英雄再三聯盟：宇宙洪荒: 蝗蟲戰士：不折不扣的殺人兇手（上）

「吱吱吱吱吱吱吱吱吱吱吱吱吱吱吱吱吱...」
好多隻好多隻變異左嘅蝗蟲 首領只有一個 佢帶領成個蝗蟲軍團 爬入去水管生存 但係啲蝗蟲好驚水管裏面
水管裏面竟然係好黑暗 乜野都睇唔到 無燈照明 亦無指引 引導你出去 蝗蟲軍團 有意識係水管暫住生活 再打算
事前 蝗蟲們係一個好自由嘅大草原生活 食左好多農作物之後 其中一隻蝗蟲就開始發作 突然仲獸性大發 引領其他蝗蟲唔好食田裡嘅所有農作物 如果唔係就好似佢咁
果隻蝗蟲發作左一陣 不但無死 仲好精精神神之餘 仲要多左一種屬於自己嘅語言 奇怪係可以控制其他蝗蟲 佢就係蝗蟲之最 基於一個生存理由 佢地連群結隊 嚟左附近嘅城市 ____小之

無錯 小之就係城市
雖然蝗蟲都有自己語言 但唔識講人話又唔聽人話 就係咁展開左係水管生存之計 蝗蟲 同時又幾批蝗蟲分開哂 一來太多蝗蟲又要有好大嘅位置 二來太過張揚嘅話 啲人類又會整死佢地 有啲學者 成日誤會以為我地係害蟲 事實上係無錯 但呢隻蝗蟲食左農作物就開始有性格 仲好有蟲性 唔再破壞人類嘅生態環境 佢主要想班蝗蟲有好人日子過

分開左嘅蝗蟲隨住蝗蟲之最可以隨時隨地召喚番嚟 呢個亦係最犀利嘅地方之一





「咕咕咕咕咕咕咕咕咕咕咕咕咕咕咕......」
水管滴落好多水點
蝗蟲軍團開始覓食 首先水管水源好充足 但勉強夠佢生計多一陣 蝗蟲就唔一定要食野嘅 飲水都可以生存到
在此佢地係水管下不斷飲水 不過由於體積較少 飲左幾啖就己經可以補足到體力 開始新嘅一天
但另一邊嘅一群蝗蟲就唔係咁好彩 佢地唔係小之城 佢地去左小之來之 個度啲人反而唔多友善 啲眼睛又利害 好似著左LED燈咁 連細小嘅蝗蟲都睇得到 佢地為左避開 點都會用盡辦法 救得一隻得一隻 之後就所剩無幾了 有啲就開始自己匿埋自己蝗蟲之最得知佢地有難之後 想要救同伴 但係佢地暫時唔離開小之城 萬一離開就易俾人發現 就係因為佢地選擇匿埋係水管嘅時候己經無得揀
「同我踩死啲害蟲...」
「呼....」
暫時都係匿係口管安全啲 蝗蟲之最仍唔係最聰明嘅果一個...
「吱吱吱吱吱吱吱吱吱吱吱吱吱吱吱吱吱吱吱....」




揀錯左地方唔緊要 佢地都無灰心過 為左生計 佢決定自己一個去救同伴 所以自己先行離開大隊 但係救 可以點救 得到同伴哀號 又知道位置 但小之來次啲人又唔善良 佢一隻蟲就走送死 佢行去水管一邊 往渠嘅方向行 水渠只係一條直路 佢唔駛擔心有咩路要轉彎 不過越行啲水越來越勁 仲有渠口湧啲水入嚟 原來係出面落大雨呀 啲水緊係好猛啦 最慘係佢覺得行錯方向想調頭走 但佢唯一可以睇啲光線就係渠口 住渠口上面飛出去都係唔錯嘅選擇 佢選擇咁做 但要啲雨水無咁猛先衝上去 佢睇準時機就衝上去
點不知 飛到上去一半 突然間啲水越來越猛 仲要衝埋佢落去
「呯呯....」
啲水引埋佢 繼續衝下去另一邊 而佢因此而暈低左... 唔單止救唔到同伴仲整死埋自己 係水管嘅同伴完全唔知蝗蟲之最失蹤左 個個都淨係掛住自己 仲有就係靜觀其變...

