英雄決定聯盟：超越人類的智慧: 融為一俠（火俠與水俠）：創世代之神（下）
異國地牢...
自以為好勁嘅阿康鐵鏈鎖住左 另一邊仲有雷斯 同阿萊 阿康先慢慢醒過嚟 見到格籬暈左嘅雷斯 但阿康唔會打草驚蛇 又唔知異國人會對佢做啲咩野 細細聲叫雷斯呢個名 不斷叫不斷叫 點叫 都係無用 佢一樣昏迷左
最衰自己俾鐵鏈鎖住左 完全出唔到去 想變身成類人都唔得 無何奈何係度嘆息 過左一陣 阿康有啲打鼓嘅感覺 佢個肚就係咁 永遠唔聽駛 最唔適當嘅時候就會咕嚕咕嚕叫 佢仲覺得異國人捉左佢地番去 都預左會死
咩都好 阿康呢一刻好想食野
明明係想多謝我地幫佢地殺左二五仔 而家反而當左係佢敵人
係度又唔知幾耐 得自己一個人自言自語係度好寂寞
之後 有個人入左嚟 佢就係Au 佢個樣作左一個串字嘅樣 睇見都想打佢
「醒左未幾好 長話短說 我哋捉你哋返嚟 就係想你哋翻譯古書嘅文字 因為古書入面嘅內容十分重要 你哋可以翻譯到 我哋可以放你走 包括嗰位垃圾醫生...」Au望住醫生嘅方向
「下？乜鬼嘢古書呀 你講緊雷斯醫生個本古書？其實嗰本書都冇冇乜嘢好翻譯啦..」阿康唔係好明佢哋嘅用意 莫非古書對佢地帶來嘅危險？
「唔駛講咁多野 總之你地唔翻譯好古書 唔駛旨意離開呢度..」Au道
「可唔可以俾啲野嚟食下 好肚餓呀...」阿康道
咁又係嘅 唔醫飽個肚點樣翻譯古書..
Au猶豫左一陣 佢諗緊好唔好俾飽飯我食 如果我餓死左對佢都無好處
異國人五時花六時變 真係唔多理解 仲懷疑佢地嘅教育都唔係好正常
「想食野 可以 請埋你飲靚酒都唔係問題 何況我地準備啲佳餚 真係唔好哂...」Au道
阿廈無諗過阿Au會咁順攤...但都只不過有個異國兵餵阿康食野 而唔係放佢落嚟自己食 異國人唔會蠢到引火自焚...
一個異國人拎住一盤冚住嘅碟 同一杯黃黃地色嘅酒 異國人雖然與世隔絕 但有靚酒飲 一定受根源影響先會有好酒
「精心炮製 異國美食 須肉 仲有一杯...」Au道
我打亂阿Au嘅說話
「衰肉？」
個名有啲不祥 異國人當係美食 另下仲有一杯酒 佢地 稱為「廖」酒 廖係指廖廖可數 阿康誤解左廖同尿 的而且確 廖酒係用人尿造成 係國王Don新鮮嘅尿 再加木糠製造 簡直係臭氣沖天
面前畫面越來越糟 ...
酒個陣味真係好難頂 阿康己經想嘔出嚟..
「須肉係 異國人最好味嘅食物 用醃料醃過哂啲肉 配上醬油煮 餵佢食...」Au吩咐異國人
阿康覺得須肉真係好食到無得頂 醃肉嘅時候令到味道啱啱好 又唔會好鹹 仲有肥瘦均勻 但阿康食完之後先知道瀨野 須肉係用鹿肉製成 阿康自問未食過鹿肉 有啲唔習慣
至於酒 阿康飲都唔想飲 又其聽完酒嘅來源之後 異國人仲當「廖」酒係寶 當然國王嘅尿 係好矜貴 一日最多製造到一支酒 連異國人都唔捨得飲...
