英雄再三聯盟：宇宙洪荒: 疾風女俠3：莫問終極上集（下）
銀色家族裡面信號收得好差下 應該話佢地位置近山 又有水 簡直與世隔絕
行入去冠冕堂皇嘅花園
拜訪銀鋒嘅爸爸 萬逸華 佢坐係大廳等緊我
「阿月 已經咁大個女喇 呢度歡迎你呀 今晚仲特設左盛宴招呼你」萬逸華 仲記得我細過嘅時候嚟過呢度
「華哥 下次唔駛咁搞咁多野 佢嚟協助我捉杜泄嘅」銀鋒對老豆都係聲大夾惡
「人地係女仔人家 點都要招呼下佢 你呀 唔好失禮人呀」萬逸華咳左一聲 就離開左現場
「收到你」銀鋒見到萬逸華走後 再帶我入去房間又邊行邊講「老豆成日都係咁 緊張大師嚟」
「做父母緊張自己的仔女好正常啫 仲有你鍾意叫你老豆做華哥呀？」我問
「老豆講過 叫乜哥物哥先有氣派」講講下已經到左大房 係銀色家族有好多呢類型嘅房 方便有時招呼人客 而我有啲例外 一打開房門 佢竟然俾左一間豪華到 係我屋企嘅兩倍嘅房 有錢人果然唔同啲 我當堂嚇左一跳
「我又唔係嚟渡假 唔駛俾間巨型房俾我嘅..」我形容比較唔仔細 因為大到難以置信
「我想講 呢度係我間專用房 裡面仲有分開左幾個房 我諗住方便啲 話哂家族地方大 啲房又相隔
有啲距離」銀鋒
「之前覺得你屋企就係大酒店咁嘅款 真係可以快旅遊景點 真係嘥左」我回想道
「之後有時間先帶你去參觀下啦 慢慢嚟...」銀鋒指住入面嘅一間房 一打開就望到一茫無際嘅海 的確係幾吸引 都係個句 浪費左個景 我知道呢啲都係用銀粉換番嚟嘅 如果當初無左銀粉又會唔會有今日嘅成功呢？
「你地啲銀粉收左去邊？」我點會過錯任何一個機會
「地庫 事前真係無諗過銀粉會有人想偷」銀鋒道
「銀粉雖然唔及金條 都同樣都有收藏價值 好似金條又好 鑽石又好 無人買都係等於垃圾」我再道 「咁啦 你將大量銀粉放係地庫嘅當眼處 我地嚟一招引蛇出洞啦」
「你唔講我都會咁做 今日華哥有好多野食準備左俾你 聽日先再行動」銀鋒嘅房間就係我對面 佢就望後山嘅風景 一樣咁雅致
「你都知我幾細食架啦 」我失笑道
「尋日先一齊食pizza你仲食到好滋味 我特登同華哥講 要款待你 話哂咁耐無嚟」銀鋒道
「之前你又唔係度 我嚟都無用啦 」我講完後 去準備熱水沖涼
而銀鋒就左去搵管家
大房後一條長長嘅走廊
無人 相當寧靜
管家係度嘆茶 佢算係最寫意嘅管家 需要照顧萬逸華嘅起居 但萬逸華好多時都係自己去打理 反而銀鋒番左嚟 萬逸華就想多啲睇住佢 所以管家好聽銀鋒嘅話
「少爺 番左嚟喇」管家向銀鋒鞠躬
「阿勞 我想同你講我捉杜泄嘅計劃」銀鋒同我都諗左好一陣子先諗到嘅計劃 銀鋒一五一十講俾管家知 銀鋒同叫老豆一樣 唔鍾意叫管家 直接叫名 最緊要管家唔會介意人地點叫佢
「洗耳恭聽.. 」
佢地邊行邊傾計 圍繞住走廊好一陣子
地庫
銀鋒千叮萬囑管家 一定要將銀粉放地庫當眼位 但同時要用箱封住佢 仲要放番閉路電視同大門 附近都要有人守住 杜泄一見到個箱 都要用時間的拆解 個段時間我地就會落嚟 咁樣就可以將佢一網打盡 問題係佢會唔會咁易中計 話哂有新聞提及佢有啲小聰明
「地牢嘅一牢門一定要開 我地恭迎杜泄來臨」管家擺起個款 走左入去一間大牢
「今次可唔可以成功捉到杜泄就靠哂管家同銀鋒佢地」萬逸華都驚杜泄唔嚟
「一次唔得咪第二次 人係最貪錢嘅 如果唔係佢都唔會去偷野 佢點會想辦法嚟攞走啲銀粉」管家
嘅說話 萬逸華都同意「大牢就係捉到之後困住佢」
「派左人係附近守住就得啦 你去準備下今晚嘅晚宴」萬逸華安排左管家的廚房幫手
「無問題..」
萬逸華跟隨管家離開地牢 之前 都謹慎咁再同啲看守講 「睇緊啲 唔好掉以輕心」
每位看守都好盡責 無半點鬆弛過
...........
