英雄再三聯盟：宇宙洪荒: 拖鞋俠3（上）
有好多人存疑 警察想搵我做秘密部隊行動組 人工仲要好高添 當然呢個係外界嘅存疑 只係猜測 並唔係真嘅
不過外界嘅猜測得無錯
的確有警長嘅推薦 自從幾次事件後 仲有希爾 而家嘅佢 簡直就失蹤係香港 我仲諗住查下希爾咩來頭
警長辦公室
係警長嘅背後 係一個嚴肅嘅正義
我為香港做左少少野就令到市民讚同 仲有警長嘅愛戴？事實上未係 警長有情報得知其他國家有個 販賣人口嘅組織想嚟香港做中人點 又查到呢個組織會訓練好多殺手 殺死兒童嘅屋企人
國際刑警更加上消滅成個組織 所以警長先會搵上我 我再次懷疑希爾嘅身份 不過有組織想嚟香港搞事 就唔可以忍
我只係想講 香港警察做唔到嘅事我嚟做 不過另一方面都要查希爾嘅身份
最後我係加入左呢個行動 我都無得唔同意 關乎香港大嘅生死？其實販賣人口都唔關香港市民嘅事 只係有機會搞亂香港嘅經濟體系咁...
警長對我嘅加入係開心嘅 有我嘅幫助 就會好快破案
「如果可以嘅話 我希望呢個行動由你做主導？」警長嘅話又唔多似係玩玩下 我腦筍都未生埋竟然叫我做主導？
「點解要咁做呢？你覺得我做得掂？」我道
「你又識飛 又識法術 呢啲己經唔係香港人可以做到嘅事 你之前所做嘅野香港市民有眼睇嘅 你一心都係想保護香港係咪 我地擁有好多機械 但你都明白 唔一定有用 如果佢唔係普通人嘅話...」警長覺得我唔係普通人 當然我變左身就唔係普通人 唔變身打死我都仲得
英雄又點 只係多個責任 拯咩救地球 咪又係日常生活 食飯訓覺返工 做嘅野同普通人無分別
不過警長想我加入 再次令我意外嘅
不過係未開始之前
有一個神秘人搵左我 佢個樣好似啲古代人 帶住長矛 個樣仲有啲怪怪地 完全唔似一個正常人 仲要一嚟就呼呼喝喝...
「呼...拖鞋俠 你係唔係想搵希爾呀？」佢語氣有啲奸笑 一定知道我就係希爾個仔 一定係咁...
「你係邊個？你識希爾？」我問道
「我就係亞達薇 我係殺手組織嘅領導人 我想同你講 你可以唔駛搵佢喇 我係話以後 我地組織會有執法者執法佢...」亞達薇自稱殺手組織 仲係香港橫行無忌
「希爾係你嘅人 我只係嚟搞清楚佢身份 點處理佢唔關我事...」我對希爾無興趣 我對自己的身世緊要啲
「唔重要 你嘅身世己經被我地組織close 左files 你所謂嘅力量係我嘅眼中都係垃圾 你無育反抗 最好停止調查 對你有幫助...」亞達薇再道「仲有警察想搵你加入對付嘅組織你最好唔好理 不過你硬要堅持我就會送你歸西...」
「竟然公然挑戰我..」我覺得呢個亞達薇都只不過吹水 有咩可能戰力高過我 仲有佢又知會入警隊 姐係話警長所講販賣人口組織就係同亞達薇屬同一個組織
「你唔係好唔忿氣呀？我叫你唔好界入 對你都有好處...」亞達薇講完 支矛再一次伸長 佢知我嘅性格一定會攻擊佢
事實我無咁做 同佢玩下野又好 睇清下佢底都好 佢嘅實力同身份都係唔可信 販賣人口組織仲要著衣打扮咁原始人 點信得落
「我唔嬲 我做咩要嬲？最要嬲果個係你 成個清朝人著都著得型啲吖嘛 起碼唔好咁OUT...」我嘲笑亞達薇 令佢行動想進一步升級
「關你咩事 我點著同組織無關 我只係嚟提醒你 你唔好諗住玩野..」亞達薇用手指我
「我唔會放手 ..」我點解要聽佢講
如果真係打起上嚟 香港警察都未必搞得掂 佢個衣著完全係原始人 咁佢嘅速度敏捷應該好快 同非洲人就啱架喇 一樣係正常人類嘅4-5倍 就算唔識打架都識避子彈
「好 你有你嘅諗法 咁就唔好怪我唔客氣...」亞達薇向天揮出長矛 畫面劃過一道閃電...
的確係有啲料到 我講緊嘅係戰矛唔係佢嘅人
「奉陪...」
搞掂左佢就應該搞掂成個組織 佢自稱係殺手組織話事人
「的戰矛一出 無人可以阻擋到我....」亞達薇命令閃電射向我度
我先發現 我仲未變身
GG了
做英雄做到咗真係折墮 但俾亞達薇玩就係折磨 而家點施展混身解數都無 因為我係普通人類驅體 俾佢擊中我會死架
「停陣先...」我調停左亞達薇
「驚呀？淆底呀？」亞達薇立即放低左長矛 停止左攻擊
「你有法術 我有咩 我都未變身 咁樣唔公平姐...」我道
「你傻完未呀？點解我要等你變身 呢個世界無話公平唔公平 只有卑鄙唔卑鄙 你唔去變身係你抵死 關我咩事先？」亞達薇笑道
的確亞達薇係唔駛俾面我 所以我更加要諗辦法離開現場
但我係一個普通人 點走 單憑佢嘅長矛就已經好勁
「唔公平對戰 算係咩英雄 垃圾 咁樣贏到好光彩咩？」我道
「唔輪到你評論我 ...」亞達薇起勢用長矛打擊我 我只可以閃避
點解個制會係元朗架 亞達薇而家係我屋企附近呀 一來控回咁遠 塔車都無用啦
真係煩 無端端殺出一個程咬金真係唔知點算好
「我無資格講你 邊個有資格呀？」我道
「除左我家姐 無人可以話我...去死啦..」有一道光刺入我嘅眼睛 心知不妙 直接往後離開 亞達薇仲要終出真功夫了
我一定要禁到我個制
不過要走去元朗 真係play9我 呢個係將軍澳呀
係光明之中 我離開左亞達薇嘅視野範圍 不過就係唔知佢有無追嚟 佢要追應該都好易 就好似今次件事...隨時隨地都搵我
我唔理喇 我一定要變身 再搵亞達薇打過 贏輸好重要 我漸漸開始需有要面子
去元朗緊係用最快嘅方法過去啦
再一次豪爽我嘅手筆 除左的士就係飛機 但元朗無機場...
元朗個制真係相當麻煩... 但咁樣先夠隱蔽同神秘 卒之最後飛的士差唔多1個鐘就到了。我乘機入去變身