離曬大譜呀.. 呢啲就可以俾人飲㗎咩...但阿康可以用咩反抗 只有一把口 只可以說服阿Au放過佢一馬
「怕咩..？好野你都唔識欣賞？」阿Au上前拎起酒杯 飲左一啖 「你聞下「廖」酒幾甘甜 我地專登留俾你地」
阿Au親自灌我飲「廖」酒 阿康好佩服啲異國人竟然可以飲尿... 阿康迫不得已 成杯俾佢飲哂 畫面相當好噁心
「飲完酒 你係時候翻譯古書喇..」Au道
「傻左咩....我鬼識翻譯古文 你要搵都係搵雷斯 唔係搵我...」Au道
「你唔識翻譯古書？咁捉你翻嚟做咩？」Au道
「唔知啊...」阿康搖頭
「你套野係邊個教你去攞？你嘅雷斯？」Au道
「係呀 所以要翻譯古書 唔係靠我 係靠雷斯 我幫唔到你...」阿康道
「既然幫唔到 就死左佢啦...」Au大怒
阿康唔怕Au虛張聲勢嘅言語 同時相信紅寶石力量會保護佢
「我係火俠 我仲要拯救世界 你唔可以殺我」阿康睇住Au一步一步走過嚟
「你肯講古書嘅內容咪好囉...」Au道
阿康覺得紅寶石唔係佢地想要嘅野 會唔會係gag錯左啲咩...？
「首先 你唔好搞錯 我同阿萊去偷取寶石力量係為左拯救地球 同你地翻譯咩古書應該無關係...」阿康聲線遞增
「我地正正就係需要你古書所有重要內容 你講嘅拯救地球都係一樣咁重要...」Au道
「我淨係知道宇宙戰爭開始 雷斯叫我地拎走寶石力量 我地知嘅係咁多 唔信都無辦法...」阿康道
呢個時候 國王Don過嚟地下室
「Au 你先放左佢..」
Don一個人親自大駕 裝扮完全係一個國王type 金色皇冠加上 皇袍 睇落去比較似善解人意 最仲要佢推翻Au所做嘅事...
「Don 點解要放佢？」Au唔想放我 想同Don對恃
「咁點解要捉走一個英雄？」Don再道「佢係天選之人 更加唔可以對佢無禮...」
「Don 你咁講 我就放左佢啦..」Au係Don命令下 放左我同阿萊 但雷斯暫時會被綁住 直至 佢地所謂古書嘅謎解開哂為止
不過無可能一時三刻就可以解開異國人嘅疑難
國王Don帶左阿康同阿萊去左貴賓室待遇
好快我地被邀請過去 宴會廳 就係貴賓室格籬 但個隔格就差好遠 完完全全大到無朋友 咁形容係有啲誇張左 起碼有10幾間大型別墅咁大
阿Don本應想問更多古書嘅事 但佢覺得除左我地仲有疾風女俠會知 但最弊在我地完全唔識佢 一來阿Don多謝我地救左佢個女 另一方面又殺左佢地二五仔
呢個盛宴仲係我地史所未見 話哂係異國人 食嘅野緊係同我地唔同 雖然啱啱食嘅野都輕輕咁介紹過下
所謂嘅須肉同木須肉有咩分別 都係差一個字 不過味道色相比起上嚟都算係創新
佢地啲下人會逐個 一碟又碟嘅菜式搬上嚟呢張長檯上 就好似自助餐咁 咁多選擇 乜野須肉魚生
由頭到尾 有幾百個座位 但要款待只有我地幾丁友
「我地平時都會食呢啲野當係高尚食物架 不過要多謝你地 點都要大排筵席嘅」阿don走過嚟我地身邊 佢知道我地都係非比尋常
「得兩丁友 點食到咁多野...」阿萊個心又係諗 幫手殺左個二五仔 仲有咩咁值得搞咁大壇嘢..
「慢慢食啦 兩位 就當係我嘅見面禮...」阿don再道「等陣我會叫我個女親自出嚟多謝你地..」
Chris係異國人 一啲都唔意外 話哂呢度除左異國人係度生活 又真係無其他人...
不過最奇怪嘅係Chris 明明斷左一隻腳 而家安然無恙 真係令人震驚 莫非異國人都識魔法醫反好斷腳
Chris 份人比較粗魯 又比較萌塞 只係阿康咁認為
「我唔要啲咩見面禮 我淨係想要放左雷斯佢 唔知可唔可以做到？」阿萊問
「只要你地可以將古書嘅內容都解哂嘅話 就可以放左佢...」阿Don態度突然轉變道
「咁都無理由要打暈佢姐 佢死左你地一樣解唔開古書嘅內容...」阿萊反駁
「你啱 所以我先至想打暈佢 慢慢折磨下佢 佢先會識驚 識講出嚟...」阿don除左報答我地 而家想調轉槍頭 要我地搵疾風女俠同佢daddy
的而且確 綠寶石力量係佢手上 佢亦係打敗左冰神同火神女英雄..
