英雄決定聯盟：超越人類的智慧: 戰貓俠：戰意還沒減退（上）
戰貓俠（上）
我好鍾意睇書 都係懸疑作品 例如 貓耳摩斯 包括貓嘅類型我都鍾意 咁啱得咁橋呢本小說又有貓 又係懸疑 每次睇書都都可以睇過濃 一得閒經過書店都會入去望下 有時有心水都會買左本書佢
第二 我自己好鍾意貓 所以我自己就係屋企養左隻貓 佢叫肥妹 因為佢真係好肥 肥嘟嘟好可愛 又好痴身痴世 養貓其實我唔會花太多時間揍 只係每日幫佢沖洗 餵野食 都幾方便 佢自由活動嘅 都又乖
自己本身有份工作 關於設計 因為我份人比較靜焗 勉強揀左份自己鍾意嘅工作 份工有穩定收入
我係詩敏 識我嘅人個個都叫我做thera...
今日係3月29日
係一個重大嘅日子 無錯就係我生日 不過今日生日有同事會同我渡過 我去一個遠離市區嘅泰國餐廳食野 聽講個度係泰國人煮嘅 仲要好多食評 我一定要去試下
餐廳好爆場 幸好我地有book位 如果唔係就要有排等 餐廳有露天 有亭 都有冷氣房 想睇風景嘅我緊係揀出面啦 出面好天 夜晚去食都有一番風味
「食咩呀 咁多位..？」走埋嘅自稱係呢度老闆之一 叫表姐 佢比較老一輩 帶副眼鏡 好有老闆娘風格 不過餐廳old啲 用人手落單 因為泰國人唔識睇中文字同埋佢地落單士樣餸寫一個number
「有咩好介紹...？」我問 話哂第一次嚟食 等老闆娘介紹下都好
「咖喱蟹呀 今日啲蟹唔錯嘅..」表姐道
我地工話不說叫左咖喱蟹 表姐又再介紹好多菜色 例如 生菜包 泰式豬頸肉 冬蔭功等等
開始垂涎三尺
「今日你生日 呢餐無理由要你請嘅 今次輪都輪到我地請你喇掛...」我同事小嵐道
「係呀..多謝你地幫我慶祝生日呀..」我道
「乜說話呀..第時我地生日我地都可以一齊搞生日飯啊...」同事暉道
「一定會..」
生日雖然都唔係咩特別事 但我都當佢係特別日子 個日我唔會白過 總有朋友家人陪我慶祝生日
「唔好講咁多 呢份禮物你點都要收 唔收你就唔當我係朋友...」阿嵐好客氣拎出一份細袋禮物 裡面係我經常用嘅護膚品 我多謝都嚟唔切 而暉比較匆忙 禮物未有準備 我都唔會放係心上
無幾耐 野食逐一上枱 打卡係必要嘅動作之一 賣相靚 放上去引下其他朋友嘅癮都好
啲咖喱唔太辣 而且好重椰汁味 我好鍾意 同生菜包一樣 送飯真係一流..
「椰青到...」表姐遞上我地每一個人一個椰青 係泰國餐廳點會少得椰青
「乾杯..」三人一齊拎起椰青
「今年所有野都要順順利利 最緊要最緊要嘅係...身體健康 呢樣係我每年嘅願望..」我道
「好呀..thera 生日快樂...」
飯後 佢地準備左生日蛋糕 一個小型嘅雲呢嗱蛋糕 聽說係暉前兩日去訂嘅 賣相不俗 口感又唔太差...
我去個廁所 就見到有啲貓係度玩..
表姐探個頭埋嚟..
「呢度有幾隻貓會成日經過架 我有時都會餵野佢地 佢哋係流浪貓 好可憐架 幾日前之嘛 有隻貓經過馬路 俾架私人車 車死左 我親眼睇住 上面有戶人家又唔鍾意貓 虐待啲貓都試過 有報過警 但係又無證據.. 上面有個貓舍 如果我搞唔掂 我會交俾佢打理 畢竟呢度有時手忙腳忙 唔可以成日理佢地.」
表姐講左一大輪 我都覺得啲貓仔真係好可憐 無人理嘅滋味好慘嘅 我自己本身己經擁有一隻貓 實在放唔落第二隻 我都愛莫能助不過表姐上面提及嘅貓舍 我比較有興趣想参觀下..