11月3日
我 洋為正
水管隱世偵探
查案價錢唔平 主要睇你想查啲乜野啦 例如查嘅野要好長時間我就會收好貴 但有時候又會唔收錢 因為我又好鍾意幫人 咁佢窮唔講唔幫佢咩 我都有行俠仗義嘅精神
試過有一次查案 收過一次錢係2億 個次仲要係好棘手嘅案 因為係涉嫌一單爭家產案 好明顯俾得起2億來頭一定係好猛料 仲要用盡我嘅所有精力去查 果個人就係跨國公司嘅主席 沈豪 咁佢俾得起錢請我呢個隱世偵探幫手 我點都會出盡全力幫佢 而且2億唔係一個普通人擁有嘅數字




我間接就係一個隱形富豪 但點解我仲要繼續住係水管度唔搬出去 原因好簡單 我唔想搬出去我想做我嘅隱世偵探 呢個就係特顯我係隱世嘅氣質 如果出到去住洋樓養番狗就一世咁樣唔係我想要嘅生活 所以我堅持一直係水管生活 其實喺水管生活都冇咩唔好呀 風涼水冷而且又夠靜 雖然字嘅地方面積就唔係好大 有時仲會因為啲水源需要搬遷 但係呢搬遷嘅次數其實就好少嘅 呢啲情況係好少發生如果成日發生我都唔得掂 咁耐以嚟都係幫我兩次
其實除咗沈豪之外 都有啲識我又到唔識我嘅人都搵我幫手 當然佢地俾嘅錢都係皮毛 唔係多 不過2億我都夠呢一世人生活 錢又唔怕 唔係好擔心
最緊要一點 今日嘅我 見到一個唔想見到嘅人 佢就係我家組 洋為玲

我家姐係靚女嚟 好多人追 同時又飛過好多人 俾佢追嘅 無幾百都有幾千 個個都有錢專才又或者係二世祖 但係無一個對佢係專一 家姐啦鍾意咪飛左佢地 我從來無因為家姐而要搬竇 呢個唔需要 難得先搵到一啲熟客仔 如果而家有再搬竇佢哋又搵我唔到 我又要再去搵過另一班熟客 我又唔想
「今次佢嚟我咩事？」家姐咁樣嚟搵我一定係有事想搵我幫手 又或者想我返去屋企陪老媽子
咁呢從細 就缺乏屋企人嘅母愛 家姐又唔多錫我嘅 好明顯母親就係石家居多錫我咁我18歲嗰年呢就自己離家出走 就自己展開一個人嘅生活 自己一個創業 離家出走嘅時候都有儲左少少錢 之前15歲開始都有做啲兼職 個啲就儲起佢
加上我嘅精明頭腦 我諗過我去做一個隱世嘅偵探 起水管開一間偵探社
「我想你幫我查一個人」阿玲嘅態度竟然同之前唔同左 睇得出佢好有誠意搵我幫手
「到底係邊個令你要大小姐嚟搵我幫手？」我咩人都會幫 就算家姐幾唔好都好 佢起碼無害過我 只係無同我一齊玩姐
「果個人叫白千睿 我而家嘅男朋友」阿玲係手機拎左一張相出嚟
「幾靚仔喎 點解要查佢？因為靚仔無本心？」我道
「係 佢懷疑佢出面有第二個」阿玲道
「吓？你覺得有第三者出現 點解唔飛左白千睿佢 仲查嚟做咩 家姐你咁靚 要搵過另一件又幾難？」我道
「唔該你幫下我手 我知你做左隱世偵探仲好多人搵你 」阿玲係度苦苦哀求緊我




「點解我要幫你先？」其實我唔鍾意有個唔愉快嘅童年成長到而家 有咩值得開心過 除左老媽子養大我之外
「對唔住呀 細細個係我錯 阿媽成日我多過錫你 我有成日忽略咗你 你先會離家出走 咁多年啦我知道我做錯咗後悔咗 其實我好想未返屋企陪阿媽嘅 不過你應該係唔會返去㗎啦 無論我點樣叫都好啦 幫我今次嚟我係想求你幫我一次忙」阿玲嘅態度無左以前我十八歲離開時候嘅莊嚴 過左十年之間 竟然人可以轉變到咁

