文迪 J 文集 - 賤格冷氣佬: [聲演系列] 鬼魂上身打真軍 (六)

幾日之後, 公司內, 坐響偉俊遠處嘅一個女職員 Anna, 正一如以往經常都會偷偷望住偉俊嘅方向, Anna 今年二十歲, 畢業之後啱啱出嚟社會做事無耐。
 
但因正值含春之年, 而從無戀愛經驗嘅 Anna, 一路以嚟都對偉俊偷偷傾慕住, 但單思多時, 而響多次想對人表白果陣最終都係無勇氣提出, 但今日, 佢打算孤注一擲要向偉俊表白自己嘅心跡。
 
放工之後, 偉俊如常一個人行去搭車, 但行行吓嘅時候, 佢發覺手臂突然有人正在翹住佢, 佢望真啲, 見係公司女同事 Anna, 正一面嬌羞揼低個頭咁同佢行住。
 
Anna 正在萬分緊張, 佢生怕偉俊會出言拒絕佢嘅愛, 但偉俊愕咗一陣然之後, 跟住佢第一時間就估, 係薇薇而家上咗 Anna 個身嚟同佢見面嘞。
 
偉俊拍住翹住佢臂彎嘅手話, 「喂, 呢幾日妳有無響我身邊偷望我呀?」
 


Anna 聽到偉俊咁講之後有啲愕然, 佢以為偉俊一早就知佢成日都有偷望住佢, 所以佢塊面就已經紅到飛起, 跟住再口窒窒細細聲咁話 :「原來你一早就知道架嗱。」
 
偉俊 : 「係呢, 咁呢幾日妳去咗邊度呀?」
 
Anna 唔知偉俊點解會咁問, 「無呀, 都係收工搭車, 去旺角睇吓衫同自己一個去睇咗場戲囉。」
 
但諗起薇薇上次上身時間短咗, 所以偉俊就毫不猶疑, 跟住就帶住 Anna 直接番到自己屋企之內。
 
入到屋後, Anna 正疑惑偉俊做咩要帶佢番屋企, 但未及細想, 偉俊就拖住 Anna 兩手咁同佢講。
 


偉俊 : 「喂, 妳知唔知呢幾日我都好掛住妳架?」
 
Anna 正抬頭愕然咁話 : 「吓, 你有掛住我?」
 
偉俊 : 「梗係啦, 妳無聽到我成日都有嗌妳嘅咩?」
 
Anna 心內正有啲激動咁講 : 「無….無呀, 我都聽唔到你有嗌我。」