夜己深 餐廳又遠離市區 同埋果個位置又難 截車 唔好講公交車 的士都無架 因為路上大多都係私家車 嚟得呢度 個個都會自己揸車嚟 無人會塔車 除左我地....
但我算係唔錯 住緊工廈
今日番工再去慶祝 搞到自己個人有啲攰 但係呢度樓上有時都好嘈 好似係開party 搞到訓唔到教 呢度係我老豆老母留俾我嘅一份禮物 佢地選擇繼續外國生活 有時又會番嚟探下我
我番工個度 而家換左老細 之前係個女人嚟 有某啲原因走左 而家嘅係男人 佢特別對女同事都幾好 特別係我 佢話過好欣賞我 就停泊 佢叫我入房
「公司好睇重人才 而thera 老闆我睇中左你 而家俾你一個機會 ..」老闆咳左一下 慎重地道
「到底係乜野？」我問
「我會同升為你做我秘書 而且 我知你住緊工廈 住得唔舒服 想送一個單位俾你...希望你可以考慮下...」老闆繼續道
如果係其他女人一定會 lur飯應 咁大隻蛤乸隨街跳 試問下有邊間公司會咁做？ 我都會 因為個環境又呢幾年上面嘈 搞到生活有少少影響 個一刻我無戇咁多野 我二話不說就應承左佢
有時太快應承佢 先發覺開始瀨嘢
出面啲同事係窗後面逼埋一堆聽下我地係房做啲咩
呢個新老細未嚟之前 我同啲同事都己經關係好好 新老細嚟左之後 啲女同事都受到佢唔少恩惠 雖然佢用意都係想討好我地
「咁唔公平架 淨係女人有份 男人就無份 呢個新老細不如改名叫古九寒啦..」男同事Kelvin 道
「咁你有不知喇 呢個新老細都係姓古...」同事ko道
「咁佢入嚟 個個都有份加人工嘅 唔係淨係女仔先有...唔係咩？」同事yeung道
開始靜哂 無說話出
個個所擔心呢個老細都係衰格到無人有 點不知佢咸豬手過我地啲女同事 但啲女同事又唔多出聲
點解？ 因為唔想同錢作對 呢個老細好闊佬 一嚟就加人工 增加事氣 點解我會知？ 因為佢地講俾圍內幾個女同事知 不過係真係假我都有啲保留 畢竟佢出手都闊佬 呢個好少見
講埋俾男同事知道 啲男同事一定忍唔住出手打獲金 就係衝動囉 老細最大係佢 但老細暫時仲未對我落手 如果佢敢對我落手 我一定唔會忍
有幾個同事係後樓梯食煙 又講番老細之前嘅衰野 雖然唔知佢地邊度知道老細以前嘅野 講到次層層咁款 突然間有人打開野 佢地嚇左一嚇
「整口嚟啦...」原來係老細 老細都需要唞氣嘅時候
「我地食完啦 都係番去做野先啦...」佢地驚老細會聽到佢地嘅對話 急急腳離開 點不知老細態度轉變
「無野喎...食煙又幾咁閒 我care呢啲野 係人都有壓力架喇 食支煙透下氣好小事 」老闆一邊食煙一邊道
「唔好意思...」同事道
「你地有壓力 做老細嘅我都有壓力..放鬆啲 番工唔駛搵命搏...」老闆道
除左衰咸濕 呢個咁好嘅老細可以係邊度搵...人有時又點會係完美....