睇嚟白千睿對佢好重要
「我幫你唔係為咗老媽子 我係純粹想幫你 第二嚟得我呢度嘅我咩人都會幫除非佢係壞人壞到上心口呢一種人你畀幾多錢我我打死都唔會幫 當然要係我唔知道佢係壞人嘅情況下我先會幫 如果明知佢係壞嘅我定唔會理佢 就算佢要傷害我 我都有我自己嘅底線同原則 不過家姐你唔同 你呢十年之間真係改變咗好多 睇到你嘅後悔係出自你嘅真誠 我決定幫你」我道
「太好啦...多謝你呀細佬 咁你要收我幾多錢呀？」阿玲問道 睇佢身光頸靚咁 白千睿應該都係好有錢 家姐今時今日應該千紅大紫
「你係咪傻咗呀家姐 我同你講錢嘅咩 所以你對我唔住 但係你都係我嘅親家姐 你嘅case我係唔會收你任何一分一毫」我拎左一張紙同筆 寫低左白千睿三隻大字「想問下 睿字點寫？」
「睿智個睿 我寫俾你吖」阿玲講完 我將張紙遞俾阿玲 佢仲寫低佢而家嘅手提電話 「呢個係我而家嘅手機number 你keep住佢啦 我希望我哋可以保持聯絡」
「冇問題呀 」我再道「白千睿 呢個名真係夠特別 我鍾意 」
之後阿玲都同我講關於白千睿呢個人 性格點點點 生點又點點點 基本上要知道嘅野佢都講哂 我而家要查嘅就係白千睿另一半係邊個 因為白千睿收得好埋 其實搞咁多嘢做咩啫 直接當邊問佢咪得囉 阿玲話直接當面問佢 佢都唔會扔出面有另一個 其實咁疑神疑鬼都唔係一件好事...

就係咁水管過咗一晚夜...
出面仲落雨 但就唔係好大 我無意間係地下嘅水跣腳而跌左落地
「係咪家姐嚟咗之後我就有嘢發生呀 嘩...躂落地個下真好鬼痛呀 」我捽捽自己屎忽
仲要唔覺意食咗水管入面啲水 嗰個時候 連一隻蝗蟲都唔覺意食埋落肚 仲要懵然不知




「水真係鹹呀」
我抹抹自己個嘴
「有係喎啲雨水係酸性㗎嘛 梗係鹹啦」
我再摸摸自己個頭

不過話咗幫家姐呢個忙我一定會幫 更何況呢個只不過係意外 係水管落雨跌親我週不時都有 不過無今次咁犀利姐....

我個竇真係 麻雀雖小 但五臟俱全 我好識享受自己 因為連電視機 電腦都有 係手提電腦 但水管無插蘇咁啲電係邊度嚟架？
其實係偷番嚟嘅 係上面有條死人屋邨咁啱就有天線仲有近街口嘅電燈 駁條線過去偷電 有電天線就會接駁到水管嘅電視 呢啲咁聰明嘅科技真係邊個會諗到 仲有一張左右連接嘅落地窗紗 訓教嘅時候遮住佢 唔俾人見到 就代表我訓左教 至於將床 就係一個小型帆布床 如果大力少少 將床會爛 但我唔會 只係曾經有人試過大力咁住張床就凹左落去 個一下真係得人驚 無諗過啲床嘅柔軟度咁唔承受得到 之後我決定換左張床佢 但為左穩陣起見 以後唔好咁大力好啲
已經嘅我有大把錢 2億 夠我食過世 但幫人嘅野幫到我都會幫 因為我所無野做 成世人好悶嘅 除左有時想行開行埋想起旅行想去玩 我弓有錢就身痕？我唔係個啲人 我都想見識多啲呢個世界好多地方角落 又認識多啲其他地方嘅文化 我之前都同自己講 一有錢就會想去旅行 仲要係自己一個人去嘅旅行 朋友對我嚟我都係九牛一毛 多幾個朋友知你有錢仲唔要候住你啲錢 朋友始終唔係幾信得過
但未搵到2億之前 我去過一次旅行 近近地小之城附近嘅小之阿之 兩個地方名字差唔多 但差別都好大 至少建築物設計唔同 聽講係兩個城市嘅總設計師 係兩兄弟 仲要鬥生鬥死之餘 兩個都唔長命好快就死左 不過呢啲野我無再深究落去 都唔關我事嘅野我通常知啲唔知啲就算 不過個次旅行都十分開心 話哂個次都係第一次一個人旅行自此之後有機會都去第二度玩 環遊世界就係我想要嘅人生
討係咁 我呼呼大睡左一晚 ...
「呼嚕....」
第二朝 其實起身個下 點樣先知係日抖 就係渠口上有道光照入嚟 但係渠口比較細 光線都比較微弱 跟住我先知道自己出左事 好似有隻野係我身上背脊躝過咁樣 背脊就好癢 我嘗試係咁𢱑 起勢𢱑 越𢱑仲越痕 一時間我拎起左一部電話 影左相俾自己望 我見到背脊有一噠好紅腫嘅印係度 無幾耐就腫埋左起嚟
我知道有隻野係度躝緊 搞到我好唔自然 好想擺甩左佢 開始左lung lung右lung lung 好彩係水管度 唔係俾人睇度勁尷尬 我仲懷疑緊呢個係唔係家姐俾我嘅見面禮物 真係有啲燥底 但咁燥隻野都唔會走 又過左一陣 隻野好似侵蝕左我身體 有一下好似靈魂跳左出嚟 完全就係離開左本體 個腦不由自主令到全身左搖右擺




