英雄決定聯盟：超越人類的智慧: 萬君女王與慧眼2：終嫣一擊（上）
過咗三份一世人好想去一次旅行 俾自己放縱一次
一個一星期X南旅行 展開
所有嘢都準備就緒 行李重創嗰隻石頭咁 根本拎唔起
「阿妹要去香港讀書呀 所以佢去唔到旅行呀 真係慘慘豬囉 冇嘢叫佢走堂㗎嘛 如果走堂走一個禮拜 就被踢出校...」
阿藍喺度挑釁阿玲
阿玲冇因此而唔開心 反而仲覺得開心 佢哋兩個都係二人世界增進下感情
自己喺度反而做埋電燈膽
「你放心去啦 間屋有我睇住得㗎喇...」阿妹表情一如既往 的確令人覺得有少少唔開心嘅感覺
「我地又唔係去死 啋過你咩 乜鬼嘢叫放心去呀 應該係要一路順風...」阿藍道
「祝你未來老婆一路順風啦 掛住你哋嘅..」阿玲笑笑
「你個衰女包呀 ...」
「呯....」
今晚大家都特別早瞓 包括要讀書嘅阿玲 阿藍要一早上機 五點就要出發 佢九點幾就瞓咗 心情興奮又緊張 輾轉反側咗好幾次
望住個天花板好幾次
最特別嘅係 我都有類似嘅情況
當我漸漸訓死左之後
我就開始發惡夢 之前有啲唔同 今次嘅夢有少少比較真實嘅感覺 去咗另一個時空 另一個劇情 令到我非常頭痛
「 kandy？要唔要食糖呀...？我請你食吖..」好可愛嘅女仔圍住自己轉
「哦...唔使喇唔該..我想知道呢度係邊度呀..？你又係邊個呀..細路女」我對當中嘅事物有啲好奇 但係我又好想逃離現場 因為我知道呢一個係一場夢境
「好快你就會喺現實見到我㗎喇 我叫慧眼呀 多多指教」慧妮伸出一隻左手 示意我同佢握手
但係佢點知道我叫咩名㗎 仲要叫我英文名 呢個望鏡都幾不可思議...
不過我同佢握手 佢仲握我好實好實
「行為有小小marvellous呢？」
「唔該可唔可以唔好中英夾雜呀 」我雖然唔識聽英文 但總係覺得有啲唔自然
「冇問題呀 原來姐姐唔識聽英文嘅」慧妮笑道
咁又係嘅 睇慧眼個樣仲係細路女 竟然識啲咁高深嘅英文 我知道呢個夢境都係假嘅
「我唔理咁多 總之我想離開呢個夢境 請問有冇咩辦法可以逃離？」我沒趣道
真心講嗰句 真係冇人有時間同佢玩 跟住我就半夜扎醒咗 成個人標曬冷汗 都清唔曬係咩惡夢嘅 只不過係夢境有啲真實
跟住之後我都冇再瞓過啦 咁嘅環境再瞓落去 我好驚唔知醒起身 雖然旅行都係家常閒事 但同阿藍打孖上 真係好難得
唔瞓覺梗係諗咗好多唔同關於夢境嘅嘢 亦有好大機會係之前遺留落嚟嘅後遺症
真係一啲都唔出奇
只不過係而家先嚟發生 仲要喺旅行前一晚搞啲咁嘅嘢..
後遺症係沒有少少偏頭痛 但係未至於痛得好犀利 因為轉個頭就無事 可能夢境已經遠離咗我
而且確我唔會俾呢個夢境過去
我會諗方法解除佢 如果之後繼續咁樣發呢類型嘅夢 搞到自己瞓唔到 浸會影響第二朝起身嘅精神
男仔在發綺夢姐 但係我唔想發春夢
係夢境嘅回憶之中 嗰個小妹妹我冇記錯 係叫慧妮 我第一件事諗都唔諗 佢會唔會就係小熊維尼嘅化身
小熊維尼出現喺我夢境 一定會俾人貽笑大方
不過幾好令人難以相信啲嘅事實
時間越來越快 差唔多到四點 我決定入廁所清醒下自己 刷牙洗面食早餐 準備同阿藍會合
「嘟嘟嘟嘟嘟.....」
我喺搭飛機嘅時候 先至瞓落去 隔離起碼有阿藍睇住 有咩事都好佢都救到我 不過呢程飛機我瞓到好冧
「等我打比阿妹報平安先」阿藍拎係手機拍出飛機窗外嘅風景 （其實都只不過係雲層 完）
X南
樂基準備出閘 拎行李
機場門口就有個人招呼緊我哋 佢自稱佢自己叫冼投 咁多名唔叫 就去叫冼投 一定係有好深嘅意義
咁又係嘅 佢做導遊吖嘛
有把金舌頭 由冇都變到有
由好差都變到好正
舌頭哥哥架車就喺機場門口出面 叫佢做舌頭哥哥都好貼切 佢嘅黑色七人私家車
望落去就好似一個未變身嘅變形金剛 閃到立立令
「我想問下舌頭哥哥 X南有咩好玩景點？」舌頭哥哥一開車阿藍就問
「無...」
下...完咗喇...？
無 即係咩景點呀...？
「等你地沖完涼 再出嚟帶你地去食西啦..」冼投再道 連外人都知道好西嘅存在
「言商在商 我都係一個出色嘅導遊 唔待薄你地嘅 我要俾人知道我係一位出色嘅導遊..ha...」冼投笑道
敬業樂業嘅精神係值得學習嘅...
