文迪 J 文集 - 賤格冷氣佬: [聲演系列] 叛逆呀妹 (四)

公司呀明 Part 1
 
幾日之後, 呢日洛儀公司超勁多嘢做, 已經到咗收工時候, 同事們正開始陸續地離開, 但洛儀見自己仲有嘢趕要開 OT 就響度喃喃自語。
 
「死啦, 個個都走哂, 咁一陣咪就得番我一個人響度做嘢。」
 
但見遠處四眼明仲未走, 洛儀跟住就起身走埋佢身後, 跟住一嘢就大大力拍落佢背脊度講, 「四眼明, 仲未收工呀?」
 
四眼明 :「嘩, 儀姐, 咁大力攞命咩, 我執埋少少嘢就走架嘞。」
 


洛儀 : 「走? 邊個話準你執嘢走呀? 喂, 我啲嘢做唔切要開 OT 呀, 你今晚唔準走要留低響度幫我手。」
 
四眼明 : 「唔得呀儀姐, 我今晚真係要番去溫習呀, 下星期我夜校要 test 呀。」
 
洛儀正從後雙手砸實佢腋下, 跟住再胸壓住佢背脊咁扯佢起身, 「依依依……唔準走, 唔準走, 今晚你一定要留低響度幫我手。」
 
四眼明 :「呀嘿, 儀姐好痛呀, 妳快的放手先啦。」
 
洛儀 : 「胡胡胡…., 放手都得, 但你要應承留低響度幫我手。」
 


呀明見背脊正比洛儀胸壓住, 跟住佢居然用個背脊嚟磨佢個胸, 洛儀比呀明用背脊咁抽水, 跟住即時放手再好大力一嘢打落佢個背脊度。
 
啪一聲之後,「你想死呀? 用個背脊嚟抽我水。」
 
呀明擰轉個頭望住洛儀對胸再講, 「好呀, 我幫妳都得, 不過妳有咩着數比番我先?」
 
洛儀好大聲咁講 :「着咩數呀? 你有得幫我你仲唔執到咩, 而家仲同我講着數, 好呀, 着數吖嗎, 咁你想要啲咩着數先吖?」
 
呀明正色迷迷咁望住洛儀講, 「我要……., 呀, 諗到嘞, 我要妳比我抽五分鐘水, 妳應承嘅話我就幫妳手啦。」
 


洛儀聽到之後嬲到再好大力打咗佢一嘢, 「你唔好去死, 死人四眼咸蟲。」
 
四眼明見洛儀唔肯, 跟住佢就開始執嘢準備走人, 但洛儀見咁就變臉哀求地講 : 「嗱明哥, 你係咪玩認真先? 喂呀…, 今晚幫我拖啦, 啲嘢真係趕住聽朝要交比老細呀, 明哥呀, 呢明哥。」
 
四眼明擰轉個頭話, 「原本都仲有得傾嘅, 不過妳頭先打咗我幾嘢, 所以而家我就要抽夠十分鐘水先有得再傾。」