英雄決定聯盟：超越人類的智慧: 墜落武士2：末日勇士（下）
「知唔知道咩係黑暗嘅地獄？」
係一個戰艦 天煞星奸笑 營造佢一直以來邪惡嘅作風
十萬倍痛楚嘅電力 降臨係多客附近範圍 但多客仍然毫無恐懼
「死係遲早嘅事...」多客絕對服從天煞星
「做得非常好 最緊要夠齊心 」天煞星將開雙手門此時打開 裡面竟然係重生之門 多客進入後 可謂嘅僻壤之地 只不過係多客平時都會食嘅野 佢地稱為岷草 類似草原上嘅草叢 不過 岷草係黃色 唔係綠色
多客覺得食完之後 就會有重生嘅力量 之後天煞星就諗到一個計劃
......
宇宙戰艦被擊落之時 就係天煞星強盛嘅時候
FDM組織派出好多精銳步隊 原來早己經部署好 一架一架戰艦同天煞星迎面戰鬥 FDM嘅小妖精同對方硬碰硬 小妖精無頭腦直接發出信號彈
對天煞星嘅主戰艦絲毫無傷 毫無疑問 天煞星唔怕弱彈攻擊 直接直行直過 一個個小妖精被擊退
「精彩...」阿意為首席指揮官 小妖精係陣亡之前 發出嘅信號彈係一個警號 並唔係想要擊退天煞星 阿意用佢手上電腦就知道哂佢裡面嘅情況
「查到啲乜野？」星凱 都在場
「入面得個幾丁友 天煞星係戰艦落地窗前面睇住成個過程 仲有到一個人係度控制緊戰艦運作..」阿意手無停過
信號彈尤如閉路電視 觀察住天煞星一舉一動 不過佢一定以為係流野..
「有個閉路電視 就可以監視天煞星一舉一動..」星凱道
「準備派小妖精戰艦出去」阿意道
對面天煞星實力雄厚
不過時間有啲緊逼
其他天煞星小號 從另外一個時空穿越過嚟 完全集中係阿意嘅戰艦前面 阿意同星凱都未驚過
一架架小妖精戰艦開始準備就緒 同天煞星嚟一場激戰
「B16小妖戰機 己經擊退一隻天煞星over...」
小妖精戰機從來無鬆弛過 亦都有準備犧牲嘅念頭
每一隻戰機都有唔同位置 有部份戰機都俾天煞星戰機擊破...
「佢地似乎係見機就射..」星凱想諗第二個方案「咁樣打法 我地好快玩完..」
「係 不過佢人數眾多 有啲麻煩...」阿意道
「唔緊要 我地小妖精唔會蠢得哂...」星凱 想帶領一部戰機 上前協助
佢嘅技術根本係過山車一樣 驚險刺激 皆因佢要閃左對面嘅彈藥
「Fire...」天煞星戰機火彈 會燃燒出一堆火焰 被擊中會燒焦 仲有痛不欲生小妖精戰機只可以盡量避開火彈嘅攻勢 火彈強化左之後 會變得更快
令到阿意佢地暫時徹退一步
「呢個天煞星越來越多外援..」星凱道
「佢係宇宙戰爭嘅開始 如果唔處理好之後會好麻煩..」阿意道 佢仲check到天煞星戰艦一個門形嘅痕跡 入面一定有啲野..
「其他地方都好似有天煞星嘅蹤影..」星凱繼續查找資料道
「係...有啲麻煩」星凱道
天煞星從無放棄追殺阿意同星凱 繼續找尋兩人下落 自己嘅人一樣用電腦 加上自己嘅導入系統
佢地坐係戰艦嘅一處
「雙子星本來一草一木都好靚 直到其他生物都想佔據..
