風之鍊金術士譚:與異世界女高中生之邂逅: 第50章: 好姊妹與誓言
第50章: 好姊妹與誓言
接著，巧晴她們三人亦不自覺地談起了一些女性之間的話題，而由於這裡沒有其他異性的存在，所以可以隨心所欲地把自己一些較為露骨的看法，毫無保留地說出來。
「係喎，只係好奇一問......你哋兩個有冇心儀對象啊？」羅莎突然八掛地問道。
「心儀對象......」莉迪亞和巧晴聽到後有點措手不及，一時間未知如何回答羅莎如此尖銳的問題。
的而且確，就算是來自兩個世界的少女都好，愛情還是可以令她們互有共鳴及容易打開到的話題。
「係啊，因為大家都成年人，係時候要諗吓結婚嘅事，所以就問吓你哋有冇想結婚嘅心上人啫。」羅莎從實道出自己會突然這樣問的原因。
「吓！結婚？我得十六歲咋喎！羅莎你講笑㗎咋......」巧晴感到難以置信而虛幻地回道。
「有咩問題啊，一般女仔都係呢個年紀就開始諗，大概最遲廿歲頭差唔多嫁㗎啦。」
「唔係掛，廿歲就已經結婚？會唔會大早啊......莉迪亞，呢度嘅習俗真係咁咩？」巧晴亦向莉迪亞確認一下。
「嗯，羅莎佢講得一啲都冇錯啊。」
「做咩咁嘅反應㗎巧晴，唔通你哋世界唔係咁嘅？」羅莎問著巧晴。
「梗係唔係啦！我嗰邊一般都起碼廿二三歲，即我哋世界讀完大學或者大專之後......先會諗結婚嘅，普遍都係廿五歲之後先會嫁出去，我呢個年紀最多咪可能會開始拍施咁，同為通常要確認雙方都互相認定係真愛，先會確定考慮結婚嘅。」巧晴說出了自己所認知的愛情觀。
理所當然地，身為習慣於現代價值觀念的巧晴，理所當然不太接受到這樣像中古時代的早婚習慣。
「廿五歲先嫁？咁可能你哋世界嘅女仔諗法同我哋唔同啦，因為响呢度，基本上過咗廿五歲都未有對象嘅話，就會俾其他人俾說話你聽，暗中話你係剩女㗎啦，所以通常到就廿歲嘅時候，父母就會開始幫手安排相睇㗎啦。」羅莎繼續說明著。
「原來係咁......同香港完全唔同慨念啊。」巧晴仍然覺得這很令人難以置信。
「可能啦……喂，咁講返正題啦，巧晴莉迪亞你哋究竟有冇心儀啫？」
「心儀對象？坦白啲講......暫時未有睇中嘅人。」巧晴率先回答道。
「真係冇？就算以前喺你嘅世界嗰陣都係？」羅莎對此不太相信著而追問道。
「的而且確，以前响香港讀中學嗰陣，都曾經你好幾個男仔同我表白過，但我覺得佢哋唔係我鍾意嘅類型，所以我全部都婉拒咗。」
「婉拒？點解嘅？」
「因為我份人雖然都算恨拍拖戀愛，但唔會因為咁就係人表白都受，當愛情係玩玩吓，我會確認到雙方都啱傾同可互相遷就大家的所有嘢，係真心愛大家嘅先會開始，因為如果唔理三七廿一，格硬開始嘅話，段感情都唔會長久啦係咪？」
雖然巧晴只是僅僅十六歲的學生妹，而且並算是未有戀愛的經驗，但她對於愛情是另有一番看法及原則的。
「你都講得幾有道理……咁漢什嘅話點睇啊？」
「呢個啊……」巧晴一被提起漢什時，語氣也不自覺變得靦腆起來。
「雖然漢什對我唔差，而且又曾經喺我有危險嘅時候會肯捨身咁保護我……但我只係當佢係同居朋友咁看待，而且我遲啲都會返香港，所以更加冇可能同漢什一齊，唔通到時帶埋佢番香港咩，咁樣嘅話寧願一直維持朋友關係好過，廢事到要分別嗰陣更加傷感……」巧晴神情悄然地說道。
