命中注定我與妳?: 31. 問答挑戰

我企係大銀幕前，細心留意學生會同學問我問題
 
「第一條，英華女校幾多年創校?」
 
「1900年2月」
 
「答中，我地學校地址係?」
 
「羅便臣道76號」
 




「答中，好叻喎，下一條，我地校訓係咩?請講出所有校訓」
 
「創校校訓，寸陰是惜。係三年前多左一句：A simple act of caring creates an endless ripple that comes back to you。”小小善行激起無限漣漪，那會回到你身上」
 
「好野，又中。之後開始難架啦」
 
其實一定難唔到我
 
「我地學校邊項運動試過學界10連霸?」
 




「排球」
 
「下一條，有邊樣運動係由兩姊妹一齊出戰過?」
 
「羽毛球，仲要係孖女」
 
「好野呀，下一條，我地校長叫咩名?訓導主任叫咩名，佢地咩關係?」
 
送分題啦
 




「校長孔美玲，訓導主任張詩敏，佢地係母女，而且兩個都係OG，一樣讀文科班」
 
在場已經有好多人圍觀
 
「好，我地學校每年最受歡迎嘅表演節目係咩?」
 
「你問我答!」
 
「下一條，我地學校有優異生龍虎榜，請講出咁多年都可以成為優異生嘅同學名」
 
「林雪凝、林雪晴、張詩敏同埋余家琪」
 
現場掌聲愈來愈大
 
「我地學校有冇夫婦一齊係到返工」




 
「有!!美姐同偉叔」
 
我答得愈來愈順
 
「下一條，邊個同學近年係中樂比賽一人拎五個獎?」
 
我望一望嘉怡
 
「孫嘉怡!」
 
「好犀利呀…請講出多年前校長身邊四大護法綽號同埋佢地叫咩名」
 
「虎鯊!程詩敏、鯨鯊!余家琪、雙髻鯊!陳柏玲、公牛鯊!陳柏瑩」
 




現場掌聲不斷
 
「請問訓導處特務係指邊位老師?」
 
「生物科科主任林雪凝老師」
 
「下一條!!!我地學校嘅童話傳說係乜野?」
 
「Miss Lam先生係畢業典禮上向Miss Lam求婚!」
 
「嘩…..你咁都知……好…下一條!我地英華女校係唔係只收女仔?」
 
「唔係!高考會考年代會有男仔黎讀，對上兩個女校男生一個9A一個8A，仲要係兩父子」
 
掌聲愈來愈大，而我嘅表現都吸引好多同學黎睇




 
當中包括媽咪同姑姐
 
「訓導主任Miss Cheung綽號係咩?佢負責果班有咩特別?」
 
「訓導主任張詩敏綽號大白鯊，佢果班會貼枝鯊魚旗出黎!!」
 
「咁呢條你一定唔知，校長以前做訓導主任綽號係咩?絕技係咩?」
 
「孔校長當年綽號恐怖雞!!絕技獅哮功!!」
 
「我地學校最後一個女校男生叫咩名?佢而家工作係咩?」
 
「程逸風!!!而家係飛機師，仲非常怕老婆!!!」
 




學生會已經搵唔到問題問
 
「同學，你點解可以答中哂所有問題?你邊間學校?」
 
「我讀皇仁，今年F.4」
 
「請問呢位Queen屎仔你叫咩名?」
 
「我叫程浩翹Clodulf」
 
「咁Clodulf，你真係好留意我地學校喎」
 
「基本常識黎者，係唔係咁多位同我影一張相呀?」
 
「黎啦!!!」
 
結果我係好多女仔圍住下影左幾張相
 
然後…..
 
「點呀?玩得好開心喎」
 
姑姐同媽咪出現
 
「Miss Cheung…Miss Lam，咁第一次有人答中哂所有問題嘛」
 
「佢又點會答唔中呢?」媽咪係到講
 
「點解咁講呀Miss Lam」
 
「佢姓程丫嘛，係唔係?」
 
「係呀」
 
「我先生姓咩?」
 
「姓程囉，咦?」佢地呢個時間望清楚d我
 
「唔洗望啦，佢係我細仔。妳地中哂佢計啦」
 
「車!!!!!你出茅招嘅!!!」學生會起哄
 
「咁妳地d問題全部都係關於我家姐、阿嫂、兩個表姐、媽咪、爸爸、阿姨同姑姐，好難唔中架喎」
 
「朋友，你返印度食蕉啦!」