再見，是再見還是再也不見？（重製版）: 【序章】

人生中可能會遇到好多過客，就如你搭巴士一樣，你會唔會希望有一個人陪你坐到終點呢。 
自從上左大學之後，我成個人都唔同曬，開始識打扮、上莊、多左Social既機會...
DSE啱啱好夠分入左一個水泡科，其實我都幾滿意自己既現況，至少有書讀嘛。   
刷完牙，洗完面準備訓覺  
​​


 叮～ 







「咩時候呀，點解會有人send訊息比我」 
：「可唔可以出黎陪我」
：「我好唔開心」  
呢一刻我內心掙扎得好犀利，究竟我應該點算好扮訓著左？
定去搵佢好。 

 佢，係我曾經鍾意左六年既女仔。 

······································ 





一切要由中一果年講起我小學成績唔錯，派到一間Band1中學，就係咁成為左我人生中既轉捩點。
唔知係咪緣分，中一到中六都係坐佢隔離。
比同學既印象已經係公認既情侶咁款。 
「喂呀，你聽日好做功課喇，唔好成日抄我啦！」
「知道知道，bb大人」
「B你個頭！快啲做嘢！」 
就係咁，我地每一日都好開心咁渡過。
同佢一齊既時光我永遠唔會忘記的。
所謂「一齊」其實只係我單方面一廂情願。 




直到中六Last day我打算同佢親口表白。
但係帶黎既係眼角流下的淚水。原來佢有男朋友。
原來我只係佢攝時間既道具。
原來呢六年時間，妳可以當冇嘢發生過。 ·

·····································

「糖水啱唔啱？」
：「嗯」
 冇錯，我係去搵左佢。 
究竟係咩驅使我要咁犯賤去搵佢？
當年傷害我既係佢，究竟...... 
呢次再見會畫下一個句號，還是一個新的開始呢？

·····································





攞起電話見到芷晴 send比我既訊息，諗起中學既時候，佢唔開心都會第一個搵我。
我好唔忿氣，明明我對佢都唔差，點解做佢男朋友既唔係我。 

越諗，越諗唔明，越諗唔透。

 「你係邊呀？」
「觀塘海濱。」
「我行緊過黎喇。」
「今日好大風呀，有冇帶風樓呀。」

 已讀不回... 
我攞住兩碗新鮮熱辣辣既芝麻糊，沿住近海旁既木板行。
距離我100米有個女仔坐左係度，我唔肯定係咪佢，畢竟都差唔多成年冇聯絡了。
 行到距離50米，發現有個男仔向佢搭訕。唉屌，原來係佢男朋友。 





下一秒我feel到有人輕輕地拍我背脊。 

「James，呢個係咪買比我食架。」 直到聽到呢一句，我發現原來佢一直跟住係我後面。 

「咁蠢架你，等左你好耐喇。」
「快啲攞出黎啦，好耐冇食芝麻糊喇。」
「我記得最後一次同你食糖水都係食芝麻糊。」
「你記唔記得啊？」 我點會唔記得，你果陣仲話剩係會分享你既芝麻糊比我呀嘛。哈，一切都已成過去了。 
「係咩，唔記得Luuu」
「你咁夜叫我出黎做咩呀？」

 我望一望手機螢幕，原來宜家宜家凌晨一點。
我出黎既時候都冇留意到時間，好彩糖水舖仲有開。
 「你記唔記得Last day果日，我拒絕左你。」




「其實我都好鍾意你。」
「超級超級鍾意你。」
「過去六年，我點會冇產生任何感情呢。」 我無言以對，我根本冇expect到會發生呢種情況。 
「我明白你呢一刻可能好嬲我。」
「對唔住。」
「咁點解妳當初要...」
「我之後會解釋。」
「我呢一刻剩係想同你一齊，食完呢碗芝麻糊。」

 我地邊食邊傾返當年中學既事，有說有笑。
我好想時間停止流逝，我唔想佢再離開我了。 

「話咁快就食完。」
「係咯...」
「多謝你咁夜都肯出黎陪我。」




「你走先啦，我媽媽啱啱話會黎接我。」
「你確定？」
「係呀係呀。」

 「嘟嘟～ 」有一架好熟悉既黑色七人車係馬路發出喇叭聲。 

「我媽媽到喇，我走先喇」
「好啦，下次見。」 芷晴頭也不回地走上了那架七人車，而我就去左截的士返屋企。 

「曾看過的那雨後長彩虹  
  如驟覺今天可失了蹤  
  隨風飄動 聽雷暴刮起的風  
  或會聽到葉兒在起舞」 

個司機都幾有Taste，播林家謙既歌。我鼓起勇氣攞起手機send訊息比芷晴。 
「芷晴，我地會唔會再見架...」
「其實我仲有好多野想同你講。」
「不如，不如下禮拜六我地去食野？」
 Whatsapp 出現單Tick。
佢係Block左我呀？手機冇電呀？定Data用曬呀？ 
我呢一刻冇諗咁多，返到屋企直接訓。希望佢聽日會覆我啦。