「只係高人軍團用左錯嘅方式...不過相信一定要渡過」星凱道
「點解咁肯定嘅 ..」阿意道
「作咁多傷天害理嘅事 呢個孳佢一定要還 ...」星凱隨出一部手機筆記 再道 「墜落武士應該嚟到呢度 阿意你未見過佢 就要見識下...」
「都係一名地球人 有咩特別...」阿意完全對墜落武士竟不認知 但以FDM嘅技術 要一個地球人上太空 完全無難度
「墜落武士都係我地雙子星嘅人 高人軍團就係佢打敗嘅 所以點都好 我向大保提出 我點都要搵到墜落武士...」星凱道
「我地嘅技術同天煞星差天共地 ..」
不過佢哋勝在有堅決嘅信心
「天煞星早五年前已經有計劃 不過未實行 所以高人軍團先會捷足先登」大保係戰艦啱啱落機 就有幾個小妖歡迎大保 大門為佢打開
「墜落武士佢地呢？」阿意問道
「嗨...」我同阿類係後面慢條斯理
阿類就唔多講 大保請佢番嚟做參謀將軍 希望佢可以出謀獻策 我就主要做前鋒
我一望成個戰艦 真係唔可以同地球人比較 就咁睇地球真係比較上落後 我地一同係戰艦嘅會見室坐低 照咁睇 如果有咩事要開會 佢地應該會係呢度討論 真係最好不過
「我信得過星凱 我都信得過你地..」大保望住我地兩個
「唔會辜負你對我嘅期望..」我對自己的滿有自信
「聽講你地都係雙子星嘅人..」阿意道
「係呀 ...我知道你地都係雙子星摧毀左之後就建立FDM」我道
「我地安全無事後 就見到一個天煞星嘅人 佢想擴大黑洞 我就知道宇宙戰爭應該要開始了 我地做嘅係 保護好宇宙..」大保淡然道「我知道你對地球有眷戀 如果唔係我好想你加入FDM幫手...」
我本來就係宇宙派 不過大保講得啱 我的確係地球生活好開心
「本來就讀緊大學 跟住宇宙就出事 我點都唔會袖手旁觀嘅..」我道
「你係雙子星人 你走去讀地球人嘅大學？好犀利呀..」阿意有啲佩服我
係地球生活就係需要知識 膽識 同生存法則 呢啲野唔係個個都可以做得到 先值得我敬佩...
「乜說話呀 我係地球生活 就要學地球人嘅生活方式...」我道
「有無諗住重建番雙子星..」大保突然問
「我覺得重建唔番本來嘅面貌 所以先展開新生活..」我道
「你有諗過想重建就得啦 我都覺得展開新生活都係好事..」大保道
附近仲有好多一架架天煞星嘅殘骸 佢地一直係度搵緊我地嘅蹤影
不過唔駛咁麻煩嘅 我一野展過去 啲殘殺就會玉石俱焚 就等佢地見識下我墜落武士嘅威力
阿類有警告過我 我個啲唔係叫做飛 係墜落去 衝擊過大而產生強大嘅威力 當然啦 我都知道自己係咩實力 就用咩實力去出戰
「唔駛咁麻煩 我先送個見面禮俾你..」大保撻一下手指 我立即就去咗另一個空間 好多千變萬化嘅影像 全部都係我嚟 根本同萬花筒冇分別 但係大保講嘅嘢我一樣聽得好清楚 佢嘅原意係想增強我嘅實力 呢個影像強化本身已經對星凱同阿意做過
「呢種科技都幾犀利喎 竟然進入去四次空間就可以增強自己 真係amazing...」我心諗出嚟嘅野
大保講左我哋係同一陣線 有乜嘢事佢都唔想
「唔好諗咁多喇 你集中一點跟住慢慢行入去自己的鏡像 入咗去之後四次元空間就會消失你嘅力量都會有所強化 不過你需要好集中專注先可以入到嘅鏡像...」大保繼續道
我點都要俾自己個腦一片空白 全神貫注淨係諗點樣入去鏡像 跟住如大保所講 穿入去自己鏡像之後 就返返去現場
「你呢種科技係點得返嚟㗎？」咁amazing嘅事 我唔問都唔好意思過自己個關
「天煞星出現之時 讚我哋盛起之事 甚至到而家 我哋都仲係未夠秤去對付到天煞星 仲俾佢玩到氹氹轉 ..」大保道
大保都仲未答到我問題 或者佢唔想講出嚟...