大眾殮房
里下得知阿里自殺後心痛不已 走到阿里屍體前 睇住蒼白嘅阿里 深深不忿
「平時份人又天真又樂觀 點可能自殺 係邊個害死你嘅 」
佢心目中只有一個人選就 係拉多
「我個一刻唔應該走 無諗過拉多竟然會做事 係我嘅錯 無好好保護你」里下大喊再道「無論如何 我都要番去阿里旗艦 我要坐你嘅位置」
阿里嘅決心就係嚟自同阿里多年嘅感情 無人能及
「我唔會俾你死得不明不白」
里下番到阿里旗艦 佢睜大左自己隻眼 反應唔過嚟 因為阿里旗艦已改名為 拉多旗艦
「阿里啱啱一走就將公司食左 真係可惡」
其他路人甚至員工都若無其事
係得打工嘅人都係為左錢 原來無人會諗會為公司好
阿里之前對拉多都無咩好感 更好少接觸佢 對佢嘅野都係一知半解
佢一入到大門就見到拉多啲警衛
「阿里走左 呢度唔需要你了」
佢地攔截住里下
「你而家反轉豬肚就係屎？用完我就想我離開？」里下心有不甘
「拉多吩咐落 你番嚟我地會攔住你 你唔好要我地難做」警衛一再向前 拉多只可以退後
阿里走後 里下變左一無是處 佢一個人嘅力量點都入唔番去旗艦
「拉多你好野 我會記住你」拉多隨即走左
拉多心知不妙 因為里下番嚟一定會懷疑佢
里下可以搵支援 除左妹子 阿斯 仲有我 個一刻里下好想為阿里報仇
突然落起大雨
連個天都玩佢....
「天外有天 連個天都落場雨 淋醒佢 希望佢以後唔好番嚟阻頭阻勢」拉多得知 警衛將里下趕心 個一刻稍有放鬆心情
「拉多 駛唔駛派人殺左佢？佢都從埋就會少一個人針對你」拉多都有幾個左右手 之前係跟阿里而家調轉槍頭跟拉多
「唔駛...唔駛...的唔想揹多條殺人罪 由佢 之後再嚟就打發佢走..」拉多 覺得多一事不如少一事
其他人都只可以服隨老閣嘅命令
「無事我地出番去做野 ..」
.........
域多利係我叔叔
即係萬萬逸華嘅細佬 出去番蕩江湖 係海附近起左一個公會嘅野 同萬逸華有來往
御書房
只有萬齡華同域多利係房
「有一個用銀粉做嘅包包 唔知你滿唔滿意？」域多利手帶住一個鞋盒 裡面係一個鋪滿銀粉嘅包包
「你用左我地幾多銀粉去做？」萬逸華拎起檯上嘅眼鏡 望真啲個包包
「唔係好多 都係10公斤」域多利左計右計左一陣
「你真係好野 10公斤都唔多？ 你以為啲銀粉咁易有 一個包包都10公斤 你仲想要幾多？」萬逸華知道銀粉並唔係咁易就製成 貨量唔多 同時又要將部份銀粉做魚鉺
「阿哥 唔駛咁擔心 呢個包包會全世界上獨一無二 只有一個 唔會再有 所有我會拎去拍賣 幫補下公會嘅經營 日常開資」域多利道
「最近公會點？係唔係資金唔夠用？」萬逸華關心道
「個個都知道我有嘅銀粉嘅貨源 我都唔敢賣」域多利道
「之後有咩需要可以搵我 你拍賣好個個包包 想再要銀粉可以搵我買」萬逸華道
不過家族暫時唔缺資金 之前都賣落好多銀粉 都足夠救後嘅日常
域多利留底係御書房 萬逸華點都會留佢係度食飯 因為佢都好耐無見銀鋒
「我都好耐無見過銀鋒 我都想見下佢」域多利期待同銀鋒見面