·····································

我攞起咖啡，加入少少白糖，為既就係減少咖啡因帶來既苦澀。
成件事會唔會好矛盾呢？明知咖啡係苦，點解要特登加糖落去改變佢原本既味道呢。
有啲事，就算你點努力去改，一萬年都唔會變。
 嗎？
 自從見完Jessie半年後，佢Whatsapp status狀態一直都係處於下線中。
可想而知，佢一直都冇覆我，好似人間蒸發左一樣。
 出於好奇心，呢半年黎我一直都透過佢身邊啲朋友問下佢最近既動向。
但係得到既都「唔知呀」「冇聯絡好耐喇」「你失戀傻撚左呀？」
冇錯，大家都知道我係Last day既時候比Jessie飛左。
但係，你係果晚點解要突然出現，突然講話好鍾意我？
 呢半年黎，我每一日都過得好心不在焉。我好掛住Jessie，好掛住佢。

 叮～ 我媽媽send左段訊息比我。

 「仔，今日房屋署好似寄左封信俾我地，你返去幫我睇下，我放左係櫃桶度。」 
我send左個OK既emoji比佢之後，就慢慢咁行返屋企。 
返到屋企，望下門外既信封箱，發現原來我都已經一段時間冇負責拆信了。
每當有啲重要信件，我呀媽都會同我講聲，所以一直以黎我都冇主動去做呢樣嘢。
 拉開櫃桶，第一個就係房屋署既文件，正當我打算關左佢既時候。
「To James, Jessie」既文件映入我眼簾，我手開始震，已經攞唔穩任何野。
我好震驚，好嬲，好自責。我好嬲我呀媽冇同我講？我好嬲自己我檢查信件？
我好自責自己冇早啲發現呢封信... 過左一陣，心情恢復返，我即刻打電話比老母問佢做咩唔同我講有信件比我。

 「咁見你呢排都好似唔開心咁，咪打算之後同你講咯」
「咩信咁重要呀？」
「你講野態度可唔可以好啲呀？」
 我太嬲，果斷地cut左佢線。 攞住封信返左間房，total有三封。 

【第一封】

「Hi James,你睇到呢封信既時候，我諗你已經whatsapp唔到我喇，對唔住好多野黎唔切同你講，但係我真係開。心可以見返你，雖然一齊既時間好短，但係呢種感覺好似返左去中學既時候咁。 希望你唔好唔開心啦，我因為一啲事情所以同外界斷左聯繫，但係我地可以寫信呀！ Love,Jessie」 

睇完呢封信，我既淚水莫名地留下。 

【第二封】
「Hi James! 做咩仲唔回信呀，再唔回信俾我就嬲你架喇，哼！不過我有啲野想同你講，我對唔住隱瞞左你咁耐，其實我想趁仲有力氣既時候解釋返中學Last day果日我點解拒絕你。 我中四果年比醫院診斷為後天性腦癌，但係好彩高中三年病情仲未惡化，感謝老天爺比我陪到你，經歷左咁多開心既事。Last day果日我拒絕你係因為我屋企人打算帶我去美國治療，以香港既醫療條件，等待我既只有前往天堂的路。 過左Last day我下一日就同屋企人飛左去美國，對唔住，冇同你講。我話我有男朋友其實係呃你架。但係點解我會返黎香港呢，因為我屋企人為左我既醫療開支，積蓄都已經洗得七七八八，我索性同佢地講不如聽天由命吧，我同屋企人都嘈左一段時間，但係因為我唔忍心見度佢地繼續承擔巨大既支出，所以我都係堅持唔需要繼續接受治療。 到寫緊信呢一刻，醫生話我如果唔接受治療，剩低既時間就只有半年。 Love,芷晴」

 我呢一刻好無助，原來佢發生左咁多野，我咩都唔知，點解我可以咁無用。睇返寄信既時間，正正係六個月前。
雖然我唔想往壞方向諗，但係我大概知道最後一封信既內容係咩，我有種不祥既預感。    

·····································

「Hi James,雖然唔知你點解冇回信俾我，但係我已經冇嬲你喇，我相信你會睇到我想表達既心意的。你睇到呢封信既時候我已經離開左，我會托我媽媽親自寄比你。 

放心！我係另一個世界都會超級掛住你的！你要好好照顧自己，搵到一個錫你既女朋友哦！雖然我諗冇人比我更錫你，嘻嘻～ 

你唔可以喊呀知唔知呀，我希望你可以代替我走落去，探索呢個美好既世界。如果真係有前世今生，我希望下一世可以做你女朋友，一齊結婚，一齊活到老。 

我愛你 劉祖迪,
陳芷晴」

 -序章完-