unun 腳你un我又un咩..？
目前我分左多15%佣金 因為呢盤生意實在太好賺 啲有錢大又肯落搭
有時我係度諗 啲有錢佬有咩壓力需要食白粉 食左真係可以威威？ 我就一定死都唔會掂...
如是者 我不斷鍛鍊我嘅英雄裝置 由晴天到陰天 又陰天到雨天 除左行雷 練得到就練
的確好有收獲
直到波比同幾個人捉左果位老臣子上車 我知道一定有大獲野發生 我吊住佢地尾 無錯 咁啱後面有架的士
「唔該你 司機大佬 跟住前面嘅私家車」
「無問題呀...」
波比架車係一條窄路上都行得好快 令司機大佬都覺得有啲唔妥 好彩嘅係 佢地唔會衝燈 而佢地都無望過後面一眼 後面有架的士有咩咁出奇姐
「以我揸車跟人嘅技術 都係唔好跟太貼 俾佢地知道好大獲架..」
「你講得啱 俾佢知道左我跟佢 佢一定會甩走我...」
「放心 唔會跟甩嘅..」
就好似係馬路飆車一樣 佢地根本就有問題 唔係都唔駛揸咁快啦
最後 佢地停左係一個廢鐵場
司機大佬手車都好辣 完全無跟甩 真係天有眼 俾我捉住波比 我最後俾多一百蚊當係貼士打賞個司機
落車之後 就入左去呢個廢鐵場
我四周圍望一望 真係污糟同殘舊 仲有好多鐵嘅垃圾 係呢度殺人真係會無人知道 雖然我唔知佢地係唔係想殺人滅口？
折磨完就殺人 係波比慣常嘅手法
我繼續往前走 就見到兩個人係度碎嘴 我望住佢地 我都唔知佢地係邊個 波比身邊最top嘅人就係我 連我都未見過佢地就GG了 可能波比收埋左另一啲馬仔都唔出奇 但令我嘅地位有所降低
我走埋佢地身邊開始套話
「你係邊個？無咩擅自走入嚟呢度？」
「咁你地又係邊個？又做咩係度？」
「屌你老母 問番我地轉頭？我地係度關你咩撚野事？」
估唔到啲馬仔都幾爛口 開口埋口都撚撚聲
「係唔關我事 」我想變身之時佢地己經打7左我
一時間個鼻痛到無朋友
早之就變左身先入面啦 佢地實在太勁..唔係 其實係我除左變身都唔識武功 係我渣 我就係新一代嘅渣渣輝...
「喂...駛唔駛咁痛 我係蕩失路唔覺意入左嚟姐 你地係咪有病？」
咁嘅情況唔搵藉口走 我怕真係會俾佢地打死...
原來我咁廢架咋...
「我蕩你老母 你蕩失路都會入嚟呢度啦 仆街 仲要問番轉頭係邊個 你先係ON9...」
佢地嘅火完全未有停過 如果我唔變身 呢啖面我吞唔到
即刻係佢地無行動嘅情況下 變左身
第一次嘅 泥漿俠 現身是也...
「哇屌...咩料...」
「臭彈攻擊....」燃起我心中嘅火 我要俾佢知道我臭彈嘅厲害
「屌你老母 臭撚死人咩 」但佢地兩個打算郁手 每次真係仆街了 原來佢地都唔怕臭
「臭彈攻擊...」
我接二連三不斷發射臭彈 點都令佢地知難而退
「好..停手 我地走...」
好彩 佢地最終都係抵擋唔住臭彈嘅攻擊 點都會離開第一時間一定通知波比 不過波比仲未知我就係泥漿俠 點都好我都會暫時隱瞞自己嘅身份
我無理由仲留係度 跟住佢地尾 真不出所料 裡面有好多人 仲有一個綁住左嘅老臣子 佢坐係張檯 繼續不醒人事
「你地係咪想殺左佢？」我故意聲音都改變 波比都認唔出係我
「無錯 呢個人出賣左公司 係抵死嘅...哈哈哈..」波比繼續笑道「係喎 我做咩講俾你知咁多野 死靚仔扮英雄救美呀 呢度無靚女呀 呢個老人你都要？莫非你識？」
「我唔識佢...」我道
「唔認識都過主啦...唔好阻住我地..」波比係下一秒 係馬仔身上拔出一把劍 個劍尖仲要殘到我
「臭彈攻擊...」
仲要越來越多 越來越臭 打中左老臣子都正常嘅 臭彈無眼 唔怪得我...
「咩嚟架 咁臭嘅...」
波比頂唔住呢股咁強烈嘅臭味 暫時選擇收隊 我繼續放 點都令佢地知難而退 我先可以救到老臣子
「呢條友會不斷放臭彈架 好撚臭呀..」啲馬仔加速退後
臭死沖天 根本無人會想埋嚟...
如果而家停止攻擊 佢地就會攻入嚟 我打死都唔放手...
「你地淨係識得走 出緊我糧架 快啲收拾佢地啦...」波比永遠唔會自己落手 除左件事有趣 佢就玩埋一份
「咁撚臭 你去啦笨...」個個都走格唔頭
「無鬼用...」波比都無哂辦法
我見住佢地好快速上車 我咁諗 笑死人咩 架車咪臭哂 無人要之餘 邊個會同你洗
不過唔入番車 出到去俾人認到都係死...
轉頭 我救左係檯嘅老臣子出嚟
我踢開左佢坐緊嘅檯 將佢隨便放落地下 雖然救左佢 但我仲有一樣野要做 就係搵水 洗走身上臭彈 味就抹唔走嘅 因為我想交俾警察處理...
「老臣子遇到我真係好彩呀」
問題嚟了 廢鐵場無水 完...
莫講話口水乾哂 連屎水都無 無office 得一塊爛地 如果就咁警察 一定會更加查到我...
偏偏呢個時候先嚟出事 我都只不過係差一步棋 行埋就完架喇...
水呀水...
滴...
落雨...落好大雨 仲要落個不停
邊有諗過事件真係順利到咁誇張？到底咩事...？連個天睇唔到眼波比嘅行為嘅話 直接搞佢咪得 真係大費周章...
我急忙入左去有瓦遮頭避雨 順便報警
「睇嚟場雨都係落好耐...」