萬逸華最緊張一點 有咩事都好 千祈唔可以將銀粉賣俾阿里旗艦同杜泄
「等陣食飯就會見到」萬逸華道
「最近有個大新聞 你應該唔知 阿里自殺身亡...」
域多利道
「你住海都知啦 我點會唔知呀 雖然呢度與世隔絕 但都會第一時間知道最新資訊」萬逸華以為係咩大新聞 原來自己都有耳聞
但萬逸華都唔鍾意阿里旗艦啲人 阿里嘅死對佢嚟講係報應
晚上嘅晚宴真係津津樂道 阿月又認識域多利 而
域多利見番銀鋒 又唔捨得離開家族 只因大家無見咁耐 好多野想傾
域多利始終都有傾唔完嘅話題
萬逸華從域多利睇得出佢嘅笑係發自內心 並唔係有咩隱瞞
到左聽日一大早
起身之時 太陽係窗外照耀 實在太猛烈 仲有一陣微風
「估唔到呢度咁溫暖..」我起身望一望時間 其實都仲係太早 再望望對面 銀鋒仲訓緊教 決定唔打擾佢
我去左洗手間梳洗一番
跟住走左出去外花園行下 其實又唔可以講唔係渡假 因為我地都係等杜泄 個段等嘅時間都無咩做 而家真係好好欣賞一下家族咁靚嘅世外桃源
連啲花都好心去種 而且啲花都有獨特嘅香味
可能太早嘅原故 家族嘅人都無咁早起身 不過我覺得要先醫好自己個肚 我係一個需要食早餐嘅人
呢度咁大 都唔知廚房係邊 ...
但我行下行下 唔覺意行到一道 應該通往大牢嘅門 姐係銀粉嘅位置 廚房搵唔到 竟然先搵到銀粉嘅門
好奇心嘅我就想入去一探夠竟 但附近亦有人匿埋係度看守 好明顯俾我見到 而且大門仲要長期開住...
不過最後我都放棄入去 因為啲看守唔識我 完
第二日 我決定將一招半式教下銀鋒 無諗過出左去修練都係學到一半就番嚟 全因銀粉俾人偷去
我用劍同弓箭比較多 引致速度都有番咁想下 銀鋒就係缺少敏銳度 如果敵人攻埋嚟佢應該會反應唔切
後花園個景真係靚 好適合用嚟練習
「你個家族地勢幾好 近海 就算有太陽 都有啲風吹起都舒服」我道
「係呀 呢度療福地嚟」銀鋒道
銀鋒最擅長拳打腳踢 佢自細就唔習慣有武器係身邊 不過用拳頭都好有限 如果打鬥嘅時候點樣都係有把武器係手最實際最方便 只要練左幾次左閃右避 反應都會提高
銀鋒唔想自己資質差個我 但我唔同 佢有多次打架經驗 又有daddy送俾我嘅武器
「點解當初你要揀兩個兵器 唔重咩？」因為我決鬥嘅時候都有兩種武器起手
「當你有需要嘅時候 就要用唔同武器 如果佢逃走 用箭射佢就會走唔到 但正面對戰就要用到劍」我解釋道
「我地家族除左我識攻擊 就係看守 其他人包括華哥管家 都係手無搏雞之力 」銀鋒唉聲嘆氣
「咪係囉 所以你啲銀粉先會咁易俾人偷 因為你啲看守攻擊都係差無幾」我覺得家族真係漏網之魚 就算有閉路電視又點...? 你啲人都攔唔到偷野果個 有錢又唔請多啲識打之人 淨係係度將與世隔絕嘅地方打造成世外桃源
「有時我唔知華哥諗啲咩」銀鋒講完 就教左啲基本拳術 呢方面我並唔係好擅長 不過用我嘅劍法方式去教應該唔成問題
「如果有敵人嘅時候......」
萬逸華同管家經過 默默地見到我地練習 萬逸華感到欣慰
............