「 我知道你唔識飛嘅 所以希望力量可以幫到你一臂之力..」大保再道
喺搵我同阿類之前 佢點樣都會查過我地
我冇一雙翅膀 但係跳起上嚟俾之前靈活咗好多 要幾part舞都仲得 其他嘅攻擊容後可以再試 我真係唔夠膽係原地試 未搞點天煞星 就己經玩殘左自己 仲點戰鬥 不過之後大把機會可以試嘅
「係呀我唔識飛呀 帶我墜落去嘅個下衝擊力真係好強 我原本諗住你哋派戰機接應我 而家睇你都唔使」我道
「 既然你嘅力量有所強化 我而家命令你 墜落武士 成為戰鬥指揮官 星凱係我地揸機最強嘅神人 阿意就係出謀獻策嘅..」大保講完呢番說話
星凱同阿意都接受左我 同意大保嘅指示
「呢度個小小垃圾戰機 等我處理下啦 」
阿意覺得我係度逞英雄嘅心態
重申一次 天煞星嘅戰機 的確係廢嘅 但天煞星最勁嘅係識轉彎抹角 有時仲會帶全遊花園
「天煞星係一個煩人 佢會將你玩到氹氹轉 呢一點一定要切記 ...」大保就係輸俾佢喺度玩嚟玩去
「多謝你嘅提醒 我一定會記住嘅..」我行出去個一下 好陣大風吹埋嚟 令我頭髮同衫角都吹到
個身輕盈自如 朝向幾個多客戰機飛速衝去 多客本來就想逃走 但以我嘅速度 佢地根本走唔到....
一瞬間己經到左佢地身邊 我都估唔到入左鏡像有如此咁神奇
駐守嘅幾個多客戰機 結果都係得一種 死係無可被免.. 但係我唔明天煞星喺出面駐守 等緊啲咩？點解唔直接攻入嚟
「唔好理咁多啦 直擊攻入大本營罷啦...」我內心發出滿滿自信 雖然阿類覺得會衝動左
「你上到嚟 又幫我地打走哂附近啲多客 食番啲大餐先啦 抖足精神聽日再打過...」大保唔擔心天煞星會攻入嚟 大保已經加強做好防範嘅措施
講講下檯上己經鋪滿啲野食 完全係為我地而設
有炸雞又pizza 又有壽司..啲野食全部都係由地球帶返嚟嘅 不過我最擔心嘅係 佢有奶類製品 會唔會過期㗎...
「全部嘢都係地球帶返嚟嘅？」我問道
「係呀 我哋識咗一次地球嘅嘢食 真係冇得輸 食過返尋味 今次再試下其他囉 」大保道
「你買咁多嘢食食得曬都頭笑 」阿意幫手食 再道「頭先你返嚟嘅時候都唔見你攞啲嘢食入嚟嘅 」
「一早用凝固盒 送咗廚房喇 如果唔係都唔使至食到..」大保拎起一塊炸雞 慢慢咀嚼「炸雞炸得好脆 到成隻手都係有 」
「梗係未啦 呢個係地球人嚟講呢個係唔健康嘅食物呢喎...」阿意道
「我食慣咗㗎啦 我喺地球住咗一排㗎嘛 所有珍饈百味我都食過...」我夾左一塊pizza
「咁阿類呢 你又點呀？」大保問阿類
「我唔似文枷咁幸福 我自己住起一個天棚屋上面 有時窮到都淨係食麵包..」阿類抓抓頭道
「文枷 係唔係講緊你？」大保望向我
我默默點頭
「打贏左場仗我地再去地球慶祝一下..」大保道
「食哂呢度啲野食先講野啦...」星凱道
點不知到最後都真係食唔哂啲野食 ....
