或者，唔係一個你中意既故事: Ch.2

我轉去同ANN既chat room:

14/2 食晚餐，約實你，你咪走阿！！！

                                    Sorry, Ann 今晚我同唔到你食飯。

點解？？？？？

                                    我約左朋友。





14／2喎， 約左女朋友？

                                     可以話係。

係咪...（對方已刪除此訊息）
唔緊要啦， 咁我再約朋友食。
     
                                     對唔住。






開左Open Rice 準備booking期間，我見到Ann眼框紅紅地，頭due due咁走左去洗手間。個刻我好想去慰問佢，但係我可以用咩身份？我知問題係我，一個加害者走去同受害者講：你無事嗎？  咁樣做會唔會更加諷刺？ 對唔住。

搵完資料同8點booking 俾左阿彤後

我用memo紙留左言俾ANN：

今日既事，好對唔住 我見你一直都無問，我都諗住可以一直逃避，但係我真係好想知一啲答案。 我知我好自私。對唔住.

希.





然後直到收工，我都無見到ann返位.
-----------------------------------------------------------------------------------------------------------------------------
收工時間，香港不可思議之一，我坐既車已經係原地等左30分鐘完全無前進.由6：00 等到7：45我知到我實會delay。

我加速用慢跑既速度跑去餐廳，正當我想過馬路既時侯，一隻溫暖又柔軟既手拖起左我，我回頭一望，係阿彤。
佢依舊係咁動人，身上既香水味令佢係冰冷既街道上就好似陽光咁暖，手上既觸感同4年前一樣。面上化有好淡既妝容，個雙清澈無瑕既雙眼同水晶珠一樣。

[又遲到阿，傻仔]  雖然帶住口罩，我依然從佢雙眼知道，依個就係我每日都想見到既笑容。

[HI，好耐好耐無見喇]  我笑出當年大家見到女神同你打招呼既笑容，講到。

我同佢拖住手，行到餐廳門口。

店員：今日我都有情人節優惠，只要情人接吻10秒就可以獲得。





我地同時望向大家，即使佢有化妝，面上既範紅，絕對唔係化妝出黎既效果。

[我唔緊要] 佢面紅紅咁講。

＃如果有化妝品係可以即時唔使用手控制色澤既話，可以再PM我，小弟係真唔太識化妝品

我唔知佢當下所講''唔緊要''，係對個優惠唔緊要；定對我唔緊要？

所以我先出手攬住阿彤，相隔住口罩吻上去。

相對論大家聽過嗎？分開既4年對我黎講就好似，過左人生一次，我失去所有，我失去我既生活，我失去希望。

而相吻依10秒，旁邊接吻緊既兩位男士，一定估唔到要為一個優惠而出賣色相，10秒對佢地黎講係幾耐？但10秒對我黎講
唔足以俾我表達4年來，我對你而想念；我傷口既痛；朋友對你萬般問候既無奈。10秒一𣊬即逝。





[我真係好掛你] 我用雙手捧住佢細小臉龐 輕聲咁講.

店員：你地咁錫好似差啲意思喎。

阿彤 拉低口罩再好快咁錫左我臉一下

[咁樣可以未？] 阿彤有啲撒嬌咁講

我呆咗一陣， 再回想起當年既佢 淺笑一下 果然仲係咁迷人。

直到店員開口：咁好啦，請～

我地去到被分配好既坐位 坐低後。

［笑咩阿你～］ 面紅紅晚阿彤開聲問





［無阿，諗返起當年既回憶啫］ 我嘆左口氣

［仲以為 …你會已經冷藏左］阿彤仲係微笑住，但都透露住一絲愁容。

［仲記唔記 ..我地點識架？］ 阿彤：

［點會唔記得～］ 我：

［可唔可以，講一次我知］阿彤講完之後 隻眼就有少少反光。係眼淚？

「我同你既相遇係中四個年」。