泥漿俠（外傳）: 第六章：家佩

我係一個空礦地方 練習下我嘅泥漿俠 附近無人又無物 練習下泥漿俠最好不過 起碼唔會臭死人 順便 用下新技能 飛行技術
初頭的確係唔受裝置控制 亂咁飛一通 就好似雷達失控一樣
「玩具..？」Chole見到我
「My friend 點解你係度嘅？」我見到佢嘅出現相當驚訝
「我見你鬼鬼竄竄 咪跟蹤下你囉 跟跟下就跟到你嚟呢度」Chole指住我手上嘅玩具「呢個玩具係邊度得番嚟架？」
「呢個唔係玩具 係一樣變身裝置 可以助我一飛沖天...」我舉起一個飛天嘅手勢
「點樣可以助你一飛沖天 睇落去似係一個玩具..」Chole點講都話呢個係玩具 我都無必要同佢拗落去
係其他人眼中 呢個只係一件唔起眼嘅玩具 對我嚟講 係一個意味著神秘嘅科技
「點都好啦 我嚟呢個空置嘅地方就係練習下呢個裝置...」我道
「你都未同我講你呢舊玩具係邊度得番嚟...？」Chole道




「一個叫蒼海博士嘅失敗發明 佢送左俾我 我攞嚟用...」我道
「你真係相信呢個玩具可以助你一飛沖天..？」Chole問
「信 做咩唔信 又識飛 又識放臭彈 咁勁嘅科技 將來仲可以做到新一代最強英雄喎 犀唔犀利先..？」我道
「一日到黑淨係掛住個英雄夢...」Chole道
「呢個係大好機會 做唔做得掂 都要靠自己嘅努力同汗水 你估真係話做就做咩...」我道
「隨便你啦 但係我覺得就算你練好左 一樣會俾人笑...」Chole道
Chole咁講又係啱我心水 我真係無諗過變成左泥漿俠 啲人會點睇我 我仲以為自己好聰明
既然預左俾人笑 呢個英雄我一樣會做
講左嘅野就一定要做 對自己有一個成諾 我要做一個有口齒嘅男人
就係咁 Chole無聊咁睇住我係度嬉戲暢玩左一日 但我覺得我對裝置加深左認識




之後漸漸發覺自己鍾意左Chole 但係佢睇唔出 我都無克意令佢注意
佢覺得我做呢種英雄會好羅 如果呢個時候同佢講我一定會被請食檸檬...
回程嘅時候 我含情脈脈望住Chole
「？？？我塊面係咪有汚糟野？」
「唔係呀 我想望多你幾眼...」我道
「我地成日都會見面架啦 你今日神神化化嘅 肯定俾你個玩具玩上腦...,」Chole道
「無啲咁嘅事 我唔望你喇..？」我擰轉塊面

點解呢種感覺偏偏要而家先嚟出現 感覺好奇妙 我都希望自己係度自欺欺人 最好係...
愛情就係咁 你都佢嚟 佢就唔嚟 唔嚟嘅時候就會失驚無神出現嚇你一跳 有種愛情永遠意想唔到....