風之鍊金術士譚:與異世界女高中生之邂逅: 第9章: 無意中的立下大功
第9章: 無意中的立下大功
在漢什向巧晴示範完一次鍊金術調合來鍊成了一塊銀塊後，漢什也到了一張書枱前，並在旁邊的書架拿了一本有關於鍊金術的書來看看，同時他也打開了枱上的筆記……
在看著書的同時，漢什也用筆在筆記上寫下一些東西。
「你係度做咩？」巧晴站在閱讀中的漢什後方好奇問道。
「咪睇吓啲鍊金術嘅書研究下，順便嘗試諗啲新嘅配方。」漢什一路研究一路解釋著。
「睇嚟你都幾喜好於鍊金術嗰喎。」
「當然啦，因為我自從細個嗰陣喺蘇菲亞姐姐嗰度接觸到鍊金術之後，我就要立志做一個鍊金術士㗎啦。」
漢什說著的同時，也毫不掩飾對於蘇菲亞的仰慕之情。
「嗯......咁蘇菲亞佢應該算係你最尊敬嘅人喎。」
「咁當然啦！」
之後，漢什就繼續在書枱前埋頭苦幹著。同時巧晴也見自己冇所事事，加上她心中本身開始對於鍊金術產生了興趣，於是決定從書架隨意拿本可能是有關於鍊金術的書來自己在沙發上閱讀，順便打發一下時間。
「死啦......唔記咗㖭！我睇唔明呢個世界嘅文字㗎......」
然而，巧晴雖然現時可能是因為在被穿越至異世界時的魔力所影響，而擁有了聽和說出這個世界語言的能力，但卻不能看懂這個世界的文字。
「你睇唔明咩？」漢什聽到巧晴如此反應後問道。
「冇錯啊，因為你哋世界嘅文字......同我世界嘅都唔同嘅，所以雖然你同我互相都聽得明大家聽嘅嘢，但我閱讀你哋嘅書就完全冇辦法啦。」巧晴如實向漢什說道。
「所以我而家簡直係同““文盲””冇分別㗎。」巧晴因而不禁感慨嘆息。
亦由於她現時無法閱讀書中的內容，所以也只好把書隨意放在梳化前的茶几。
「原來係咁......咁不如我教你啦，反正對你喺呢個世界生活都有幫助嘅。」漢什熱心提議教巧晴她讀書識字。
「好喔，咁真係唔該哂你吖！」
之後，漢什停止了目前的閱讀，並把原本的書放回書架，並在別處拿出了一本空的筆記本及一枝鉛筆，並走到了巧晴正在坐的沙發坐下。
「就而家開始啦！」
「嗯嗯。」巧晴點頭示意準備好。
接著，漢什把筆記本也放在茶几上，同時開始在筆記本上寫了一堆字母。
「首先由最基本嘅字母開始。」
「字母......原本同英文一樣都係拼音文字......咁應該唔會太難嘅......」
然而，雖然都是拼音文字，但所使用的字母卻不是巧晴熟悉的拉丁字母，所以她也需要別人的教導才能學會。
「嗱......首先呢個字母就係......」
漢什開始指著寫在筆記本上的字母，並向巧晴教導其發音，而巧晴也像一個乖學生般專心聽書......
「搞到好似讀緊幼稚園咁吖......」在專心學習的同時，巧晴也不急自嘲著自己像個幼稚園生般。
接著，漢什繼續有耐心地逐個字母教導著巧晴如何發音，而巧晴大多在試了幾次後亦成功掌握了，這也令漢什對於巧晴的學習能力和速度感到驚訝。
就這樣，不知不覺整個上午也過去，同時來自河對面教堂的鐘也被敲響，這象徵現時已是中午。
「原來已經中午㗎啦，教教吓唔經唔覺都成個上晝啦。」漢什聽到教堂鐘的敲響
聲後說道。
「因為集中精神做一件事嘅話，你會完全感覺唔到時間過去㗎。」
「巧晴你又講得啱喎！」漢什認同著巧晴的看法。
「咕咕咕咕……」
「好似都有啲肚餓嚕……」巧晴摸摸自己的肚子說道。
「咁食過午餐先囉……食完之後再開始教你生字。」漢什起身再對巧晴說著。
「好喔！唔該晒你吖！」
之後，漢什開始去爐灶前準備及煮好了午餐給自己和巧晴一同進食。在食完午飯後,也回到原位繼續教導著巧晴……
「好啦，拼字嗰到你先學識寫自己嗰名……」
之後，漢什就在筆記本上用他們的文字寫出了「凌巧晴」，是以其本身的粵語發音來拼音寫出的，不過是用這裡的字母拼寫。
「原來我嗰名喺你哋世界係咁寫嘅……冇問題，我會記住㗎！」巧晴提起幹勁說著。
接著，巧晴也開始嘗試以這個世界的文字抄寫著自己的名字，同時最後卻特意地用中文寫了““凌巧晴””三個字。
「你寫嘅係......乜嘢符號啊？」
漢什對於巧晴所寫的漢字，完全感到不明所以問道。
「唔係符號啊！係我哋世界嘅文字嚟㗎。」巧晴先搖一搖頭，並再對漢什解釋道。
「都有趣啊。」漢什微笑說著。
之後，在確認了巧晴已會寫自己的名後，漢什亦準備開始教拼寫最基本，日常生活最會用到的生字......
