風之鍊金術士譚:與異世界女高中生之邂逅: 第62章: 盧卡什酒館
第62章: 盧卡什酒館
「歡迎光臨！」
羅莎及巧晴一到達塔洛夫的盧卡什酒館時，酒店內的一名中年女侍應立即有禮地說歡迎。
同時，一名站在吧台內蓄住八字鬍的大叔，也著她們兩人可隨意找一個空位坐下，而這名大叔就是這間酒館的老闆—卡茲先生。
這間酒館是以簡樸的裝潢風格配上木造地板，而傢俱也是木造的，酒館內速主要是以掛在掛在牆壁上的油燈照明，整體上的環境卻稍為有點昏暗。店內有主要一張的長形吧台，而另一邊有三張餐桌，均己坐了好幾個正在喝啤酒，並在互相高談闊論地交談的男人。
然而，羅莎並未有理會這些人，而是帶巧晴一同在吧台前的兩個空位坐下，同時巧晴也對這裡的環境感到好奇，因為漢什從未帶過自己來這裡的。
「咦，羅莎，又嚟呢度飲酒啊？」吧台中的大叔熱情問道。
「喲，個女仔係？羅莎小姐你做咩帶埋個極東艾西亞大陸嘅女仔嘅？」
與此同時，卡茲先生也察覺到跟住羅莎進入酒館，其從未見過的巧晴，加上她的外表在這裡是比較特別而少見，於是就出於好奇問道。
然而，卡茲先生有點過於熱情洋溢的詢問語氣，卻令巧晴一時之間反而感到有點唐突和不知如何回應，看來這對性格本是對異性會有點內斂的巧晴來說，還是不太擅於應付。
「但其實我唔......」
「唔洗唔啦，我以前做傭兵嗰陣，都去過艾西亞大陸做任務嘅，見識過極東艾西亞大陸嘅人就係好似妳咁......黑髮黃皮膚，點會認唔同啊，絕對唔會有錯。」性格有些急性子的卡茲先生，未有待巧晴回應就直接打斷了她。
「佢係我新識嘅朋友。佢叫做凌巧晴，叫佢巧晴就可以。」
正當巧晴一時不知所措而無法回答的時候，羅莎立即代她回答著卡茲先生的問題。
「原來係咁，在下馬雷克.卡茲，一般人都叫我卡茲先生嘅，係呢間盧卡什酒館嘅老闆。」卡茲先生主動向巧晴報上名來，看來是見她是羅莎的朋友的關係。
「你好啊卡茲先生，話時話你頭先咁講，你以前係傭兵嚟㗎？」巧晴終於開始主動向卡茲先生問著。
「冇錯啊，但都係我後生時嘅事嚕，過咗去嘅事都冇謂多講喇。」
「嗨。」
接著，卡茲先生亦未發一言，然後在未問羅莎和巧晴想要甚麼酒的情況下，就自動向她們各奉上一杯以木桶杯盛載至氣泡將近滿瀉的啤酒。
「咦？做咩無端端上啤酒嘅？但我哋都未叫啤酒......」巧晴見狀感到有點詭異。
「唔好意思啊巧晴，唔記得同你講㖭，呢間酒館嘅規矩係，一有客人嚟到時，除非一開始就預先講好，否則喺入座之後冇耐，都會自動自覺上一杯呢間酒館嘅招牌山羊啤酒㗎，可以話係呢度嘅特色嚟。」羅莎向巧晴解釋道。
「咁都幾有趣嗰喎。」巧晴因而打趣道。
但另一邊廂，這間酒館在場目前的環境，卻是令巧晴有些坐立不足及有少許壓迫感。因為這間酒館除了自己、羅莎及卡茲太太外，其餘全是外表看落有點粗獷的中年大叔。
「喂喂……呢度幾乎全部人都係好似飲大咗嘅大叔，我哋兩個女仔喺度會唔會有啲……」巧晴暗地裡對羅莎表示自己的憂愁。
「唔洗驚喎，佢哋雖然成日飲到醉醺醺，大聲亂噏咁，但其實冇惡意㗎。」
「係啊……」
「而且我成日都一個女仔入嚟呢度飲酒啦，係會嘈咗啲，但都唔會話對我做啲咩嘅，所以有時你又諗得太多啦。」然而，羅莎卻覺得巧晴這樣是有點多慮了。
「你咁講又......」巧晴也即場反思著羅莎的說話。
「喲......算啦，唔好講呢啲啦，既然啲啤酒都上咗枱咯，就飲酒先講啦，煩惱都會消失㗎。」羅莎變得豪放地說著。
「都好嘅，原來呢種就係山羊啤酒，就試飲吓啦。」巧晴眼望住卡茲先生剛奉上的啤酒說著。
然後，巧晴開始一口一啖慢慢地飲下，以先試試味道，相反羅莎則是直接豪爽地飲一大口......
「喲！喺鍛煉室工作咗一個上晝後，嚟酒館呢度再嘆返杯啤酒，真算係人間享受啊！」羅莎以老成而豪邁的語氣叫道。
「咦！啲啤酒居然會帶有啲甘甜，完全唔會太苦喎。」
巧晴在喝了幾口後，卻發現啤酒不是太苦之餘還帶有些甜味，這與她自己本身所認知的啤酒是苦的有所不同。
就此她們兩人在吧台這裡默默地享受這瓶山羊啤酒時，在場酒館內其他的客人亦醉意漸濃，不出一會後更開始酒後吐真言地胡言亂語，暢所欲言著......