我暈左一陣
「好似無力 想起身都唔得 我係唔係就嚟死呀」

邊個知道有隻蝗蟲植入左我身體
傻的嗎
咁荒謬嘅事邊有人信
到我本體潛意識有啲正常 我決定要搵醫生急救 唔算唔係醫生 跌打都得 總之 我要個背脊唔痕 重要嘅係隻野一定要躝出嚟
我去搵城內最強醫生 主打骨骼醫生 聽起上嚟幾搞笑 做骨科醫生我就知 骨骼醫生又係咩家伙

佢好快就見左我
佢用X光機照左我全身 過左一陣又皺左一下眉頭
我仲想鬧佢一大獲 因為佢話無得救 仲要 堅持企硬
呢一個係人類史上第一重大嘅發現 見到佢嘅眼睛好似唔敢相信呢件事 就係有一隻昆蟲係我身體入面
「認真咩 有隻甲蟲係我身體裡面？」我道
「你做左啲咩嚟 點解會有隻昆蟲係入面？」醫生問我




「我鬼知咩...如果我知道嘅話就唔駛搵醫生啦 」佢話攞唔番出嚟我緊係發火啦
「因為佢係一隻變異昆蟲 我唔可以攞佢出嚟 因為攞佢出嚟分分鐘無命」醫生道
「咁大獲嘅...」我當堂嚇左一嚇
「所以先問你發生左咩事？有無傷過或者有無食左啲咩唔乾淨嘅野入去」醫生追問
「無呀 你尋晚跌左一跌 飲左少少渠水」我道
「都叫左你唔好住渠道入面架啦 又會跣親又易危險 我知你係好出名 小之真係無地方你住咩？」醫生道
「我習慣左吖嘛」我道
「你肯定飲左啲渠水個一下食左隻蟲入去 雖然係核突左啲 呢個係事實 係懲罰你強制要住渠口入面 仲有你而家有無咩唔舒服呀？」醫生問
「暫時無乜 係一開始有少少暈暈地 精神唔太好之外 而家好似力量勁左咁...」我道
「咁就啱啦 你應該就係下一位新英雄喇..」醫生拍哂手掌
由偵探變成一支新英雄 對我嚟講係期待 何況 偵探配搭英雄都係唔錯嘅玩法 我鍾意 所以我接受左做英雄嘅事實 都無得唔應承 隻野係我身體入面 我點都係要接受佢
「我想問 睇唔睇隻昆蟲係咩？」我問
「放大啲嚟睇 似係一隻蝗蟲」醫生道
蝗蟲係害蟲嚟架喎 真係可以做到英雄咩
睇唔出呢個英雄可以有咩功用 咁多野揀唔中 偏偏係一隻害蟲 真係害人不淺
醫生講嘅說話 我暫時信左佢 之後向新嘅方向進發
我決定去刷餐勁嘅 就係咁啱我係餐廳門口前 撞到我家姐 佢係裡面同一個男仔吹水 唔係 似係嘈交咁款 我係側跟 係佢睇唔到我嘅情況下留意有啲狀況 有咩事我都可以第一時間衝入去救人
死啦... 我做咩咁緊張佢呀...
我都係啱啱先撞番家姐咋 唉 算啦...鬼叫佢係我家姐咩 親人我點都唔會唔理 除非個樣野係好錯嘅...
不過睇住佢地爭執左一輪 連啲食客都啤埋一份 佢地嘅嘈交影響到其他食客了...
「真係好想知道佢地嘈緊咩 可惜我又唔識讀唇..」我係度嘆氣再道「男仔會唔會就係白千睿 如果係真嘅 咁佢都幾靚仔」
明明想嚟食野竟然換嚟一場免費show 但呢場show仲要唔多精彩嘅 我為呢場Show影左好多相 仲有白千睿可愛靚仔樣
跟住我攞左電話出嚟 因為家姐有俾白千睿張相我望過 我攞嚟對比下 睇落相靚仔過真人 不過都正常啦 相會P圖架嘛
不過要查佢係咪有第三者 就一定要跟蹤佢 再唔係入侵佢手機 我會先跟蹤住佢先 睇下對方咩身份 有時我都憎啲花花公子嘅 如果係真嘅 我一定打佢一身
係佢地出嚟之後 我就順便入左去餐廳食野
個男仔其實都好豪爽 高級餐廳唔係個個都會嚟
「請問先生 幾位？」侍應好有禮貌咁同我微笑
「一位呀 唔該」我講完 就帶我去啱啱家姐果張檯
餐廳太過Full 就係得番個張 真係又會咁啱嘅...
我係叫完野食之後就睇番影左嘅相 同時又問下啲侍應知唔知啱先嘈交發生左咩事 啲侍應又真係好勤力咁工作 嗲唔搭一句 又唔願同食客溝通 今時今日侍應咁嘅服務態度我真係接受唔到囉...