為左自己利益 異國人鍾意隨心所欲 想點就點
不過我地唯一一定要做嘅事就係救雷斯出嚟 無論古書對佢地嚟講係幾咁重要都好 都唔會俾佢地得逞...
異國人始終都係放我地走
但我地發誓 死都唔會幫佢地搵疾風女俠 佢地咁有本事咪自己搵 有手有腳又識魔法 駛咩勞動我地
目前只係諗辦法救番雷斯出嚟 相信佢地都唔會搞死雷斯 除非佢地覺得雷斯己經無利用價值..
呢個係我地兩個嘅故事 毋須有第三者加入 指嘅係疾風女俠 我地要成為最強地表之神
話就話想成為神 都係要做啲令世人覺得另眼相看嘅事 即係出軌 識噴水又識噴火 呢兩樣己經唔係正常人會做嘅事
突然覺得自己好威威..
兩個人心連心 不分你我 係街上 街外人見到仲以為我地係度hehe緊
「點樣先救到雷斯？」阿萊突然問
「我唔知架 見步行步架咋 我地兩個都未必夠異國人打啦 我地得兩丁友..」阿康道
「方法就係直接變身 一舉殲滅異國...」阿萊嘅想法有啲魯莽 亦無諗過後果
阿康當然唔贊成阿萊咁做
「點解要咁做呢？」阿康反問
「起碼有一線生機..」阿萊道
「錯 係九死一生至啱...」阿康道
「你話咩就咩啦 我只是講出左我個想法 俾你知 你行唔行就要決定..」阿萊道
「我嘅決定係 死人我唔會行 一陣連寶石都無埋咁點算..」阿康道
「咁...我無第二啲方法喇..」阿萊道
「如果可以咁簡單就好啦 做英雄都有做英雄嘅難處..」阿康突然嘆氣..
再望望個天
Are you play with me?
實不相過左幾日之後
都無異國人嚟搵我地
阿萊同阿康好彩都係住附近 有咩事都可以互相照應 就算係異國人嚟捉我地番去
跟住呢幾日我地就諗 既然變成左水火不容嘅英雄 即 咁都要做一啲野令到世人覺得刮目相看嘅事
呢個城市年年都會搞嘅渡海泳 電視甚至外面海報都有好多呢個宣傳 仲要年年夏季熱辣辣 熱到咁 識游水嘅點都會報名 阿萊今年都唔例外 除左威俾人睇之如 又可以睇下自己水性去度邊
莫講話唔識水性 最後連阿婆都要報埋一份 所以老當益壯就係咁解 有時真係唔好睇少阿婆嘅實力
阿萊事前都唔駛預備定啲咩 佢淨係帶住藍寶石嘅力量就得 只有藍寶石先會助阿萊一臂之力
比較前一晚 佢覺得自己好開心
夜晚仲倚靠住窗台 萊媽上前安慰
「好耐都無見過月亮有咁圓..」
阿萊望住月圓 己成奇怪現象
「係呀 好圓真係好靚」
「你聽日渡海泳比賽 原來事前你游水己經咁勁 我做人阿媽都竟然唔知..」萊媽有啲感觸
轉換頭由阿萊安慰番萊媽
「我覺得好熱 落水玩下姐 我唔會有事嘅 我仲要攞個第一返嚟..」
阿萊係唔會將咁荒謬嘅事講俾萊媽知 成為左英雄處境都有一定危險 阿萊亦唔想萊媽擔心 唔好講話阿萊 阿康都唔會同屋企人講 阿康仲話 自己未成為最強 都唔會公諸於世
陪康聽日有幾忙都好 都會將事情放低 無野緊要得過去睇兄弟嘅渡海泳
萊媽從來唔好比自己個仔咁大期望 只係想安全平安返嚟 己經心滿意足
渡海泳嘅來臨 又悶熱 又晴朗 令到好多選手都好興奮 同時又好緊張 有啲選手未游水 啲汗己經巴巴聲咁嚟
因為要游一個城市嘅河流 過長之餘 體力都會消耗好多好多
阿康係電視上睇住渡海泳直播 電視完全show哂整個河流嘅賽道 又有中途休息站 有個靚女報導住整個賽事 果個靚女仍係阿康嘅理想型 成日都想搵佢 不過無咩機會識到佢 一有親佢嘅新聞報道或者節目佢都追看 甚至錄影 但阿萊都唔知呢位靚女有咩咁吸引 都不過係普通貨色
全城緊張嘅賽事 阿康事前預備好薯片 同可樂 係屋企開定冷氣 根本係度嘆
咁熱嘅天氣 個個都會匿係屋企睇賽事
開始左一陣 阿萊都會做下樣 如果一開始就太快速 佢怕啲引起懷疑 佢腳步放到好慢好慢 仲可以係度嬉戲
「我會等佢地游到一半嘅時候我先會追上去...」阿萊係度自言自語
個個睇住電視嘅觀眾當然會眼凸凸 連報導嘅靚女都覺得阿萊風趣幽默...
