風之鍊金術士譚:與異世界女高中生之邂逅: 第23章: 巧晴與劍
第23章: 巧晴與劍
就在漢什和巧晴於湖邊被八爪獸襲擊，並幸運成功脫險後的翌日一大早......
在吃完早餐後，兩人如常攜手準備當天工房營業前的準備功夫。
「啲鍊金釜同鍊金煲都可以㗎啦。」
巧晴在照住漢什之前教落的方法檢查鍊金術用具後，在確定無誤後向漢什報告著。
「咁就準備開鋪啦。」漢什回應巧晴。
之後，巧晴照舊就先把大門前的掛牌，由““關門””轉為反面的““營業中””。
接下來，巧晴就留在店面的收銀台等候客人上門，至於漢什則留在工房內。
但是，在整個上午，工房只是有一個客人曾經上門，但都是來問進行委託製作農藥的價錢，在漢什代為回答後，對方卻以認為太貴為由離開。
不知不覺間，也到了午飯兼午休時間......
「成個上晝都係得一個人......」漢什從工房走出店面向巧晴嘆息著。
「冇錯係啊......好似成日都係咁冷清。」巧晴亦同意道。
「都慣㗎啦，基本上如果冇津貼嘅話，基本上冇乜可能維持到工房嘅營運。」漢什無奈地說道。
「好喇，我去煮午飯啦，你都休息吓等我煮好飯就去餐枱度食啦。」漢什說完後就去廚房準備午餐。
「知道，唔該哂你啊。」
在不久後，漢什就煮好了今日的午餐，並立即通知巧晴過來吃。
接下來，在兩人共進午餐的期間，巧晴突然想到有點事想對漢什說......
「係咁嘅......漢什......我有個請求啊？」
巧晴在心中掙扎了一會後，終於鼓起決心向漢什說。
「乜嘢事啊？你講出嚟，我一定會盡力去幫你㗎。」
「呼......係咁嘅......你可唔可教我戰鬥啊？」巧晴吸一口氣後一鼓作氣向漢什問道。
「你想學戰鬥？點解咁唐突想學嘅？」
「因為我尋日同再上次俾山賊襲擊嘅時候，我都冇咩嘢可以做，甚至因為冇自保能力而要你全程除戰鬥外仲要保護我，所以我希望想學吓用武器戰鬥，之後就唔會再拖累你。」巧晴坦白說道。
「既然係咁......仲你想學用點樣方式戰鬥先？魔法枚？劍？」漢什隨意舉出戰鬥方式的例子。
「可以學劍？」
「嗯......本身我都識劍術嘅，但我就鍾意用魔法杖戰鬥多啲嘅。」
「咁都幾令人意想不到喎。」
之後，巧晴鑑於自己在初中時曾學過花劍，直至升上中四才因讀書的關係而停止，儘管競技用的劍和這裡的真劍大相逕庭，但巧晴相信對於學劍方面應該可以有點幫助的。
「所以呢......我想學刺劍。」
巧晴依稀記得和花劍最相近的真劍是刺劍，所以就向漢什提出要學用刺劍戰鬥。
「冇問題，刺劍我都識嘅，會盡力去教你。」
「唔該你啊漢什！我會俾心機㗎啦。」
之後，漢什決定就在午膳過後，帶巧晴一同去羅莎家的武具店訂造一把新的刺劍及劍鞘給巧晴，而巧晴亦同意。
「咁就真係唔該哂你啦！」巧晴微笑感謝。
「唔洗客氣！」
在他們兩人吃完午餐及洗好碗碟後，巧晴穿上了自己的冷衫，同時和漢什各自披上外出用的披肩外套後，就前往在鎮內羅莎家的武具店......
在到達了武具店門前後，這間店舖是位於一幢三層建築物的地下，門口也掛著一個劍和盾牌圖案的圓形招牌。漢什見是營業中，於是就循禮貌上敲一敲門後直接帶巧晴一同入內。
一進入店內，漢什和巧晴就見到羅莎穿著帶有點鏽漬的工作圍裙，正店在收銀台前，看來今日是她負責看店。
「歡迎光……呃？係漢什同巧晴啊。」羅莎見漢什和巧晴來店時也感到喜出望外。
「你好啊羅莎，我哋又見面啦。」巧晴有禮地回羅莎。
「呃……你好啊羅莎。」漢什亦同樣回羅莎。
這武具店的店面陳列陳列了一些已鍛造好的武器和防具，地面鋪有石地板，店內的氣溫亦是比較溫暖的。
「咦？艾米爾叔叔呢？」
「叔叔佢今日休息，依家喺二樓啊，唔好打攪佢啦。」
「艾米爾叔叔？」巧晴好奇問道。
「係我養父。」羅莎主動回答。
「養父？」
之後，羅莎也不介意地說出自己自小是被遺棄的孤兒，並在嬰兒時被艾米爾收養的事情。
「原來係咁……都幾可憐啊……」巧晴聽完後亦對羅莎懷有一片的同情。
「但艾米爾叔叔一直都對我好好同教識我好多嘢，當我係親生女咁錫，而我都當艾米爾叔叔係我爸爸一樣。」羅莎豁達而樂觀回道。