其實我想用錢買下啲料 但咁樣唔值得 唉...算啦 都係個句 我廢 我唔識讀唇
家姐send左白千睿住邊 俾我知 我的確係需要知佢係邊先可以跟到佢 佢就住咩半山乜乜豪宅個啲大屋 不過佢咁有錢 點都會揸車出入啦 我呢就無準備 有車牌就係無車 而家都無話值得唔值得 一部車遲早都要 如果我嘅蝗蟲有咩功用就好啦 而家淨係聽醫生老點
但係蝗蟲係識飛架啵 如果我都識飛你話幾好呢 一架車錢都慳番
「sir 你要嘅紅酒」
「唔該」
食完野就準備番屋企 己經有人係度恭候緊我 係兩個三唔識七嘅人 仲想打我
「先生 我地嚟打你」黑衫男先下手為強
「喂 朋友 你冷靜啲 我好似唔識你架喎」我避開左佢嘅拳擊
「你唔需要識我 你識我老細就得」作再嚟多拳
「妖 講清楚啲你老闆係邊個呀？」佢啲招式真係渣 我又再避開佢嘅攻擊
「沈豪呀 你記唔記得佢呀？」黑衫男道
「講好左做埋個單就唔接佢無理嘅order喇 仲要強人所難？」我道
「邊到你話唔接就唔接？你食屎上腦呀？你係偵探 有得揀嘅咩」黑衫男繼續攻勢
「你殺左我咁搵邊個接佢單order」我道
「你唔係以為攬住兩億過世呀嘛 而家個order都係啲簡單嘅野嚟 仲有多幾十萬 你最好乖乖地接左佢 唔好令我地難做」黑衫男都惡唔到咩花樣 沈豪搵兩件蛋散就想搞點我 真係笑死 我係弱者 但都未至於弱到兩條蛋散都搞唔點
「有咩咁難做？同老細講唔接咪得囉 幾十萬姐又唔係幾千萬」我道
「你想創左你嘅心呀」另一位西裝男 準備左架餐 係一個刀 真係唔入流 竟然唔係黑衫男攞刀 著西裝應該揸槍比較型啲 但對付我一個唔駛攞槍啦 但要攞刀殺我 方我唔死呀
「仲要攞刀添」
再一次想講 點解蝗蟲變左異 連一啲能力無 搞錯呀 而家嘅局面我就死啦 仲要無人救到我呀

「乖乖地認命吧啦」西裝男斬向我
但蝗蟲嘅力量竟然牽引我避開把刀 個下反應真係好快 唔通蝗蟲已經發揮左作用喇...

「竟然避開左左 靚仔啲力量真係強左好多」黑衫男道
「我地走...」
佢地竟然就咁走左？真係打我唔贏？ 不過我都無追上去 由得佢地走
「走左唔好番嚟 我會搵沈豪算帳」我向佢地方向大嗌
仲要有大回響 咁啱有個人影過嚟嚇左我一跳
「你同緊邊個講野呀？」佢係尚可係我唯一嘅好朋友 又係搵我查案而熟落嘅朋友
「啱啱有兩個男搵過我打架」我道
「咁大膽 等我報警先」尚可真係亂嚟
「一報警呢度咪要收皮囉 玩野咩」我道
「都無人叫你住水管 咁你知唔知郁你嘅係邊個？」尚可問道
「我知係邊個 所以由佢 遲啲先搵佢算帳」我道
我點都係無同尚可講沈豪嘅野 就算係好朋都有秘密 更何況佢知道可能會有危險 更加唔可以俾佢知
「講好左一齊睇波架嘛 啱先搵你唔到 你又搞到而家先番」尚可道
「唔記得咗添 不過唔緊要啦 我都番左嚟啦 係咪」我道
「我嬲你做咩唔記得咗咁重要嘅事 今日係烏巴巴場波賽 無可能唔睇掛」尚可道
「我覺得烏巴巴打阿隆既係精彩嘅 咁重要嘅事點會唔記得呀 只係我走左食野 見番家姐 跟住就食到過哂時間」我道
「你條友仔 不過算啦 我買左好多啤酒 我會留係度通宵 加上渠道風涼水冷 我最鍾意架啦 起碼唔駛開冷氣都夠涼爽 正」尚可笑道
「今次我醒呀 係前日買左張平價梳化俾你坐 費時你坐爛我張梳化呀 仲有講好左啤酒我請架嘛 你又自己偷買」我指住張床
「睇你十成都唔記得咗架啦 我咪自把自為囉」尚可手上有兩大袋啤酒 仲有樽裝阿啤啤 真係重本
「今晚你有張新梳化 張床就唔搞你啦」尚可道
「你搞爛我張床唔緊要呀 你自己搬番嚟就得 你都知我張床幾重幾有要求啦 話哂係係訓教嘅 」我道
「得啦...我明啦 總之我今晚一定唔會搞你張床」尚可搖頭
大約十點 電視台播放精彩嘅賽事就係
烏巴巴 對 阿隆既 仲有20支烏巴巴特殊樽口嘅阿啤啤 專為我地而設嘅享受
不過飲完啤酒個樽都掉架啦 鬼有人草嘅咩 個樽整得幾靚都無用 基本上好無謂嘅野我唔需要有要求 不過阿啤啤真係好好好飲 甘而清香嘅感覺 緊係啦 佢貴哂好多牌子嘅啤酒架嘛