「你真係唔打算游上去..」
原來仲有一位選手啱啱落水
「你而家先落水都追唔到啦 有咩意思？」阿萊唔明身旁嘅選手堅持啲咩
「你錯喇 我係嚟玩嘅 唔係嚟攞獎嘅 而家先落都未算遲...」身旁嘅選手無理會阿萊 自己一個加快游出去
「咁搏嘅人都真係第一次見..」
隨後 阿萊隨後跟上 不過好快就爬左選手嘅頭 神箭手咁快嘅速度 選手完全睇唔到 只會睇到啲浪花
加把勁呢啲字眼 講嚟都無意思 更無人想知 比賽過程 因為都唔重要 所以就直接跳去賽果
阿萊好開心可以贏到人生第一個獎盃 當然佢都要多謝藍寶石嘅力量
事後 阿萊係街上見到一個神秘陌生人 佢著住黑色斗蓬 帶哂罩 連樣都見唔到 係當時呢個人來人往嘅街上 兩個你眼望我眼 神秘人隱藏住一絲殺機 二話不說推開哂附近嘅人 啲途人見狀完全做速遠離佢 情況開始非常混亂..
「我係藍寶石心魔 我要捉走你...」阿萊同中魔一瞬間就消失於人群 嚟到一座大廈嘅天台...
阿萊差啲都嚇親 仲以為咩事 不過佢自己都唔知而家嘅處境係大禍臨頭
「你係心魔？」阿萊自擁有藍寶石力量以來都未知裡面存在一個心魔
「我係你體內釋放哂潛能之後演變嘅心魔 我會殺左你...」為左唔想引起市民恐慌 人魔選擇左一個耳根清靜嘅天台處落手
「點解要殺我？我唔明解...」阿萊退後一步
「你將潛能己經發揮到臨界點 就會召喚出心魔 ...」心魔瞬間就過嚟阿萊身邊
要怪就怪自己一開始咁輕挑 中途一出盡全力就出左事了 佢都唔知有咁嘅情況發生
「其實我好想好好利用下藍寶石力量 我又唔知有咩後果 真係對唔住 唔好殺我 我仲要救朋友...」阿萊道
「救朋友...？你己經無資格同我討價還價..」心魔一爪攻擊阿萊
但心魔只係一個影 完全打唔到阿萊
「呀...」阿萊以為自己己經死左了
慢慢咁藍寶石力量再一次吸入阿萊嘅身體 佢深一口氣
「呢次係一個警惕 下一次你要小心啲 唔好以為我殺唔到你 你要記住 你力量低於5 唔好再用落去 後果係點 你自己諗....」
心魔收番埋係藍寶石嘅裡面 之後就無再發出任何聲響
「喂 心魔 出嚟呀....」阿萊下一秒再喃喃自語「如果我有心魔就代表紅寶石都會有」
的確 紅藍寶石係相對一樣嘅 只係屬性唔同 如果唔係都唔會合到體 故此呢件事之後 阿萊點都會同阿康講番聲
新聞好快報導呢單驚天地嘅新聞 有個外星人大鬧街區 瞬間拐走途人
「真係麻煩了 未攞世一就有單咁嘅野出現 ...咁樣嘅話 唔好讓賽 速戰速決仲好..」阿康摸不著頭腦
「你想比賽啲咩？」火人除左生火同唔怕熱之外 仲有咩貢獻 阿萊諗極都諗唔到
「緊係一啲好平凡嘅野 而果個比賽就係烹飪...」阿康無諗過自己可以勁過阿萊
因為烹飪比賽都係一種艱辛嘅挑戰
重點係阿萊唔覺得阿康煮野食好叻 除左煮一次公仔麵咁大把
「你識煮野食嘅咩...除左公仔麵..」阿萊道
「呢層唔駛擔心 我隻手可以生火 又可以控制火力 烹飪比較最好不過 ...」阿康道
「你要知道 煮野食好講天份 你無...」阿萊睇死阿康唔掂