「唉.......可以搵到真愛嘅對象，再一齊交往結婚......我都想啊……」
在羅莎提出話題後，一直在旁鮮有說話的莉迪亞突然呻氣著。
「莉迪亞姐姐妳咩嘢事啊？好少可會見你講到成個人洩哂氣咁嗰喎......」羅莎即時感到了不妥。
「係囉，有咩嘢煩惱或唔開心就講出嚟，我哋係好朋友，等我同羅莎幫你分擔吓都好啊。」巧晴亦勸導著。
「唉......其實係因為我冇幾耐前喺皇宮度收到風，話母親大人......即女王陛下佢已經開始著手為我安排皇室聯姻嘅婚事啦......」莉迪亞鬱悶道。
「安排婚事？咩嘢年代啊？唔係應該由你自己決定先啱咩？」巧晴表示這不太合理，因為她是以現代女性的觀念來想的。
故此，羅莎和莉迪亞見巧晴會如此反應時，也許感到有些奇怪，但都理解這應該是因為巧晴是異世界來的，才會對於在這個大陸根本是很平常的皇室聯姻不太理解著。
「咁你直接當面同女王陛下佢拒絕咪得囉？」巧晴突然直言提議道。。
「巧晴，你知唔知自己講啲咩啊！」
羅莎立即提醒著巧晴這樣的說話是會冒犯到女王陛下，幸好她本人不在，否則應該會為巧晴惹來麻煩。
「呃.....對唔住，我講嘢有時會衝動咗啲。」
「唔緊要，反正母親大人佢唔喺度......巧晴，呢件事唔係咁簡單㗎......」
之後，莉迪亞就向巧晴解說著皇室聯姻是這樣一回事，所謂的皇室聯姻，通常就是把皇室家族的女性成員，門當戶對般安排嫁給其他國家或封國的皇室或貴族成員，而這往往出於等級、經濟和政治地位等的考慮來決定，以擴大這個家族的影響力。
所以，這樣基本上是很大機會會嫁到去奧蘭特王國以外的地方，而當中的女當事人是任何話事權的，只要是由皇室聯姻所安排的對象亦只能夠接受並與之結為連理。
「而且我嘅家族—哈洛斯堡家族，過去都成日用呢招嚟擴大喺其他國家嘅影響力，所以哈洛斯堡家族嘅女人，通常絕大多數喺我呢個年紀嘅時候就會被安排政治聯姻嫁娶，而我對上嘅幾個家姐都已經被安排皇室聯姻嫁哂出去......即係母親大人嘅幾個女入面，得番我仲係單身......」莉迪亞繼續鬱悶地解說著。
「吓！你講真㗎？」
然後，莉迪亞對巧晴悄然點頭著，以向其表示她剛才所說的均是事實，同時亦表示擔心若真是被安排婚姻之後，就難以再見到漢什以至她原本的其他朋友。
「所以呢......我係好羨慕巧晴你可以有機會享受自由戀愛嘅滋味，因為呢樣嘢對於我哋皇族女性嚟講，簡直係一種遙不可及嘅幻想。」
莉迪亞說到這裡，已經感到提不起勁來。
接著，巧晴和羅莎亦自動自覺過到莉迪亞的兩旁，一同撫摸其膊頭安慰著她。
「雖然我只算係外人，唔知點樣幫你，但或許如果女王大人安排嘅對象都係貴族嘅話，人品應該都唔會太差嘅，話唔定會好男人嚟呢。」
巧晴有些愧疚地說著，同時亦都勉勵莉迪亞凡事都未必會向壞的一面走。
「冇錯啊，所以要振作啲啊！」羅莎亦同樣幫忙令莉迪亞可以提起信心，樂觀面對。