太早 就趁大家無為意嘅第三日
杜泄 始終都要嚟 鬼鼠咁行入去無鎖嘅大門 其實被新聞誤導 以為真係有小聰明 由始可見 佢並唔係人頭豬至啱 係假的 從後門進入再由無鎖嘅大門 成個係一個局
戴住一個面罩一頂cap 帽 佢空手而來 但咩都無佢可以點拆解個箱 同拎走啲銀粉呢？ 我之前都日日好早起身 已經習慣成自然
我真係無諗過佢咁早起身偷野 幸好啲看守見到佢入左去大牢後 立即出嚟閉上牢門 再用鐵鍊鎖左門柄 但我覺得唔需要咁做 只要鎖左門 有人係出面看住 佢一樣走唔到 除非嘅係 佢嘅大絕招 臭味好勁 勁到可以打開道門 佢只要再出去 點都一定要解鍊同埋出面嘅陣線
「點解你唔入去？」銀鋒係我身後嚇親我
「佢門都鎖左點入去？」我問
「前面仲有道門可以入去」銀鋒指住直前嘅遠處 我心諗 咁做咩用鐵鍊鎖住呢度門？如果佢係另一邊門走 咪又係於事無補
「你地用鎖鏈嘅用意係咩？因為佢嘅臭味攻擊可以衝破道門？」我不解 問道
「可以咁講 佢嘅臭味可以隔空操控 之前試過打爛左道門 俾佢走甩」銀鋒想想再道
終於 杜泄係入面困住左 出唔番嚟
「豈有此理 竟然係一個局」杜泄係入面大嗌
我同銀鋒立即落去地牢 佢係度試圖大力打開個徭但個範都黐到好實 佢點掙扎都無用
我地望住一個無助嘅杜泄 個下覺得佢好可憐
「我真係唔明 你點解要偷野 同你個名叫杜泄 真係去盜竊？」我輕佻地道 我覺得佢已經無咩殺傷力
「你個話題真係得意架喎 偷野緊係為左錢啦」杜泄邊講邊扯開個箱
「睇你表演啦」銀鋒只可以係後面望住我 因為佢怕杜泄嘅臭味攻擊
萬逸華都提過 係呢度殺人 出面執法人員無權執法 所以唔會受到法律制裁 只要佢挑起我把火我就會對佢唔客氣
其他看守一步一步向佢緩緩進逼 杜泄嘅臭味已經準備就緒 一個預備動作... 屁股轉向我地方向 仲彎低左個身.
「小心佢啲牧味呀..」銀鋒叮囑大家道
杜泄嘅臭味原來係從屁股個度發出 先可以駛出嘅招式 我覺得係有辦法可以破解到
我係褲袋拎出一個木塞 一個紅酒用嘅木塞 係第一晚嘅晚宴嘅時候唔覺意攞左 個時有諗過佢嘅臭味攻擊係點做得到 臭味遁地 我有理由懷疑其中一個方法就係由屁股發出 今日真係不出所料 我係佢蓄力嘅時候係佢屎忽塞左個十塞
啲人當場呆左一下
「木塞..你...」連杜泄反應唔到
「我將你個屎忽塞住左 你啲臭味又可以點出嚟？」我失笑
「係幾好野 竟然俾你諗到用木塞..」銀鋒都意想唔到我會有此一著
但杜泄除左臭味都要向我直面攻擊..
