再見，是再見還是再也不見？（重製版）: 第三話

或許唱出這歌，能夠講出我心聲吧。

「晴晴妳今次發揮得幾好！」
「還好啦，點呀，決定好Singcon唱邊首未？」
「未呀，都唔知唱邊首歌好。」
「距離Singcon得一個禮拜咋。」
「係你求我先同你參加架！」
「你好快啲準備喇。」
「知道知道～」 





事情是咁的，學校舉辦左Singcon而我地中六有得優先報名，所以我就搵左晴晴一齊參加。
雖然佢會應承我都係意料之內，但係都係好開心嘻嘻嘻。 

「叮～」
「？！」

突然有Email提醒，撳入去竟然係我既第一個任務！

【任務更新】
「任務：在學校的歌唱比賽取得冠軍  




   任務完成進度條會增加5%  
   因為這是首次派發的任務  
   所以任務失敗沒有懲罰  
   完成隱藏條件會獲得額外獎勵。」

 我呆左，我穿越返黎似係為左唱歌造星咩？乜鬼任務黎架。 

「晴晴，今日就練習到呢度先啦。」
「我返去再決定唱邊首好。」
「我送你去搭車？」




「嗯。」

 我同晴晴企得好埋，其他人一定以為我地係情侶，爭在我地未敢拖手仔。 

「係呢James，你做咩無啦啦想參加Singcon既？」
「好問題，我覺得反正都最好一年，我想嘗試下過去未做過既事。」
「不留下任何遺憾地渡過最後一個學年。」
「哦～原來係咁～」「做咩呀，好唔情願咁-.-」
「哼，冇嘢喇～」
「神神化化。」 

我送左晴晴上巴士之後，自己就行去搭地鐵返屋企。
我仲覺得好唔現實，我竟然會穿越左返黎。
我一定會把握好呢個機會，陪晴晴到最後。
唔會再好似上次咁咩都唔知就離開左。 





我再次打開Email睇下任務欄，「隱藏條件」究竟係咩黎。 
「唉，算！」 
我覺得攞冠軍應該唔難，所以就冇理會到，畢竟晴晴係我既拍檔。