「你份人真係樂觀啊，俾著係我都未必得呀......」巧晴羨慕著羅莎。
「咁今日你哋係嚟做咩？傾心事？」羅莎主動向漢什他們問起來這裡的目的。
「呃......羅莎，我今日嚟你鋪頭係想......」
之後，巧晴就如實對羅莎說出想跟隨漢什學劍術，於是就在漢什的提議下來到這間武具店訂造一把新的刺劍及劍鞘供自己使用，同時也另外道出自己會突然想劍術的誘因。
「嘩......估唔到巧晴會有呢種決意喎。」羅莎聽完後慨嘆著。
「點解嘅？」
「因為你個樣同神情睇落都似一個柔弱兼小鳥伊人嘅女仔囉。」羅莎俏皮說著。
「係咩……」巧晴有些感到難為情。
的而且確，巧晴本身身形算偏向矮小及瘦削，而且外表可愛及一臉純品的樣子，所以令人一眼看見就覺得是文靜的乖乖女。
「但漢什你嘅魔法都要鍛煉吓囉，如果唔係點保護巧晴啊。」羅莎也直率地向漢什說道。
「我會㗎啦。」漢什向羅莎及巧晴保證。
「好啦，咁我就依家幫你鑄造把適合巧晴你嘅刺劍啦。」
如此同時，羅莎也當場打量著巧晴的身體。
「做乜事啊？」巧晴有點嚇了一跳地問道。
「唔洗緊張......只係睇清楚你嘅身形，用嚟做參考去訂製鑄造把專俾你用嘅刺劍啫。」羅莎要巧晴先冷靜。
「嗯。」
在羅莎以肉眼打量了巧晴的身體後，漢什也向羅莎問收費的問題。
「咁樣幾多錢啊？用高等金屬鑄造嘅話。」
「高等金屬？會唔會好貴㗎？」巧晴有點憂慮地問。
「唔緊要啦，最緊要耐用，而且再加一把練習用嘅刺劍。」
「你係訂造一把高等金屬造嘅護手刺劍同練習用嘅刺劍……再加劍鞘嘅話，總共係1100皇冠嘅。」羅莎用收銀機計了一計後說著。
順帶一提，““皇冠””是這個奧蘭特王國的貨幣單位名稱。
「嗯。」
「不過今次我就見係漢什同巧晴你哋，就友情價六百皇冠啦。」羅莎這次大方為漢什及巧晴折了接近一半的價錢。
「哇......咁好嘅......」巧晴因而感到喜出望外。
「咪當係我同你係好朋友嘅優惠囉。」羅莎貶一貶眼微笑說著。
現在，羅莎亦已當巧晴是她的好友，所以也想幫助一下巧晴。
「咁真係感激不盡喔！」巧晴合上雙手感謝。
「咁你哋大約等兩個半鐘後嚟攞啦。」
「知道！」
接著，羅莎就前往店面內角落一條往下的樓梯，以到位於地下室的鍛煉室，開始親自為巧晴鍛造新的刺劍……
至於巧晴和漢什，則是選擇在等待此兩小時半的期間，先去艾絲卡的咖啡店坐下喝一杯咖啡兼打發時間。
同時，在和艾絲卡趁機閒聊的期間，巧晴也主動向她說出自己想學劍術的事......
「巧晴你想做女劍俠？我一定會支持你㗎！」艾絲卡得知巧晴學劍一事後當場激勵著。
「又冇話去到女劍俠咁誇張嘅......我只係想學識戰鬥嚟可以自己自衛，唔洗吓吓依賴哂漢什佢保護，同為都想喺漢什戰鬥嘅時候有能力輔助佢。」巧晴謙卑淺笑道。
「但點都好啦......我同羅傑都會好支持你㗎。」艾絲卡拍一拍巧晴的肩膀鼓勵道。
同時，艾絲卡亦順道向在吧台中的羅傑打了眼色。
「嗯......我當然會啦。」羅傑回神過來求其回道。
「而且羅傑佢都會劍術嘅，巧晴你都可以搵佢幫手教你㗎。」艾絲卡莞爾一笑說著。
「但係......巧晴你又要學鍊金術......依家又要學埋劍術，你兼唔兼顧得嚟㗎？」
「當然冇問題，我以前喺香港嗰陣都係兼顧興趣班同學業，只要分配好時間根本上就得㗎啦。」巧晴從容表示遊刃有餘。
基本上，對於巧晴這個香港普遍的中學生來說，在中小學時同時要兼顧興趣班和學校的考試作業可以說是正常現象，所以一心多用和兼顧不同方面的學習可以說是見怪不怪的。
「但都唔好太辛苦自己啊，有時都要輕鬆吓㗎。」
「嗯，我會好好分配時間......同無時無刻留意住自己身體，唔會格硬迫自己㗎啦。」巧晴點頭含笑道。
接著，艾絲卡因要招待咖啡店其他客人而先行行開，至於巧晴和漢什則繼續享受他們的咖啡及茶點，順道兩人亦互相閒聊打發時間。
直至漢什見已差不多接近羅莎之前所說，訂造的刺劍預計鍛造的時間，就通知巧晴現在起行回到武具店取貨，而巧晴亦理所當然地同意。
故此，漢什在結帳並和巧晴一同循例禮貌上，向艾絲卡感謝這次的招待後就一起離開咖啡店，懷有期望地前往羅莎家的武具店。