有好嘅老細 又有壞嘅老細 有尖酸刻薄嘅上司 亦有厚顏無恥嘅上司
卒之女同事嘅傳聞變真 開始對我動手 我真係頂唔順佢嘅所作所為 我目賭一切 對女同事郁手郁腳 啲女同事想縮開佢 好快就轉移到我身上 我都唔例外 我都估到啦 送個單位俾我咁好死
最後我決定辭職..但層樓我會想辦法供落去 唔會要佢一分一毫
「辭職信..」我入去老闆房 送左一封信佢嘆下 個個見我手上拎住封信以為係情信 佢地點會估到係辭職信 因為...我無同佢地講老細己經搞我
老細無留住我
「一表人才...不過你嘅決定我會接納...」老闆道
「層樓個度我會慢慢還返啲錢畀你 我唔會要你嘅利益...」我說畢離開佢間房
「真係要走？」同事小嵐同我幾老友
「係啦 唔走唔得...」我執埋一箱二箱嘅紙皮箱 話重唔重 有啲都係唔等駛嘅野嚟...
有啲日用品我都無帶走 留番俾佢地用 算係離開嘅禮物 我同阿嵐都會再聯絡 因為再見亦是朋友 只不過係再見公司.......
個個都有啲唔捨得... 向我再見
估唔到我會同錢作對 估唔到我仲識分是非黑白
估唔到我嘅前途會突然無哂 邊再諗過件事會發生到咁？順境或逆境我都係咁過 我亦無因此而傷心
老細始終都無出嚟
老細俾我個單位都唔細 比工廈更好嘅安樂窩 之後嘅我訓得安樂 跟住再尋覓自己嘅人生.....
「喵...」
搬屋真係好鬼辛苦 仲辛苦過番工 只不過搬野可以搵車幫手 但係執新屋都有排執 要一個人抹哂好多野 到擺位 到搞左我幾日 緊係想自己住得舒服啲
「重死....」將之前所有野唔改咁送哂過嚟 一件一件家傢俬都擺好哂 所有野都搞點 嘅第一日 以後真正有教好訓 肥嘟嘟又有新安樂窩 好舒服訓左係沙發
第二朝 我決定去泰國餐廳個度拜訪下貓舍 一如既往 貓舍係一啲村屋嚟 樓高兩層 比起其他嘅村屋大多少少 畢竟內面都有二三十隻貓 真係唔講得笑
「hi...」如常普通嘅問候
「hi...你係...？」佢問
「我係thera 我係嚟參觀你嘅貓舍 可唔可以呀？」我道
「當然可以啦 隨便啦...我叫詩妮 呢度歡迎你」
原來我地個名都係差一個字
啲貓各自玩 無幾個會集中埋一堆 有啲有殘疾 斷左一隻腳 聽講係俾啲人打跛咗隻腳
好奇嘅我 見到三腳貓 會問發生什麼咩事
「事情係咁嘅 前幾日有個新租客入嚟住 佢覺得啲貓好吵 又撩事鬥非 又玩殘啲貓 呢隻係其中一隻 上面仲有兩隻 不過個兩隻驚得濟 我留左佢地係上面...」詩妮道
一個人唔停咁照顧二三十隻貓 我覺得好偉大 至少我做唔到 兩隻己經係極限
「點解佢咁憎啲貓..？覺得嘈可以搬走 村屋養貓都無問題 貓其實係好純品嘅動物 狗一吠咪仲嘈..咁之後有無報警？」我聽到有啲唔忿氣
「有呀 不過無證據 警方又唔受理..」詩妮道
估唔到班人有料 可以避免警察查落去....