火唔同水 層屬水性 係本身己經存在 但係火力幾強都好都唔會令你煮野食會變強
「你又唔駛咁潤我嘅 我話都係仰慕唐西廚藝嘅人...」阿康道
「果個唐西只係電影虛構出嚟嘅人 現實係唔會有嘅okay?你天真到真係走去崇拜佢？」阿萊語氣開始加強
「表示我對廚藝有番咁想下知識...」阿康道
「唔緊要 本來火嘅力量要有一番作為應該唔多 火都屬於有攻擊性嘅氣體 你諗到用於煮野食己經好好...」阿萊道
「你最近都隱蔽好啲 唔知個心魔又幾時出嚟..到底又引起市民恐慌就唔好..」阿斯道
「我自己咁認為 呢個心魔應該會係力量消耗過多先會出現 如果唔係我叫極佢都無反應...」阿萊道
「咁仲慘 到左危急關頭先嚟出現 咁咪姐係有兩重危險性 ..」阿康只能作假設 唔可以作事實
只怪自己唔好好利用寶石嘅力量
「你都係好好贏左個烹飪比較跟住再作打算...」阿萊道
卒之烹飪比賽嘅一日來臨了 都只係一個普通比賽 電視台要搞到好誇張咁 唔好問點解會突然有烹飪比賽
雖然比賽贏左唔會得到咩獎金 不過阿康佢都係唔會志在
「今日大眾高手雲集係度 聚手一堂 每一位都係對煮野食有好高造詣嘅人 令人十分期待呢個比賽...」主持人叫阿tom 戴住副眼鏡 成個資深主持一樣
今日有成30位參賽者 每一位都係老過我 不過阿康唔用年紀去衡量自己嘅廚藝 唔鬥過點知邊個犀利
「睇得出佢地個個都有備而來...」阿康心諗左好多野
直至主持人喊開始比賽 個個手忙腳亂嘅時候 阿康要煮嘅係最簡單嘅菜色 就係叉蛋飯
有無搞錯 竟然係黯然消魂飯 一陣會唔會有隨風而來經過...？
途中觀眾席有兩個抬住佈景板 經過會場 飄移之後 再繼續一場美味大對決 除左阿康 個個都搞盡腦汁去整好每一碟菜
阿康將當年史提芬周嘅火雲拳 演得活靈活現 再一次係手中煎隻靚蛋 簡直係無械可擊...
阿萊係電視睇到無眼睇 所謂嘅橋都係抄番嚟 仲要毫無特色 佢摸摸自己個頭
「如果我係裁判 我唔會俾阿康入圍...」
再望望轉向鏡頭現場嘅周圍嘅觀眾
「無人覺得阿康有問題嘅 個個都睇到全神貫注 係咩玩法...」
唔講以為呢場係一場精彩嘅球賽 未有波入嘅時候大家嘅氣氛..
不過咁 阿康係所有選手之中最快完成嘅果一個 緊係啦 有火雲掌 有咩可能唔快捷
直到比賽結束前一分鐘
4個裁判突然離開座位 直接走過去阿康身邊 其中一位試左一啖佢嘅飯 係口中慢慢品嚐
「遙不可及....」
主持都唔係呢句野嘅用意點解
「呢位選手嘅飯簡直係將低廉食物昇華 完全結成一個高貴結晶品..」
未比賽就對阿康嘅食身讚不絕口 咁對其他選手會唔會好唔公平..
主持人仲要由啲評判亂咁嚟
「如果真係咁好食 咁我地唔駛比賽啦 你直接判佢冠軍咪得囉..」
開始引起其他選手不滿
「都造馬嘅 根本唔公平...」
其實呢個世界有咩係公平？？ 我地擁有寶石己經係唔公平嘅事...
事後 電視台發起公告向觀眾道歉 但因為呢件事 開始有其他餐廳大集團想拉攏阿康 原來都有人知道佢有火雲掌嘅存在嘅...