佢帶咗我返酒店放低啲行李 沖洗咗自己個身之後先再出發第一個目的地 X南嘅酒店平到嘔 不過我哋嗰間都算係豪華酒店...
話曬一個星期梗係想住好啲啦
去旅行遠比工作辛苦 因為個行程排到好密麻麻 去旅行緊係想用盡每一分每一秒 如果浪費時間 留係香港就得 咁就變左無意義...
不過呢幾日係開心嘅 亦都有唔愉快嘅事 開心嘅係同阿藍一齊你一啖我一啖 好煙韌 成個糖黐豆咁 打風都打唔甩 仲不時影左好多打卡相 曬命相 無聊相 連食野都會相機食先 最唔開心嘅係 旅行呢幾晚都有發同一個春夢
小妹妹慧妮 點都會係我夢境左近 其實慧妮都無咩野 佢仲細都唔會攻擊我 可能比較真實 有時仲逗你笑
直到最後
慧妮消失於人海
但係虛擬場景一樣存在 淨係掛住慧妮 又掛住要點樣逃離 都無諗過佢生活嘅畫面 想逃離奇怪嘅夢境 都好正常嘅...
慧妮無再出現係我地眼前 我點嗌佢都無人應 場景根本無一個人係度 靜到無朋友 而且嗌到仲有回音...
「hello....」
傻啦...有人至奇
實際上 呢度變成了危險地帶 所謂嘅異空間都可能係咁樣發生 呢個係其中之一
有可能係整蠱緊我 想我永遠留係夢境 咁代表我係咪死左..？
到最後唔知用啲咩方法 我自然醒番彈起身 同樣標哂冷汗 我開燈望望個鐘 都不過係凌晨三點鐘 如果我再訓番 一定又入去果個夢境 阿藍仲訓緊
25年前
「Your parents is died...」勇一向年幼嘅慧眼叫道
勇一就係繼慧妮屋企人之後嘅監護人 同時又係神殿尊者 可以話係神殿推有人 從小慧妮就被送入呢座高高在上嘅神殿
慧妮屋企人一早知道自己個女有呢種能力 先至想送去最高至上神殿學野
「你講緊啲乜野呀？」慧妮唔識聽英文
但慧妮仲未知道佢屋企人嘅死同勇一有關 佢咁細個都未係識得分輕重
勇一非常殘忍 將一個女仔女仔嘅童年摧殘
因為知道左慧妮有特殊能力 果個神秘能力就係透視眼 可以睇穿任何牆壁外或其他視物 點都要先下手為強
無人諗過呢個神殿原來係一個黑暗嘅地方 仲有好多不為一知嘅秘密 例如有殺雞取卯嘅做事方式 後果都唔太重要 佢地覺得強到無朋友
「唔識聽英文 唔緊要嘅 你都唔需要明白架喇...你擁有住咁強勁嘅能力 如果唔改造你就真係浪費...」勇一諗清諗楚下一步點做 除左將佢對眼強化成最強 有穿透之外 仲要可以睇好遠嘅視野
神殿高科技智能手術室 神殿另類房間 比較現代化 唔係神殿咁古舊式 裡面嘅儀器仲要先進過城市嘅醫院好多好多 仲可以起生回生
主診手術醫生 別林 神殿唯一 最高醫者 可以講係輔助最強 做事大多手起刀落 唔會有咩部署 最重要 佢對各種醫療嘅野無從不曉 最重要嘅一點 佢份人好有同情心
慧妮嘅手術當然由佢操刀
「我要佢成為神殿天眼...」勇一同別林提出好多方案俾佢 別林對勇一嘅提出都做得到
「勇一嘅方案都唔成問題嘅 放心交俾我...」別林用筆抄底勇一嘅說話
「我好放心將佢交俾你 咁樣先拜託你喇 我有事要做 ..」
勇一隨後離開手術室走廊
不久...