「唔......好多謝你哋啊......本來都係諗住隨意呻吓，但估唔到要巧晴羅莎你哋兩個安慰返我轉頭......」
莉迪亞感謝巧晴她們的安慰，同時亦表示有些不好意思。
「唔唔，大家都係好姊妹，互傾訴心事……呻下苦係應該嘅。」
巧晴微微一笑，並用了莉迪亞今日用過的句子回敬她。
「冇錯啊，無論未來會點都好，我同巧晴都會支持你㗎。」
之後，為了令莉迪亞有親切感來消除心中對於被安排婚事的不安，巧晴和羅莎主動在浸浴中互相輕輕撫摸攬一攬著。
「放心啦，就算之後遇到咩嘢困難都好，我哋三個都要做好姊妹啊，有咩嘢困難都好，大家一齊面對！」在大家攬著時，羅莎突然帶發誓道。
「好姊妹......冇錯，大家要互相扶持！」巧晴在猶豫了一會後亦被環境氣氛所影響，而答應了羅莎的說話。
「係啊！好多謝你哋......」
巧晴、羅莎及莉迪亞三人在互攬著，並就此結成了姊妹後，她們也立即互相相視而笑。
同時，這樣的感覺亦令到巧晴回想起以前中一時，都有和她最要好的朋友—諾誼和羽茵(Mandy)，一同發了類似的誓言，稱要作一生的好姊妹兼閨蜜，就算是之後畢業後也不變，但現今很可能已成為難以再遵守的誓言。
在這樣過了一陣子後，三人亦回神過來發覺現在的舉動就算是同為女性之間都好，一時間也有點親密過頭，於是她們也很有默契地分一分開冷靜一下，再次回複到大家各自坐在浴池的浸浴姿勢，同時亦互相展現出有點害羞的神情。
但是，正當三人在繼續浸浴的時候，巧晴卻又後悔自己一時沖昏頭般和羅莎及莉迪亞作了成為好姊妹的誓言，因為她察覺到自己已開始和這個世界的人開始產生了深刻的友情，並漸漸地和他們打成一片。
然而，巧晴始終心繫著自己原本的世界，亦無時無刻都有想回去的念頭，儘管可能會是以年計才能夠發生的事情，但就是因為這樣她更不應該和莉迪亞以至漢什他們產生深厚的友情，這會令到自己若有日要和漢什他們離別回香港時，增添了一層的不捨及難受......
她們三人浸完浴後，巧晴及羅莎就一同回到了她們兩人的臥室休息，而莉迪亞就先親自去了漢什的房間通知他稍後可以去浴室洗澡，接著才回到自己的房間。
巧晴及羅莎她們兩人回到房間時，她們均己發現自己之前交給女僕的衣服已悉心洗乾淨好，並妥善地掛在衣架中，同時也已為兩人準備好全套睡衣及放好在她們各自的床上，待她們替換就寢，這使兩人感到驚喜。
到了近午夜準備睡覺時，巧晴及羅莎兩人各自換好了女僕為其預先放好的睡衣，其中巧晴的款式為灰藍色羊毛睡衣。
「早抖啦，巧晴。」
「你都早抖啦，羅莎。」
兩人互相作晚安問候後，睡意濃濃的羅莎就酣然入夢地睡著，相反巧晴雖然亦感到疲累，但卻不知為何遲遲在床上輾轉反側，無法入睡......
就在此時，巧晴無意中驟眼見到了掛在她前方衣架的校服，其已成為了巧晴的出外裝束之一，她見住時又睹物思鄉而開始想念著昔日於香港的生活，因而她再以此提自己一定要盡快和漢什一同找出回去的方法，於心中提起了幹勁後不久她也終於漸漸進入了夢鄉......
當晚，巧晴發了一個美夢，夢境是關於她還是幼稚園的時候，在公園玩耍並不時向母親及姊姊天真地撒嬌的情景，但一切均已成泡影及追憶......