阿康同阿萊傾番件事
「做唔成世一 換嚟之後嘅厚遇 其實都算唔錯啦 唔係個個都好似你咁好彩架...」阿康預備左花茶 我地坐係梳化上一邊傾 一邊睇住一望無際嘅風景 都係得阿康屋企先有嘅
但係阿康己經見到窗外遠處有啲唔對路
「個度...」
阿萊無即時回頭望窗外 只係嘆緊美味嘅花茶
「咩事...」
阿康話好大獲 預期嘅野好準下 不過對於阿康屋企的確好遠....
「你見唔見到有怪野出現..」阿康問阿萊
「唔好理咁多 過左去先講啦..」阿萊立即起身
唔理三七二十一 過左去先講..
其實 真係好遠 遠好似係地球另一端 點解阿康會睇到 會唔會錯覺嚟... 阿萊毫無疑問 因為佢相信朋友 就算兩個嘈交都好 阿康嘅直覺係阿萊都會認同嘅
點樣左穿右插 兩個去到個度用左一日時間...
仲辛苦過打份工 仲要為左唔知啲咩危險
「呢度咁似係去古堡嘅入口...？」阿萊對裂縫有好深嘅印象 唔會有錯
「你咁講 異國嘅人係咪己經嚟左城市..」阿康道
裂縫一個圓圈 啱啱好一個正常人都能夠過到去
「唔怪得雷斯可以俾人捉走左啦 佢地係由呢個裂縫出嚟城市嘅....妖..仲要我地搵咩疾風女俠...」阿萊有生以來最燥底嘅一次
「既然肯定裂縫係古堡嘅入口 趁未有人發現呢度 要諗下點樣收補呢個缺口 如果唔係啲人經常見到就會好大件事..」阿康道
「一早都話剷除異國人救番雷斯 你又唔聽..不過而家都唔知點樣修復呢個缺口..」阿萊道
「真係要剷除佢地？ 佢地有佢地生活 我地有我城市人嘅生活 本來就河水不犯井水 呢啲規律我覺得唔應該要打亂佢..」阿康道
「唔好講咩規律唔規律喇 雷斯真係好救番佢出嚟...」阿萊唔確保異國人解開左古書之後 會做啲咩
一個冷靜派 一個衝動派 爭持咗一輪
「不過咁 我託法有變..」阿康咳左一聲
「請講..」
「可以同異國人和解 如果佢唔會和解 我地就大開殺界 ...」阿康道
「呢句說話早就應該咁講 ..」阿萊都急不及待
但係得兩個人嘅力量可以做到啲咩...
兩個人真係可以剷平一個國人 話哂佢地都識魔法 而阿萊阿康一到危險嘅盡頭就會出現心魔
去左真係九死一生 唔去雷斯就一定死緊 輸人唔輸陣 阿萊只會見步行步
「單憑我地兩個人嘅力量 唔可以將成個國人剷平 呢個一定無可能 除非說服異國兵調轉槍頭幫我地..」阿康道
呢個方法可行 但實行唔到 話明異國兵 點會聽城市人支笛
不過咩方法佢地都會去試
「點解令異國人可以聽我地講唔聽阿Don講 呢樣野好難做到....」
阿萊真係無哂頭緒...
「異國人...點解要引我地嚟..」
突然阿康係現場大嗌 仲有好大嘅回音... 皆因阿康諗到頭都爆埋咁滯
通常有煩惱嗌左出嚟可能舒服啲....
「你都學我吖 嗌就嚟真係舒服好多...」阿康道
「好彩呢度無人 如果唔係實俾人話係痴線佬都似..」阿萊道
最後佢地決定再一次入去 異國
最後一次嘅危險地帶
佢地相信今次係最後一次
由一開始拎到寶石之後 好多野都己經注定 事情都衝擊住佢地 亦都無得避...