「有一件事想同你講 ...」詩妮道
「咩事呢？」我道
「因為呢度我想搵人接手 呢一個月我都出左post 不過個個都辛苦又無錢 所以無人肯打理呢度...」詩妮道
如果唔係退休人士我相信會打理呢度
我都係一時三刻就應承 我都要考慮下 雖然我而家都係前路仲係未有去向
「見同你有緣 我呢樣想俾左你..」詩妮佢係房間拎出一個盒
疑似係一個實物品
「裡面係貓嘅DNA再加啲混合物 可以擁有強大能力量 係我阿爸阿媽留低嘅寶物 希望thera可以收左佢...」詩妮嘅眼神好誠懇
「咁高重嘅野我點可以收架 我地啱啱見面咋...」我驚訝道
「唔怕同你講 我有 cancer第二期 醫生話我醫好機會有啲渺茫 所以我急住要將呢度轉讓出去 仲有家傳之寶我留係度都無用 佢對我起唔到作用 我唔想俾個班友知道有呢個寶物 佢地搶走左就好弊架喇...」詩妮嘅說話 令我好同情佢
我睇得出佢嘅誠意 唔似係一個大話
「我決定幫你...」
幫人都係一件好事
除左寶物 貓嘅起居飲食嘅錢佢一手包辦 另外幫手照顧貓嘅錢都多 因為佢想搵有心人打理 而佢又搵到我 只不過我想問 佢都真係幾有錢...
我當呢度係一份新嘅工作 詩妮講過治病 需要一年不等 暫時打理貓舍 直接詩妮好番..
我都希望詩妮可以大步檻過
反正我都無工要返 二來我又鍾意貓 三來又有錢收 都ok啦 不過要照顧二三十隻貓我都覺得有啲難度....
除左貓舍 詩妮將寶物傳承俾我
我稱佢為變身器 對我引起左作用 慢慢變成一個貓人 個變身器外型都要成個貓爪 佢父母一定係科學家 整出嚟一定想保護自己個女 點會估到變身器對佢無用...
住格對面嘅一間屋就係 新租客住嘅 佢叫阿雷 聽講佢有案底 啱啱先出冊 脾氣好難頂 撞到佢會調番轉人地同佢講sorry 囂張又霸道嘅人 又會有啲馬仔會跟出跟入
我咁啱離開貓舍同佢會面..
佢膊頭兩側引刺左好大隻虎同龍 左青龍右白虎 簡直氣勢如虹 個頭仲要染到鬼五馬六 完全唔想理佢
啱啱搬入去新屋而家又搬過嚟貓舍 我點都會搵人幫手 我一定唔可能照顧到二三十隻貓 佢得但我唔得
「認住佢 阿雷 聽講好猛料 後面有人撐...」詩妮係門口同我道別 佢都見到阿雷係自己間屋經過
「後面嘅人到底係邊個呢..？」我問
「我都唔個 佢入嚟幾日好惡死 呢度嘅村民無人頂得佢順...」詩妮道
講到咁得人驚 我都係避開佢好啲 ....
不過佢就行緊埋嚟貓舍呢個方向 阿雷唔止一個人 有兩個隨從跟住
有大獲野發生
「你啲貓真係好嘈呀 可以唔可以靜左啲呀...？」雷把聲勁溫柔 個一刻覺得佢勁似一個乸型男人
「呢度係貓舍嚟 你都知架 有咩問題...？」詩妮道
「姐係你唔肯妥協啦 咁好 你不仁我不義 你唔好後悔...」雷根本就係恐嚇緊詩妮
「呢度有王法嘅 我會報警...」詩妮堅持地道
「真係好好笑 我之前坐過 最後咪又係出番嚟 唔好咁天真啦 我唔驚呢味野架啦....」雷道
「我理得你...」
詩妮算係一個堅強嘅人 好值得敬佩同學習 好快開始上軌道 慢慢接手佢嘅貓舍
呢段時間 佢留俾我嘅變身器我不斷係度鑽研 就好似一個著貓衫嘅人 再加一頂貓頭盔 咁啱我係二樓
「變身成咁樣..？」雖然佢嘅設計係會自動按果個人著上身嘅比例去變身 但好似有啲唔自然 橫睇點睇都係 睇得唔打得
「哇真係好有型...」詩妮上嚟見到一身貓人嘅打扮
「咪講笑啦 邊度有型 我覺得有seven囉....」我道
「貓人係咁架啦...呢個戰甲好犀利架...會呈現貓嘅特質」詩妮道
我心諗 貓有咩特質...？貓除左貓爪仲識打架咩？
「係咩...？有咩猛料嘅地方 可以俾我過目下....」
「我唔知呀 我又未著過 初初我以為係失敗品 但之後先發現原來對我起唔到作用 我想研究佢架 無得變身所以研究唔到...」詩妮道
「點解你唔問下屋企人...？」我問
「佢地幾年前一場爆炸意外喪生啦 留低呢間貓舍同埋啲財產 我就一直照顧到而家...」詩妮道
「對唔住....」我道
「唔緊要...」詩妮道
估唔到件事發展會係咁 既然係無任何領導情況下 我唯有靠自己發堀呢個貓人
「我想問 呢個戰甲有無名稱...？定都係叫貓人...？」我問道
「無架...」詩妮沉思左一陣 幫呢個戰甲改左個好名 叫做-------戰貓俠
會打架嘅貓 實在太犀利了...