第二日
外太空一樣黑沉沉 如果太空會有陽光我會笑 昨晚食飽根本就飯氣攻心 訓得待別冧 佢地嘅訓嘅地方都有特別改造過 所以訓得舒服
大保有問阿類 識唔識揸戰機 今日係出戰第一日 仍係最後一日 我地想一次過消滅天煞星呢個敗類
不過阿類係識揸戰機 仲係玩到有一手 只係唔識打架
阿類上機後 戴好安全帶 同傳送器 先前都檢查好戰機有無壞左唔用得 令到大保覺得阿類好專業
「阿類幫手打下啲多客都係好事..,」大保望住前面全個玻璃窗 望到哂佢地準備入戰機 連小妖都陸續準備好
「今日嘅任務 只許成功不許失敗...」我帶左傳送器係耳仔 個個都收到我講嘅野 阿類仲回應左一句
我地將傳送到天煞星當前嘅位置 佢都己經準備就緒 一架架多客戰機整齊地排列幾項
天煞星係戰艦 同大保一樣 企係玻璃窗前面 一聲令下「fire...」
多客戰機開始進攻 火彈都隨時準備好 只要到左最後關鍵先會用到火彈 可謂天煞星秘密武器
「大家聽住 天煞星有一樣武器就係火彈 一射中戰機 就會灼熱 到最後成個戰機會熔鬼哂 要小心啲...」大保叫嚷
大家都認機收到大保嘅說話 以我所見 天煞星應該未係時間咁快出火彈
阿類好快將兩個多客戰機擊落 得戚到高興係嚟
大家都聽到佢嘅歡呼聲
「只係兩隻戰機就咁興奮...」阿意聽到後 道
「我咁耐都試過咁痛快啦 興奮過頭...」阿類有啲唔好意思 同大家道歉
「唔緊要 不過安全為上 可能我地最近都打得多 見慣左 」阿意輕易閃避多客嘅射擊 一連串擊落10多架戰機
而又天煞星見到自己友一個個都死哂 就叫多客部陣 包圍大保嘅戰艦 不過我都己經飛到去天煞星身在之處
「天煞星...」語氣變得更雄壯嘅我 係天煞星眼前出現
佢自己打左一個突
「人嚟 捉住佢...」十多個多客重重係前面包圍住我 而我後面係一塊牆 根本就無路可退..
「衝擊波 ..」我終於嘗試到唔駛飛都可以用到衝擊波 仲有一道光伴隨左右 但多客睇到目瞪口呆 一剎那 天煞星指派嘅多客訓哂係地
「真係無鬼用..」天煞星開始要同我迎面而戰 「你呢個細路咁夠薑闖入嚟 我要你無命出番去...」
「再嚟一次...衝擊波」我連同伴隨嘅光加上最大力量直線衝去 天煞星開啟身上嘅保護罩 係度控抵擋住我嘅衝擊波 我嘅衝擊波就算幾強嘅 佢都可以一一守住
天煞星真係好硬正..
「豈...有...此...理...」我嘅衝擊波都己經到了臨界點 停止左攻擊
「你都唔係好犀利姐 仲以為有咩咁巴閉 ..」天煞星動不動就囂張拔扈
「邊個話 我今時今日己經唔同左 」我點都會輸俾佢
「係咩..真係睇唔出喎...」天煞星恥笑道
係天煞星嚟講 墜落武士都唔係特別強勢 都係一個普通人
另一面廂
星凱都逐一擊退左多客戰機
不過有好多 多客戰機己經包圍住大保
大保戰艦 唔會輸俾呢班卒兵 出攻擊嘅時候 佢地己經用火彈出擊 大保嘅滅彈都唔夠佢地嚟
「大保佢..？」星凱打到慶起 係發估器聽到大保個邊有唔妥
「都預左佢地會攻擊主要基地 我地只係卒仔 同我地一樣 呢場係一場無底深潭...」阿意講完 附近嘅多客戰機俾擊落
「我返去營救大保..」阿類嘅戰機飛番去大保身邊 佢見到大保戰艦都己經著哂火 「外太空著火？」
一班多客戰機見到阿類就想再用火彈燒左佢 不過阿類反應夠快 只因火彈威力強 但攻擊比較遲鈍 好易就避到
「呢啲戰機應該係天煞星裡面嘅精英嚟 咁先可以襯托佢地嘅火彈..」阿類講完之後 佢地就己經被擊落
番到去大保戰艦 阿類想睇睇大保嘅情況 好彩阿類係危機中及時就現 令大保有少感動..