果然入到去裂縫 真係去到異國嘅所在地 入去之後 就見到好多異國軍營 數之不盡嘅異國士兵係度行嚟行去 個裂縫都算收得好隱蔽 應該無咩人知道 但係茂茂然咁入去 一定引起哄動
於是阿萊同阿康慢慢轉移陣地 再拉走一個異國士兵 成個過程輕易而舉
「你諗住捉異國兵番嚟問話...？」阿萊道
異國兵唔會就範 只係度不斷掙扎緊
「係呀..」阿康望向異國兵 「點樣先可以令異國兵順從我地？」
仲係覺得問得好有智慧咁 根本無可能做到 前一秒仲諗住機會好微 轉個頭 外面就聽到阿Don嘅聲音
真係離哂大譜 又會咁啱阿Don係度出現
「通常呢個時間 國王都會係度巡視軍情..」異國兵知道我地望住阿Don
「原來係咁...」阿萊再道「我地係無惡意嘅 只係想救我地朋友 仲有你地國王想解開咩古書之謎 我不得不捉你嚟...」
「你捉左我都無用 我係卒仔 做唔到啲咩 更何況我地係唔會出賣國王...」異國兵道
如果知道點解異國人誓要解開古書嘅內容 至少解開一啲野
「有聲音...」阿Don耳仔好靈活 竟然知道左草叢有人
下一瞬間就見我地兩個 仲一手捉住佢地嘅異國兵
「你兩個..？係咪搵到疾風女俠喇...？」阿Don只係掛住古書嘅事
「我係唔會搵佢嚟俾你 你死左條心啦 解左古書之後你地一定又做啲傷天害理嘅事....」阿萊氣勢凌人 好似想殺左阿Don一樣
「你又知我地異國人下一步想點 哈哈哈...仲諗住你地解開左古書之謎就可以放左你朋友出嚟 而家唔駛啦 捉埋呢兩位 我要你地死無葬身之地...」
阿Don個樣簡直奸詐陰險 而家嘅佢 開始摸唔清個底
古書嘅內容 遠遠唔及我地激嬲左佢
呢班異國人真係唔抵可憐 ..只不過係一群井底之蛙 比佢地生存多一秒都無用...
阿Don同樣捉番我地入去原本嘅被困嘅位置 仲見到雷斯佢不似人形
「雷斯佢....」阿萊忍唔住想嗌
雷斯己經無哂知覺
走到絕望嘅盡頭 出面就開始大地震 好似係一場戰爭嘅開始..
但我地見唔到出面 只係聽到一啲打架嘅聲音 莫非係有異國人內訌
一大班異國兵衝哂入嚟 我地面前 只不過我地被鎖 跟住走唔到 我地真係絕望到唔想睜開對眼 竟然要死係一個地圖唔會有嘅世界
「你地走啦 呢度好亂呀 雖然係國王捉你地番嚟 但我地係唔會俾呢種事情發生嘅...」異國兵竟然一百八十度大轉變 到底痴左邊條根
跟住阿man就入左嚟
「雷斯己經回天乏術喇..」阿Man呢句令我個心好痛 好想殺左阿man
不過阿man原來係反阿Don嘅一派 一心只想推番佢
「點解要咁做...」阿康情緒非常激動
「我係嚟同你講一句 我知道你一時間難以釋懷 不過阿Don呢個人唔配做異國國王 ..」阿man唔再解釋任何原因 只會講多錯多
邊會知道一個轉眼 件事會發生叛變 而家嘅我地就好似加入左異國人嘅鬥爭 雖然我地市都會有政治鬥爭 但又未至於打到你死我活 點都好 市民嘅生命永遠係第一位 政府情願低調 都寧願唔想傷及無辜
阿萊知道雷斯嘅死唔關阿Man事 雖然唔知點解佢地突然搞叛變 不過阿Don殺死左雷斯的確係事實..
