命中注定我與妳?: 39. 一隻USB的約會

係一個風和日麗嘅中午，我係學校交返中樂團表演日D相同時，我俾D同學捉埋一邊
 
「做乜9?」
 
「翹哥呀!!!可唔可以幫下我地手呀」佢地好似當我神咁拜
 
「做乜9先?」
 
「我地中樂團想同英華果班搞個BBQ嘅」
 




「咁你地咪搞囉」
 
「佢地呢，好多都冇問題，但係有一個唔太想黎，咁我地又想果位靚女黎喎」
 
佢地唔係想我叫媽咪應該姑姐甚至婆婆迫佢地黎呀?
 
「咁你地想我點幫你地?要媽咪出面就好無癮喎」
 
「唔係呀….佢話要你黎佢先肯黎呀」
 




邊個咁大整估呀!!!!
 
「唔….邊個呀?你地係咪睇中佢先?」成班都想個女仔黎，100%有人睇中佢
 
「唔….即係呢…..其實….」
 
「你地叫英華d女仔叫佢去咪得囉」
 
「一陣佢黎到，你唔係到咁點呀?」
 




「俾我考慮下先啦~~~」
 
我好快咁逃離學校，再搭地鐵返堅尼地城
 
係Starbucks中，我坐係梳化，等嘉怡佢黎
 
我一向都係早10分鐘到，估唔到，係我坐低5分鐘後，嘉怡都黎左
 
佢同我見到大家都早到都嚇一驚
 
「你/妳咁早嘅?」x2
 
「等左好耐?」x2
 
「我慣左早5/10分鐘到架」x2




 
我地兩個一齊講，十足十孖女表姐咁
 
「妳係咪熱朱古力?」我笑住對嘉怡講
 
「你又知道嘅?」
 
「上次開始日見妳飲囉」
 
嘉怡面紅紅咁望住我講「你仲記得呀?」
 
我拍一拍佢個頭「英華我而家只識妳一個學生，點會唔記得」
 
我去買完兩杯野飲後，打開電腦，準備過相俾嘉怡
 




佢開黎一睇果時，充滿疑問
 
「點解會有幾個File嘅?」
 
我有d心虛咁答佢「呢個…係 Official嘅相」
 
佢打開黎睇，每一張都睇
 
「估唔到你又影得幾好喎」佢笑住對我講
 
「呢個係妳地單獨英華嘅File，而呢個就係妳地嘅snapshot」
 
嘉怡聽到係佢地學校嘅snapshot後就望住我「你偷拍我地呀?」
 
「係snapshot，唔係偷拍」




 
嘉怡佢邊睇邊笑，因為有好多得意同埋冇咩儀態嘅相俾我影低左
 
「喂呀!!!!你影埋呢d!!!俾校長見到會鬧死架!!!」
 
「婆婆?佢一定知啦」
 
「點解呀?」
 
「我俾哂姑姐睇啦」
 
「咁佢咩反應呀?」
 
「笑到勁大聲」
 




「作死你呀!!!!」
 
嘉怡作狀打我，然後佢見到仲有一個File
 
「呢個呢?」
 
「呢個嘛….係妳d單人相」
 
「我d相?」
 
「係呀，我執過架啦」
 
佢今次真係打我一次「我咁靚，邊洗執呀!!」
 
「妳自己睇下啦」
 
嘉怡佢一開，塊面又更加紅。因為我將佢每一張笑得好開心嘅相都用大光圈影低，即係有境深咁樣
 
佢睇自己d相睇到好入神
 
「點呀?我影到妳點呢?」
 
「非常滿意」
 
我坐一坐好「當然啦，我好用心咁影妳」
 
「咁我係咪要讚下你呢?」
 
嘉怡COPY好三個file後，我又再問佢
 
「妳去唔去bbq呀?」
 
「我?」
 
「係呀」
 
「我都未決定呀，你呢?」
 
「唔…..今日d同學好似求我咁去」
 
「做咩求你呀?」
 
「妳地話我唔去，其中一個就唔去嘛」
 
「咁你去唔去?」
 
「見係妳咋，我去」
 
然後嘉怡望住我