係神殿裡頭 有一位法師 係數一數二最厲害嘅法師 擁有多重法術能力 令到成個神殿都地震 無人可避得開呢個地震 除左地震 佢份人比較敏感 除左勇一無咩人可以叫到佢做野 甚至守護初心 莫講話身邊人有咩危險 都係一個冷血嘅人
佢被名為地帶法師
「阻止我嘅人我要佢碎屍萬段 ...」地帶法師
有史以嚟 一次最大嘅轟動
原來有人想硬闖神殿地下城 地帶法師決心阻止 呢個時候勇山同魯二大駕光臨
魯二正正就係神殿守護者 不過無地帶法師咁犀利
「原來係光族..」
魯二知道入侵者來自光族 不禁愕然
「係人都知道地下城有啲不為人知嘅秘密...」光族領導人帶住幾個殘兵想硬闖地下城
「你聽邊個講㗎...」魯二道
「其實邊一個講唔重要 最重要嘅係 入面一定有啲野..對唔住都要做一次」光族拎起佢手上嘅一支法杖 輕住魯二發出攻擊
「你都幾橫蠻無理㗎噃 我地唔侵你哋你竟然嚟侵略我哋..」魯二避開左佢攻擊
「你搞咁多嘢啦 我一個地震術就將佢地置諸死地..」遠處嘅地帶法師道
「諗住做架兩？ 光族嘅朋友 一齊上...」
光族嘅人無畏無懼向前發起衝鋒 但係地帶法師嘅地震術已經牽起四周 就好似斷橋一樣 根本茄都平唔搵
「其實地下室入面 冇你哋想知道嘅野 你哋咁樣硬闖 都是不怪嘥心機...」地帶法師好想放過佢地
「今日就算死我都要入去....」
隨後光族一大班人入左嚟 原來仲越來越多 多不勝數嘅殘兵 一個個聽住首領嘅命令
掀起有史以來最大嘅戰爭 被稱為光神之戰
「全部都係老弱殘兵 地震術一個搞點...」地帶法師係施法之前 俾勇一制止左佢
「慧妮做緊手術 唔好再用地震法術 我唔想影響到佢..」
勇一非常緊張慧妮 唔想有咩差池
「你啱 咁好啦 我改一改戰鬥方式...」
神殿都有好多士兵同光族死過
「咁耐以嚟都無試過咁嘅激鬥場面..估唔到光族都走埋嚟...」魯二退後到勇一身邊
「好多其他族人都會想侵佔我地領土 我地係天上最大神殿 無時無刻都想有人霸佔」勇一咳左一聲 再道「仲有 慧妮做手術嘅事 我希望唔好洩漏出去 知道未？」
「明白嘅 神殿主人 我一定唔會講出去...」魯二同勇一睇住呢場盛大嘅戰爭
最後當然係光族嘅人輸左 佢地無咁大個頭就戴左咁大頂帽 再一次保證左神殿都係有龐大嘅主權
慧妮手術之後 就開始特登去培訓佢
勇一轉頭就將領養權交左俾克林 克林係屬於一隻忠中嘅狗 同時知識博學多才 又留戀過城市生活 搵佢教慧妮就最好不過
勇一開始唔多理會慧妮 只係有陣時會探下佢
直到佢長大成人 勇一會稱佢為黑魔女 為佢準備左一副特製眼鏡 開始連地帶法師都要忌佢三分
因為慧妮的確有型過佢
勇一將慧妮改名為慧眼 聰穎嘅智慧同埋潔白嘅眼睛 約佢變成邪派英雄
佢本人就唔多想做啲作奸犯科嘅事
而克林仲打算幫佢逃出神殿
「咁多年嚟 你都受盡各種勇一嘅屈辱 你應該出去闖一闖 呢度根本唔屬於你 留係度簡直太浪費..」
克林同時被利用 為嘅都係自己心愛嘅愛人 而家隱居係日本 但克林好想慧眼去搵佢 至少好多野都可以幫到慧眼
「咁多年嚟多謝你嘅照顧 之後你要好好保重...」慧眼道
「我係度 都係好嘅一餐唔好嘅一餐 衰啲講同等死無咩分別 你唔同 你咁聰明 應該好快會適應城市人嘅生活..」克林有啲想喊
「又唔駛咁眼濕濕嘅 我一定有辦法帶埋你出去 呢個世界咁多地方 好應該享受一下 而唔係困住係度...」慧眼道
勇一都仲未知道慧眼己經背叛佢
「不過勇一都係蠢人 我要走佢都攔唔到我 除非佢大班人馬捉我番嚟..」慧眼道
「仲之一切小心..」克林說畢 就離神殿而去
「你都係呀...」慧眼道
至於慧眼係用咩方法離開神殿 當然係光明正大離開....
無人攔住慧眼皆因佢對眼己經強化到不能自拔嘅境界
有時仲好似著左LED燈一樣.....