「你單憑阿Man嘅說話就覺得阿Don係殺人兇手 ？」阿康覺得阿Man嘅口供並唔可信
「我信...」
阿Don帶住一班大馬衝入嚟牢房
「邊個背叛我地嘅都要死 ...」
阿Don命令異國兵衝向我地 我地一瞬間變身火神水神一手掃走佢地
阿Don立即往後一退
「醒唔起你地係火神水神添 ...」阿Don笑道
「做得國王仲以為乜都好醒 原來都係得個殼...」阿萊嘅呢番說話激起左阿Don嘅鬥心
阿萊同阿Man走左出去外面 見到場面真係非常混亂
好多異國兵死傷慘重
火神同水神合體 將所有異國兵都清走哂 包括阿Man所成立嘅新異國兵 刀劍無眼 我地都係一樣 既然雷斯己經死左 咁就要殺個痛快 我地直剷異國王宮
阿Don命令啲異國兵全部集中攻擊我 一定要冠將我地置諸死地
正要攻擊到王宮中央 見到chris 佢喊住口張開雙手
「可唔可以放過我地異國人？」
「chris你有無病？ 叫我放過異國？咁我叫邊個放過我朋友雷斯？？我朋友死左呀點計呀？」阿康向chris發出不滿
「我求你放過我地啦. ..嗚...」chris不斷喊
「你個仆街老豆竟然要自己個女幫佢求情 應應真仆街嚟...」阿康用火燒向王宮一 角
個一刻
其實阿萊係有少少想收手
但佢又知道呢個阿Don為左古書乜都做得出 如果放過佢 佢又唔知會做啲咩
搞咁多野最後都係要剷除異國
「你都係慳返啖氣好過啦...」阿萊道
阿man係後面隨後趕到
「朋友你地講得啱 國王的確想係解開古書之後 做一啲傷天害理嘅事 你地及時去制止佢 你地做得好 如果你想殺左我同chris 我無說話好講...」阿Man嘅說話聽得出係真心嘅 佢覺得阿Don的確過份左
係下一瞬間 阿Don俾其中一個新異國兵刺死左
「父...親....大....人...」
Chris嘅低泣 充滿左好多淚印 眼白白睇住老豆死而無補於事
「做得好...哈哈哈...咁個國王就係我嘅...」阿Man係下一秒就係度奸笑
阿萊同阿康點會忍受到呢個奸到出汁嘅閒角 兩個同時合擊斬落阿Man嘅頭顱 簡直無懈可擊
「呢啲人抵死嘅 唔值得可憐 ..」阿康道
「點都好 chris我地唔會殺你 雖然你硬頸 固執 不過你有煽情嘅一面...」 阿萊說畢 阿康都認同 對chris停止左落手
異國 呢個所謂井底之蛙 真係真真正正徹底玩完
「啊....」
不過異國所有地方都己經被破壞到熔熔爛爛...唔多唔少都係我地所搞成嘅
我地解體之後 chris向我地道歉
「我代父親向你地對唔住...」
「唔駛講對唔住 唔係你嘅錯 你做女嘅 好多野都控制唔到我明白嘅..」阿萊拍一拍chris膊頭
「咁你之後打算點？想重建呢度？」阿康道
「其實呢度都重建唔到 啲人都死哂 」chris係度嘆氣「我一直都想去城市旅行 係父親唔俾我去咁解 ...」
唔怪得chris會俾狼追殺...
「我地都有位置提供俾你生活 我阿康隨時隨地歡迎你..」阿康態度竟然變哂 仲以為對異國人仲有啲戒心
「真係可以咩...」chris個心情非常興奮
「係咪真架 你真係可以接受到異國人同你生活？」阿萊道
「異國人都係人 有咩分別 一樣係咁樣生活 規律一樣唔會變...」阿康道
而家最大個問題係缺口 一道可以來回穿梭異國同城市嘅裂縫
佢地三個行番去裂縫之處
「我真係唔想有城市入左去呢度 」阿康都無辦法拆掂呢個缺口
「呢個缺口 就係轉一直以來想搵嘅城市入口..」chris道 佢始終都解答唔到點樣可以修復缺口
「咁而家點算？ 」阿萊道
傾左一輪都係得個吉...
下...咁姐係點...真係由得佢？？？
原來個缺口會開始慢慢自動消失 真係荒謬 ...
實不相膼 異國人都未死哂 只不過chris仲細個 乜都可以唔理 拋諸腦後 任由剩底嘅異國人自生自滅
什麼都睇淡 重好啲
如果個個人都係chris嘅心態 就唔駛咁多人有咁多苦惱 ...
阿萊成為左新一代游水世一 咁阿康呢？ 阿康俾大餐廳器重之後 一直忙忙忙 不久將來一定成為飲食界世一 chris唔再係井底之蛙 出左嚟之後 眼界都擴闊左好多好多... 都話佢係好有誠意嚟城市生活
即刻舉辦雷斯喪禮
屍首都無左 佢又無屋企人 簡簡單單搞一個喪禮 等佢係下面都過得好啲
但係邊有諗到佢都有Fans...
....
「創世代之神...？」
雜誌編輯睇完我地呢兩個茂利個樣之後 都唔敢相信 神？
呢個世界真係有神嘅咩？
雜誌社拒絕刊登呢個毫無意義嘅文章
「貽笑大方....」
話之佢認唔認同我地 最仲要自己睇得起自己 只要仲有人相信呢個世界有神 就自然會有人認同...
［融為一俠（火俠與水俠）：創世代之神 完］