「有機會嘅話，我真係想去王都同安東妮公主殿下佢做愛呀，佢好靚女㗎，喺王都撞過佢......可惜佢唔理我啦。」
「你癡線嘅咩。」
「我老婆係大傻瓜！老妖婆！」
「生得短嘅就收檔啦！」
「你話邊個短啊！性冇能嘅同我收聲！」
「性乜嘢冇能啊？祝你行出門口俾馬踩死呀！」
「要多杯呀！」
「冇問題，好快到。」
「班人好似發神經咁啊，會唔會搞搞吓打大交㗎？」巧晴一聽到這些的酒後真言時，卻不自覺地聳肩打冷震著。
「醉酒佬一般都係咁亂噏廿四㗎啦，所以幾難聽嘅說話都會有㗎。」羅莎從容地面對住這情況，看似已習以為常般。
「但佢連莉迪亞佢都拎嚟開色情玩笑喎！」
巧晴變得風紀上身般，因莉迪亞被這些她眼中的「中年大叔」以色情笑話來嘲諷而肉緊著。
「唔洗緊張喎，佢哋只係及酒瘟一時之氣亂噏啫，醉酒醒後就變番正常㗎啦。」羅莎一片毫不在意的語氣說放心。
巧晴聽完後，也想著羅莎的說話亦不是沒有道理，於是亦沒對此深究落去。
「嗞嗞.....嗨，不過呢，我其實覺得巧晴你......」羅莎再喝下一大口啤酒，然後有點說話要給巧晴。
「羅莎，係乜嘢事啊？」巧晴好奇地反問道。
「其實......我覺得巧晴你唔洗吓吓對人都畏首畏尾，戒心好重咁啦，我覺得你份人都真係幾多顧忌同多疑嗰喎。」羅莎向巧晴直言道。
「因為......可能喺我香港生活時嘅習慣啦，對於陌生人基本上都會有一定戒心㗎。」巧晴帶有苦衷地說著。
「點解嘅？咁你當初遇到漢什嗰陣，係咪都係咁㗎？」
「可以咁講啦，我喺呢個世界第一次一覺醒來嗰陣時，第一眼見到漢什時，因為佢嘅裝扮同我住嘅香港有所唔同，而一度以為佢係想拐帶我，對我不利嘅怪人。」巧晴向羅莎道出自己在初次見到漢什時的第一感受。
「吓......有冇咁誇張啊。」羅莎表示非常驚訝。
「係啊，唔怕同你講，响呢個世界嘅首幾日，其實我一直心低上都冇辦法完全信任你哋世界嘅人，之間一直都有一層隔膜喺度，因為始終對我嚟講係生埗人同响一個好生埗嘅地方，所以我就有咁嘅心理反應，直至同漢什羅莎開始熟稔後先漸漸向你哋打開心扉。」巧晴帶有點苦澀說道。
「點解嘅......你哋香港嘅人......唔通都係咁樣嘅咩？」羅莎有點難以想像著，於是亦就此向巧晴追問道。
「又唔可以話全部都係咁樣，但自細媽咪就教我......如果太輕易就隨便相信啲素未謀面嘅人，係好可能會吃虧㗎，所以其實我都唔鍾意咁，但無奈環境徒然。」巧晴無可奈何道。
而在聽了巧晴這樣說，加上其心不由己般的語氣，羅莎雖不知道““香港””這個的人是否均是被迫對熟人以外的別人互相猜忌兼冷淡以對，但已有預感這應該和波莫利亞這裡普遍也願意真摰看待每一個人，直率而不拘小節的性情相距甚遠，而當中的複雜應該是自己都難以想像到的。
所以，羅莎心中亦因而不禁巧晴在香港時被迫如此的處事方式感到同情。
「呃......雖然我唔知你喺香港係點樣，但其實喺波莫利亞以至呢片大陸，你其實都可以唔好凡事一見到人就先假定佢有機會會對你唔好，下下你都互相猜忌計算唔辛苦咩，既然你依家暫時都會喺波莫利亞呢度，不如試吓改變，你唔係好想咁咩？」
羅莎語味深長地勤說著巧晴，同時也一針見血估中了巧晴的內心想法。
「你咁講......又好有道理......對人隨和啲都未必係壞事嘅，其實我由遇見到羅莎、漢什你哋，再加埋其他人都居然肯初次見面就願意無條件咁幫我，就覺得你哋波莫利亞呢度嘅人，人品應該唔會太差嘅，但我仲咁帶住戒心咁睇你哋，我真係好傻啊......」
巧晴像被羅莎成功解開了一個的心結，同時也帶住苦笑地自嘲反省著。
「唔緊要，你而家明白就得㗎啦，或者你依家開始改變吓，人都會開心啲㗎，我嘅好姊姊。」羅莎以充滿親切的語氣說著。
「嗯，好多謝你啊。」
「唔洗客氣喎，一場姊妹互相講吓心底話啫。
「不過呢......有機會嘅話，我都想去你出生嘅香港啊。」羅莎再笑言道。
「你居然想去香港睇吓......嘿嘿，真係有趣......不過係羅莎你嘅話都唔出奇嘅。」巧晴聽到羅莎的笑言後一度愣住了，但想了一想後也自知這並不太意外。
接著，巧晴和羅莎的不經不意地已飲完一杯的啤酒，兩人也當然感到意猶未盡而要求卡茲先生添飲，如是者在喝下一杯又一杯的啤酒後，羅莎亦開始喝到少許臉紅但仍然清醒，但巧晴的身體卻已開始有些不受控制地搖下搖下......