烏巴巴同阿隆既一樣係實力雄厚 不相白仲 但我點樣都會買少少玩下 一賭波 輸錢緊有嘅 雖然我係隱形富豪 但無必要咁樣玩完哂啲錢
「你買左烏巴巴幾多？」尚可突然問
「五萬幾」我打左一桶薯片道
「咁多 你真係闊焯 我都無你咁多 你做偵探搵到咁多嘅咩？」尚可有啲懷疑
「搵到啲啦 偵探喎 真係唔駛俾錢咩 我都算係出左名啦 係咪？」我搵緊藉口希望佢唔再懷疑 最緊要佢唔知道我係隱形富豪
「你叻 你把閉 咁細個就年青有為」尚可個樣都啲老人款 有時佢想返番過去 但要知道現實係無時光機 亦無得俾你後悔
「開始啦 緊張啲啦」我大嗌道
係水渠入面睇波飲啤酒 真係好番另一種風味呀 屌...真係正到想講粗口
「放心 我買左阿隆既 我要睇住鳥巴巴一敗塗地」尚可道
「睇下點..」我都唔會認輸為烏巴巴打氣
..........
兩年前

豪邁跨國公司
UBS總部

最地下個層 無人可以入去 包括佢唯一個仔 沈豪 入面有啲咩野 只有佢自己先知
入去需要密碼 而密碼仲要好複雜嘅 複雜到張文遠有時都唔記得密碼 因為佢唔想咁易俾人入去 第二出面道門 硬到銅牆鐵壁 根本 無野可以打得爛佢 包括你用最強嘅武器 仲有你用炸彈去炸佢都唔會爆到道門 就算飛過去都無用 因為個度無窗 只有一個大門出入 個度係搵人精心設計嘅而改造嘅
沈豪後來先發現阿爸背住佢做啲奇怪嘅野 又唔可以俾人知 就開始查老豆 都係查查先發現地下仲有一層係去老豆嘅神秘地方
邪惡..
無𨋢落到去 隱蔽到無人見到入口
「跟好啲呀 知唔知道呀 有咩走漏左你同我都唔掂呀」阿遠同志高係樓梯落緊去 志高係阿遠嘅得力助手嚟 好多野都會搵佢幫手 仲要把口收得好密
「明白..」
其實沈豪好想搵呢個身邊人探下口風 但呢個仆街仔志高 死都唔肯佢老豆啲野
一次...
佢地係公司走廊撞到面 沈豪叫停左志高
「喂...志高 我老豆最近神神化化 你知道佢做過啲咩嚟 可唔可以透露下？」沈豪問道
「唔得呀 你有咩事一係問你老豆 如果你老豆唔講 一係就等佢時機一成熟就會講架喇」代高係就算你點糟蹋佢 佢一樣口硬 心仲要堅個堅強 真係一隻忠誠嘅狗仔
「豈有此理 你係唔係同我玩法呀屌你」沈豪最憎人唔順從
「你屌我都無用 我係打死都唔會講 無事我走先 今日件事我會如實咁阿遠講 」志高仲要威脅沈豪
但沈豪點樣都係點佢走
「屌你老母 死人臭閪 你郁撚我 你就知道咪道」就係咁借左一個分身家嘅名義 叫我去查阿遠有咩大秘密 再製造一場意外令佢地兩個死 佢嘅酬勞係兩億 當然我聽到兩億就發錢寒 我無論如何都會搞得妥妥當當 話哂有兩億呢世我都唔駛休啦
其實我都唔知地下個秘密地方嘅密碼 但地方係我同佢沈豪講嘅 如果唔係阿遠只會一直瞞天過海 一直係咁呃個仔