二樓嘅兩個三腳貓 我改為叫傷殘貓 佢地真係比較適合係二樓 如果係樓下住 萬一雷佢地又嚟搞事 個兩隻貓就會好危險...
「幾時去做治療....？」我問
「下個月頭..」詩妮道
「祝你成功一平安番嚟..我地再慶祝..」我道
「好...」
距離時間都有一個月左右我就早啲適應下呢度嘅生活 今日如常地安靜 雷佢地無係度搞事 望都望佢地遠離呢度 越遠越好 不過尋日聽到雷佢地話會有行動 咁我一定會防範 唔會俾雷班人得逞
晚上黃昏左右 我又離開貓舍 經過樓下嘅泰式餐廳 見到表姐 打聲招呼
今日係平日 所以都比較靜啲 表姐想我入去食野 但係我一個人唔想食咁貴嘅野 呢度遠離市區 咁野食相對都會貴啲
係佢哀求下我決定入去食野 不過表姐仲記得我真係犀利 因為我都只係嚟過一次咁大把...
「我幫你點餐啦 妹妹..」表姐一樣對客人有善
「唔該你呀...老闆娘...」我道
「叫我表姐得啦 唔好老闆娘咁見外啦...」表姐道
我坐係一個有蓬嘅位置 隱約見到廚房 又見到表姐係收銀落單
不久菜色己經奉上 因為夜晚無咩生意表姐就同我傾閒計 傾傾下計佢就知道我要接手間貓舍
「你本事份工點呀 打算唔做啦？」表姐問
「某啲原因辭左喇 而家漫無目的 知道上面有間貓舍 咪去參觀下 上去先知佢要搵人接手..」我道
「上面間貓舍 好辛苦架 你有咁嘅心 我支持你..」表姐拍一拍我膊頭
「多謝你...表姐」我道
「乜說話呀 相識也是緣份..」表姐講完就離開左 忙番自己嘅收銀
食完番屋企己經係晚上十點 因為貓舍離屋企幾遠..