「放心啦 戰艦無左一忽都仲可以運作到 多得你番嚟 啲火彈威力真係強到無朋友...」
「我相信精英戰機己有擊退哂..」阿類道
「精英戰機？」大保問
「佢地配有火彈 唔係精英戰機會係咩野？」阿類道
「原來你幫佢地改左個名..」大保道
附近好多多客都紛紛被阿意同星凱擊落 知道阿類救到大保 放下心頭大石 而家最希望嘅就係我 一定要打敗天煞星呢個大壞蛋...
天煞星唔消滅 戰鬥只會沒完沒了..
反到我同天煞星戰鬥嘅畫面
「講得啱...但我打唔過天煞星」我無因此而氣餒
「呢個宇宙需要洗淨 你唔好無謂做咁多野喇..」天煞星大笑道
「你擴大黑洞 只會連你都會吸入去 你仲傻仔啦..仲話支配整個宇宙 ..」我道
「你收聲啦你 打又唔夠我打 死左佢罷啦...」天煞星氣勢凌人 無半點鬆懈「呢把劍就收拾你..」
我..
點都要..
轟轟烈烈..
發揮最後一次....
衝擊波..
佢唔死就係我死..
3....
2...
1..
「呯~」
終都畫出句號
大敗嘅係天煞星 原來憤怒值最高 戰力就會提升 佢承受唔到咁強嘅衝擊力
「做得好呀 墜落武士...」大保聽到勝利嘅聲音
之後一秒 天煞星戰艦因而殞落 一個控制戰艦嘅多客想將就完成嘅黑洞 同歸於盡..
「啊....」
「喂..墜落武士..」大保大嗌
「文枷...」阿類都聽到我嘅慘叫聲
搞邊科..？
死野 又話打完之後慶祝一番嘅...
黑洞先係無底深潭 因為都唔知會引領你土去邊...
死野 我點同你女朋友交代呀
我仲睇住一個雙子星人係地球同地球人結婚架
而家姐係點
呢個世界咁多色彩 點解宇宙就係死氣沉沉...
意外嘅係..
天煞星擴大嘅黑洞都因此消失埋 最重點 大保無野手尾跟 天煞星同多客從此係宇宙消失
地球
最美好嘅一天...
除非宇宙有事 如果唔係 大保佢地一定會係地球生活 因為地球人係一個美食天堂 有好好食嘅珍饈百味 佢地點捨得走
阿類決定將呢件事講俾佢女朋友 阿琪知阿琪真係流哂眼水 又話會安全番屋企 而家竟然話走就走 不過我邊有諗過最後仲有一個中黑洞 吸埋失入去
喊都無謂都改變唔到事實..阿類只好叫阿琪節哀順變...
一個英雄就此玩完...？
黑洞口
我 無言地望向你 邊捨得離開你 我係強化左宇宙最強 墜落武士
「一飛衝天去....」一個飛行 同超人動作一樣 脫洞而出
黑洞因而反陣到我無雷公咁遠...
我跌左落一個叫薩哈星球 原來蕭生隻歌裡面嘅星球真係存在架..
但我要諗盡辦法反去地球
連黑洞都可以脫離 你真係唔簡單...
九十九日之後 我用盡所有方法 都番到地球..
「呯...」
阿琪原來幫我整左個墳墓 佢真係以為我死左 我係佢後面緩緩地攬實佢 阿琪望向後面 佢見到我 嚇左一跳
「文...枷...？」
「我無事呀 我番左嚟喇...」我再一次攪到佢實一實
「阿類同我講你死左...」阿琪道
「阿類講嘅野唔可信嘅 我係墜落武士 英雄係唔會死架 放心啦我會慢慢將成件事講俾你聽 ...」我道
如果而家出現係大保 星凱 阿意面前一定會嚇一跳
講好左打完場仗會慶祝架嘛
之後我如常地正常返學 曾教授見到平安歸來都鄧我開心 裕太都係 佢點會知我去左打仗 不過佢唔知好過知啦....
最緊要都係大家齊齊整整 無穿無爛 又搞happy ending..有無搞鬼錯呀 ..？
《墜落武士2：末日勇士 完》