我咪試下係阿遠身上搵資料 不過又唔係幾埋到身 我最多都係埋秘書阿阿芯上面套下料 我第一次望阿芯 真係不得之了 點解可以醜樣都咁嘅 戴住副死心人老花鏡 大佬呀 佢先20幾歲 成個60歲阿婆咁 簡直係豬扒同肥豬嘅結合 世界上無人醜得過佢 佢有啲小聰明 令到阿遠係欣賞佢嘅 先俾佢做秘書 但佢就抵死嘅 我同佢套料嘅時候佢就有啲口疏
我係佢秘書嘅工作位同佢傾計 佢就忙馬老細嘅 今個禮拜Schedule 我貓到佢部腦 阿遠嘅Schedule都排到密密麻麻 你唔講仲為係阿遠係鐵人 唔駛休息嘅
「話時話老細最近有啲問題」沈豪隻手踭係埃住個板
「有啲咩問題？」阿芯道
「成日唔見人 又成日去森林個度」沈豪道
「唔見人好正常嘅 佢係主席 佢要出去傾生意架嘛 仲有你話咩森林係咩意思？」阿芯道
「唔明咩森林？我見佢成日去森林個度架」沈豪道
「你應該講緊外圍 ..」阿芯道
「原來療外圍 姐係有野啦」沈豪道「係我背後做埋啲怪野 仆街我一定要報仇」
「豪哥 你又知你老豆做左啲怪事？」阿芯道
「最近都奇奇怪怪咁 咁懷疑都好正常姐」沈豪道
「真係無咩 都只不過係外圍姐 」阿芯一直強調外圍
我就諗佢外圍有可疑 我仲查到公司外圍雖然平平無奇 都係啲花花草草 樹林 有個普通發電廠 正常人都只會經過姐 底下再神秘地方 鬼會知咩 我點解會知 我就留夜係外圍逐一搜索 發現地下有地底泥 好唔明顯 但覆蓋成個大入口咁 跟住就用手掘走啲泥 掘下掘下發現地下有正方形入口
有咩咁秘密唔可以俾人知呢
最後嘅一道解碼的確係需要一啲時間...
辦公室裡頭 傻嘅都知係為公事 無人會鍾意個老人
「聽講阿遠搞分身家 係唔係真架」阿芯向沈豪講
「之後你會跟我架喇 唔駛再跟呢個老野」沈豪早有計劃
「點解呢？你 真係睇得起我」阿芯道
「其他野你唔駛理 幫過我嘅人我都唔會待薄佢 你跟左老豆兩三年 老豆睇得起你 我都會一樣」沈豪心裡奸笑
不過阿遠唔知阿豪做啲咩 只係長年累月處於公事上 連阿芯去左搵沈豪佢都唔知道
阿芯出嚟之後 我同佢擦身而過 我無同打招呼 唔係我無禮貌 係我唔想望到佢 望多一眼 眼睛就真係唔駛要 我入左辦公室 佢就講佢計劃
「我想係老豆嘅研發會上製造一場意外 你搞搞佢 事成之後 就有多一億」沈豪道
「竟然係咁..但老闆你仲未搵到張文遠地下秘密地方嘅七碼...」我覺得沈豪做事有陣時都係急得濟
「呢啲之後再算啦 個老野留多一日只會阻頭阻勢 」沈豪道
究竟咩原因一定要咁急殺死阿遠？ 但佢俾咁多錢我 我無理由要去懷疑同查佢 一陣真係查到野連我都會殺埋都似
「咁好啦 我去搞事喇」我道

發佈會上 一個論壇
阿遠同沈豪都係度 仲有好多達官貴人 包括再商言商 小之地方官 等 都睇阿遠最新作品 阿遠嘅超智能合金腰帶 好閃好耀眼 佢放係一個透明箱入面
「好彩 阿正提出呢個方法先可以搞點老豆 只要佢一開制 就會爆炸 到時佢就會死 」沈豪係度咿咿呀呀 阿遠突然走過嚟令佢嚇左一跳
「無野吖嘛...鎮定啲啦 後生仔」

