命中注定我與妳?: 13. 開放日

係某一日，媽咪問我同慧思跟唔跟佢返英華開放日
 
我期待左好耐架啦，其實我同阿哥都一樣好鍾意著長衫校服嘅女仔
 
慧思見到我好興奮咁話去，佢又話跟埋我去
 
係果日，我地坐住的士，返到去英華女校
 
「喂，你地兩個去邊到先呀?」
 




慧思望實我
 
「我地去家琪姐姐到先囉」
 
「咁即係我果班啦，慧思呀，妳呢條小鯊魚乖乖地呀」
 
一入校門，慧思主動拖實我
 
「4D班….4D班….係邊呀?」
 




「下?姑姐果班妳唔知係邊咩?」
 
「唔知呀」
 
係我地唔識路之下，有人出黎救我地啦
 
「喂，你地兩個係到做咩呀?」X2
 
「表姐!!!」
 




「點呀?想去邊到玩呢?」X2
 
「去妳地到玩先?」
 
「好啦!跟我地黎啦」X2
 
我地跟住孖女表姐去佢地班到玩
 
嘩，果到D姐姐，好似好乖咁喎
 
「喂eliz、freda，做咩帶小朋友黎呀?妳地細佬呀?」
 
「佢地?呵呵，妳地唔好得罪佢地添呀」x2
 
D姐姐對住我地「小朋友，姐姐帶你去睇金魚丫」




 
「喂喂，妳地唔問下佢地係咪有後台架?」x2
 
「小朋友你點解會知我地學校今日開放日呀?」
 
「我媽咪同家姐同我講嘅」
 
「咁妳呢小妹妹?」
 
「我媽咪同我講嘅」
 
「喂，我地天不怕地不怕架喎」
 
「呵!係呀?」慧思撓實雙手
 




「小朋友，你地屋企人叫咩名呀?咁清楚我地學校嘅?」
 
呢班大姐姐真係見識少啦
 
「我叫程浩翹」
 
「姓程?」
 
「虎鯊程詩敏係我家姐，林雪凝係我媽咪，呢對孖女係我表姐」
 
「小….小敏姐個細佬呀….」
 
「小事啦，佢仲恐怖」我指一指慧思，同時佢擺出姑姐係訓導處嘅姿勢
 
「我媽咪叫張詩敏，我婆婆叫孔美玲」




 
聽到慧思咁講，孖女表姐果班d同學突然好有禮貌
 
「係…請問點稱呼呢?」
 
「我叫Charlotte」
 
「Charlotte姐!!!!妳好」
 
「嗯!乖啦」
 
孖女表姐果時睇得好開心
 
「你地之後想去邊到玩呀?表姐果班?」x2
 




「家姐果到d大姐姐最後先去啦我地想去家琪姐姐到先」
 
「余家琪?」x2
 
「係呀」
 
「你地又識佢嘅?」x2
 
「家琪姐姐之前黎過我屋企食飯啦」
 
「去你地到食飯?莫非…」x2
 
「阿哥同Fiona冇左啦喎」
 
「咁又點丫」ｘ２兩個表姐有ｄ唔開心
 
佢地指點左我地兩個上4D班，沿路都有好多大姐姐係到令我目不暇給