但幸好的是，這個世界的數目字都是普遍使用阿拉伯數字來作為記數的，所以巧晴亦意外地免去需要記新的記數系統。
然而，就在漢什用心教導巧晴的時候，大門卻突然傳出了敲門聲，於是漢什也決定先去開門。
在打開門後，見到米蘭站在外面，看來是有要事找漢什，所以會這麼唐突地親自來到他的鍊金工房。
「做咩事啊米蘭？入一入嚟先啊」
「都好喎。」
接著，米蘭就在漢什的邀請下進入了工房......
「講返正題先，你今日嚟搵我係咪有緊要事定係想要我用鍊金術幫你整道具啊？」漢什開門見山對米蘭問道。
「其實我係有啲事想同你同凌巧晴小姐佢講㗎。」
「你要搵巧晴？係咩嘢事啊……仲有點解你會知我而家同佢一齊住喺工房嘅？」漢什疑問道。
「係乜嘢事啊？」
同時，聽到米蘭提及了自己時，巧晴也走過來打聽。
「你好啊，凌小姐。」
「你好啊，卡明斯基先生……你搵我係乜嘢事啊？」
「其實係咁嘅……」
之後，米蘭就開始就著有關於昨日試圖性侵巧晴的流氓的事，原來他本身是在波莫利亞臭名昭著的性罪行通緝犯，早前在波莫利亞公國的首都—布拉諾犯下多宗強暴的罪行……
「唔該啊嗎！咁恐怖……」巧晴聽到這裡時，頓時不禁感到毛骨悚然。
「我早前都好似聽過吓……估唔到佢會走到嚟塔洛夫……」漢什也表示聽說過這名流氓的事蹟。
「而且，佢係專揀啲大概十幾歲，單獨一個喺啲冇人嘅冷巷獨自一人，十幾歲嘅少女落手......」米蘭繼續說道。
故此，若米蘭說的是事實，巧晴會成為目標也是不足為奇的。
「仲有......聽返布拉諾嗰邊嘅衛兵講述......最恐怖嘅地方係......」
米蘭說到了這裡，也先停一停頓並緊張得吞下口水，而巧晴和漢什見此，心情也變得緊繃起來......
「就係佢除咗會將目標少女狠狠咁糟蹋一輪之外，佢仲會用佢隨身帶嘅繩......活活咁把個受害人勒死滅口......」
「乜嘢話！」巧晴聽到後也當場為之震驚。
「如果唔係佢有一次犯案嘅途中被人發現而被迫匆匆地逃走......而留有受害者活口嚟事後講出個犯人特徵，我諗我哋應該好難有線索去追捕佢......」
「所以個變態佬就離開布拉諾以逃離通緝，最後嚟到塔洛夫呢度......而我就好不幸咁做咗佢目標？」巧晴嘗試自行推測道。
「冇錯啊，所以巧晴你今次可以話係立咗大功啊，成功引到個犯人嚟令我哋可以將佢補獲，同時亦都間接救咗其他女仔㖭！」米蘭微笑稱讚著巧晴。
「唔好咁講啦......其實我嗰陣係好驚㗎，而且個變態佬聽你咁講......如果唔係你同漢什......我諗我已經被佢活活糟蹋......再用繩監生勒死㗎啦......」
巧晴回想起自己昨日猶如死裡逃生的經歷時，仍感到心有餘悸。
「不過件事過咗去就算啦，個性侵犯我哋會安排人送佢去布拉諾度受審㗎啦，佢又連接犯幾單殺人同強暴......我諗上絞刑台都係無可避免㗎啦......」米蘭對漢什和巧晴說明著這名犯人之後可能的下場。
「咁啊......不過聽到你咁講......佢都算罪有應得嘅。」巧晴絲毫沒有對此表示同情。
之後，米蘭表示因接下來有事要做的關係而先離開，於是在說完後就主離開了工房。
「巧晴......我有啲嘢想同你講㗎。」
在米蘭離開了不久後，漢什突然向巧晴表示有事想和她說說。
「你尋日件事......真係冇事啊嗎？」
「尋日嘅事？雖然諗返起都會感到害怕......但其實我心情已經平伏，冇乜嘢事㗎啦，你唔洗擔心㗎喎！」巧晴樂觀回道。
「放心啦......我之後都會保護你㗎。」漢什拍一拍巧晴的膊頭說著。
「多......謝你......」巧晴卻有些感到害羞地回道。
「係喎！不如晏啲我帶你一齊去咖啡店放鬆吓囉？或者心情可能好啲呢......」
突然間，漢什向巧晴提議稍後一同到塔洛夫內他光顧開的咖啡店。
「都好喎。」巧晴爽快地答應。
之後，在漢什繼續教授了巧晴一會生字後，漢什也帶巧晴一同從工房起行......