「呼...」
真係人嚇人無得醫 阿遠一日未死 沈豪都會小心為妙
「今日呢個發佈會就係為張文遠先生而設嘅 張文遠先生發表新一輪 作品 名為 智能可攜式合金金腰帶」主持人就係搵左志高嚟做
阿遠好快趣咁講解一輪腰帶嘅野 因為佢好心急想試用呢條腰帶
佢做到好多野 腰帶裡面有要記憶片 尤如電話一樣 記錄事 即係有影相功能 可以測步速 戴上去可以提高少少身體機能 從而提高工作效率 另外 仲可以按摩肚腩
咁多功能 我都唔想要 呢項發明都無咩特別姐 ..
話講未完 阿遠親自戴上腰帶後三秒就爆炸了
「Boom」
涉及到志高 因為佢係阿遠格籬
個下爆炸聲好大 連會場嘅人不知可惜 有啲仲落荒而逃 沈豪係度扮哂緊張 希望一個救一個 除左老豆

「張文遠佢點呀？睇下有無事？」高官主守凱上前問候沈豪
沈豪走過去老豆身邊 摸摸佢嘅鼻
「佢...死左...仲有主持人都係...」

「真係離哂大譜 未搞掂就咪發佈住啦 仲要引火自焚」守凱有啲煩惱 「搵啲人清理現場啦 搞到啲傳媒又亂咁寫一通 我一陣會走先 」

「對唔住呀 我都唔知老豆嘅發明係一件失敗作品 如果我一早知道就禁住佢啦」沈豪向守凱道歉

「邊關你嘅事 唔駛道歉 你又唔知件事會搞成咁」守凱係度主持大局 而家成個場地都真係立立亂 守凱仲搵人處理埋兩個屍體
「不過你老豆死左 你就係繼承人嚟 你係叻仔 好好俾心機接老豆嘅公司啦」

「知道嘅 守凱」沈豪有禮貌地點頭
隨後守凱欲無其事離開左現場 沈豪戰勝了局面 心裡沾沾自喜
「點解會無啦啦爆炸架 原來舊野係流架」阿芯趕到現場 就見到背後嘅沈豪
「係呀 佢自己可能都唔知道 不過我做左主席之後你跟我」沈豪道
事後 沈豪搵過我
係水渠口
一個大男人竟然嚟水渠 佢真係唔臭嘅咩
「真犀利 你係搵咩改裝塊腰帶 點解唔可以同我講？」沈豪對改裝有啲好奇
「腰帶通常都係晶片 只要加一個微型爆炸裝置 係入面 仲要改埋啟動制 其實一啲都唔難 最難係你要加兩舊野入去 你可以做到就得啦」我道
沈豪永遠都唔知道舊爆炸裝置係邊度嚟 阿遠又會只顧住地下神秘地方 連腰帶改裝左都唔知 睇得出 個噠地方重要過腰帶
「我係副主席 要閂閉路電視又唔難 潛入去容咩易 我今次嚟係想過埋啲尾數 我講過我最睇重幫到我嘅人 我希望你可以繼續幫我做事」沈豪攞左一部手提電腦 係我戶口入數 啱啱好1億 加埋先前個1億 齊頭兩億
「其實呢你有需要可以搵我 但我唔接長遠嘅order我要幫嘅唔止你一個 」我道
「你有兩億先會幫我嘅 你仲唔係為左錢？ 仲有你唔好忘記 你呢次咁做 都係間接殺左人 」沈豪諗左一陣 又唔想發火「你諗諗佢啦 長有生意俾你做 」
「好 我就諗諗佢」我道
「你講得出就得啦 我間跨國公司好缺乏人才 好希望有你呢啲聰明人加入」沈豪再三拉我入去佢公司
我習慣左自由自在架嘛 無啦啦叫我入咩大公司 搞錯呀 之後我緊係無搵佢啦 不過都唔怕佢搵我嘅 佢做左主席之後 一定會好忙 唔得閒過嚟 最重要係地下秘密地方 佢要諗辦法拆解 佢間公司咁多人駛咩搵我吖 拉我入去就係打死一世工 而且連自己老豆都想諗計殺害 根本就無人性 呢啲錢我覺得適可而止就算
就係咁我輕鬆地袋左兩億落袋 發夢都無諗過有兩億會降臨我身上 咁樣就搵到我一世人要搵嘅錢 其實可以以退休了 但我性格鍾意幫人 一世人流流長 幫得幾多都好都係積下福 起碼都係自己鍾意做嘅事....
啲錢真係用到 我慢慢搣 又買野好野俾自己 不過唔好意思始終都係我嘅生活 我唔可以太偏離 而係呢兩年 有啲空閒自己我走左去學車....
係小之呢個城市無車真係唔掂 我學定先都無壞 仲有之前講嘅旅行

自張文遠死後 個仔 張偉豪改名為沈豪