因為佢別無選擇 只可以硬碰
「除左臭味我都有隱藏嘅能力 你地太輕估左我 你以為有個女仔係度就可以搞掂我咩 笑話 橫點我都走唔到」杜泄 發出前所未有嘅震撼力
「你講 啲銀粉賣左俾邊個 或者可以饒你一死」我知道佢一定會唔自己用 佢冇可能咁戇居偷完啲銀粉攞返屋企收藏 仲要偷完一次又一次
「你打得贏我我咪講你知 呀吓..」杜泄拎走屎忽嘅木塞 但暫時都仲未可以用得番臭味攻擊 呢個係弱點 佢一個馬衝跑向我道 係手中擲出5支飛鏢嘅物體
「竟然有武器..？」我及時從背後拔起劍 擋住佢嘅飛鏢
「啲飛鏢並唔係通常飛鏢 上面係有毒嘅 你都幾靈敏 竟然可以抵擋到」杜泄身上仲有大量拎鏢 借啲意又擲向我
「中左啲鏢就係咁先 但要多謝佢 只要諗辦法令佢中毒咪得」我擋開佢嘅毒鏢 邊諗諗下一步點做
佢啲鏢雖然擲左出去 但唔覺會有毒氣出嚟 即係話啲鏢只會對人體有反應
「睇嚟你啲暗器都唔多」佢擲到連擲空氣都唔知
「哈哈哈...接落嚟 就到左正面攻擊喇 我唔會對你手下留情嘅」杜泄笑道
佢以為可以同我直面交鋒
我見到我眼前地下嘅一支鏢 我潛意識睇到銀鋒 想我唔好執起個鏢 而我就好似打高爾夫球咁 擺好一個準備嘅姿勢 將劍打落支鏢度 個一下我覺得強而有力 毒鏢擊中左杜泄嘅膊頭
「你係度做緊咩野？」杜泄心知不妙「你竟然識打高爾夫球」
毒鏢對佢即時有反應
「因為有暗器可以用得著 但咁樣反而害左你 你此等一行令我耐人尋味 仲以為係高聰明人 根本就係假」我如此向佢大怒
其他在場嘅人 包括銀鋒都歡呼為我喝采
「好 我認輸了 我講出我同邊個交易..」杜泄決定唔再掙扎 「毒鏢24小時之後無人救就會身亡 而家佢只會慢慢有痛楚 我希望你屢行承諾」
「你講」
「我賣左俾拉多旗艦 拉多」杜泄摸住自己個心口 而面上都開始變色 應該係毒素開始慢延
「拉多旗艦？根源幾時多左一間咁嘅野？」我道
「原來你唔知拉多接手左阿里旗艦改左名呀」杜泄道
「原來係佢」我不為所動 對杜泄都唔留情 向佢補多一劍「算啦 你都係一死」
「點解...你」杜泄竟然流下一滴眼淚
之後就訓低左係地上
「抬杜泄條屍出去」銀鋒吩咐啲看守道
「對唔住 我自把自為將杜泄殺死 」我道
「你無錯 我地早就想殺佢 佢唔適宜留係世上 出到去都係作奸犯科」銀鋒微笑道
萬逸華應該都可以鬆一口氣 原來所有野都係由拉多搞出嚟 我點會俾機會番去搵拉多 拉多嘅事 我都唔會插手 話哂我斷左佢米路廢時再生事 而呢件事我覺得完得都幾誇張 殺一個人竟然要搞小動作
「咁你之後點？你阿爸又叫你去修練？」我地準備番去房間
「唔需要了 我覺得彈出又彈入唔好 我可唔可以同你一齊出去外面闖蕩江湖？」銀鋒有啲怕羞
「咁家族點算？」細細個當佢都係青梅竹馬嘅好朋友
「呢個係華哥嘅意思 況且而家杜泄都死左 都無留低嘅理由」
銀鋒去左修練 一直都係自力更生 原來萬逸華一早慣哂 只要有空閒 萬逸華都歡迎我地
「雖然細細個我地無訂立過啲咩約定 但我想做你男朋友」搞到我都唔好意思 其實應該由男方做主動比較好
「豈有此理...呢句說話係唔係應該由我講先啱」銀鋒打左個突 個頭著左火
只要大家係鍾意對方 邊個講先都一樣 係咪？
萬逸華一早就想銀鋒有情大終成眷屬
銀鋒好好彩細個嘅時候識到我 如果唔係日後點算
係大廳
我地走之前 同萬逸華講一聲再見 我仲同佢講多多保重
「有啲事想番嚟 呢度隨時歡迎你地 呢度永遠都係你屋企」萬逸華一樣和藹可親
「我地得閒一定會番嚟探你」銀鋒關心道
萬逸華 好似眼濕濕咁 肯定係見到銀鋒搵到自己嘅幸福
離開之後 銀鋒想話係出面買屋住 錢佢一啲都唔care 因為佢多的是...
......
原徹骨已經入侵左 拉多嘅身體 將拉多變左一個人唔似人 鬼唔似鬼
為左生存咩都做得出
「呢個身體真係好適合我 愚蠢嘅人類 就等我征服你嘅思想 我要成為呢間公司嘅最高層 」原徹骨知道係現實世界生存唔係咁容易 最大問題係要死屍 仲要唔可以俾人見到
到底係原徹骨定係拉多嚟呢？ 其實係兩個人格 有時係原徹骨 有時係拉多 以假弄真 以真又可以弄假 彈出彈入係佢嘅本性
<疾風女俠：莫問終極上集 完>