第二日
貓舍有人敲鐵閘
「呯呯呯...」好大聲 係咁起勢拍 嘈到拆天 咁啱詩妮唔係度
「仆街女 竟然唔係度...？淋佢紅油...」瞬間成個大閘都變成鮮紅色
「淋左啲...」
「佢又無憎我地錢 做咩要淋紅油？」個個人聽左雷嘅order做野
「叫你做就做啦 咁多野講 你係咪俾人屌得少呀？」另一個高大嘅馬仔好惡死道
無幾耐 詩妮番到嚟貓舍 見到鐵閘同周圍一絲絲鮮紅色嘅油 佢知道係雷個班人 因為係得佢會咁做 詩妮第一時間入去睇下啲貓有無事 不過啲貓好靈性 識得匿入去暗角位 唔通啲貓識聽人話..？
之後佢打左俾我
「阿雷佢地係我個度淋紅油..」
「吓？你又無爭佢地錢 淋咩紅油..？佢地係咪傻架 ..」
而家嘅事情係大到警察都無佢地乎 雷佢地可以想盡辦法去搞點所有野
「報警都無用...佢地實唔會指證阿雷..」我再道
呢班人點都唔可以饒恕
我可能會變身成戰貓俠係佢地頭出現 又有可能潛伏周圍再去偷襲佢地 我再三思考 決定變左身之後睇下有咩法寶
原來佢有個好犀利嘅武器 就咁睇完全唔知係乜野嚟 我將佢影相放上去搜索 先知係叫指虎 帶係手度用 我一於用指虎嚟嚇走佢地
我解除變身器之後就去到目的地 雷佢地咁啱係度 我仲見到詩妮係度抹牆
「幅牆你唔駛抹 我會打到佢地認錯 到時佢地自己清理...」
我真係睇唔過眼
「你己經識運用戰貓俠喇..？」詩妮道
「算係有研究 仲好過日日坐以待斃 又提心吊膽咁等佢搞事 警察又幫唔到啲咩 如其係咁 不如親自出手解決..」我道
詩妮放低左手上嘅工作 準備係入面睇一場好戲邊 佢地係出面食緊煙 我就停低左佢地面前 佢地見到我就唔順眼
「咩事呀？妹妹仔..？」我個一刻仲未變身 因為我身上有指虎
「我要你地同佢道歉..」我指身後嘅屋
「你話紅油..？唔好戇尻啦 點解要道歉？」雷嘅隨從真係唔死字點寫
我帶上指虎 指虎就會牽引我去攻擊 就好似玩遊戲完全自動 唔駛我控制 不費吹灰之力就將佢地其中一個爪傷
「妹妹仔 係有啲料到喎....兄弟 一齊上 隊冧呢條仆街...」佢示意一齊攻擊
指虎嘅牽引從無停過 輕觸幾下 佢地訓低左係起上 佢地己經傷得有啲重
「我要你地同佢道歉同埋清理番現場 之後同阿雷講 敢再搞事 佢個人頭就不保...」我道
「你嚇鬼呀...？呢度有王法嘅...」其中一個傷勢比較輕 但都唔敢起身
「你地都知有王港嘅咩..？你淋佢紅油有諗過王法？」我再指向貓舍方向再道「你地好意思同我講王法？」
佢地唔敢再出聲 唔再還拖 死死地去清潔番現場 件事都算係解決啲 之後仲會唔會真係唔敢講...
我番入貓舍 詩妮好開心迎接我 同時對雷嘅人講
「記得抹得乾淨啲呀 唔該...」
一陣之後 雷都返左嚟 得知事情後 嬲爆爆咁過嚟
「一個女仔可以做得啲咩？你好好打咩？同我打囉...不過我會讓你三拳..」
雷以為我係弱質纖纖 唔夠佢掠 傻啦 凡事點可以睇外表架 今時唔同往日 我有一個會牽引我嘅指虎 就無有怕...
「唔駛讓我 你顧點你自己先..」我應承同佢1打1
「講明先 我贏左你地搬走呢度同埋唔準搞貓舍..」
「無問題呀...你輸左喇喎 你地要走之餘 你仲要除衫 俾我摸下..哈哈哈.」雷笑道
又係一個咸濕鬼 乸型加咸濕鬼己經想嘔 不過佢越得意嘅樣我越有幹勁
我地行出去出面嘅大空地
佢優先出拳 打埋嚟 我嘅指虎引導我避開 不斷攻擊佢嘅身體 佢都輕易避開我嘅攻擊 睇得出佢食過下夜粥
「無論你出咩奇形怪狀嘅武器 結果都係一樣..」雷邊打邊道
突然之間 指虎停止左攻擊
「啊啊啊啊.......」
雷打中左我個肚..好痛 我跌低左係地上 頭撞到塊上 潛意力有啲暈 頂 我唔想俾佢咸濕我呀..救命呀..有無人可以救我呀...？ 答案無 我都係靠我自己
我開始身體頂唔緊 我一定要變身 先可以打贏佢
一道光刺激雷嘅眼球 佢唔敢直望住我
戰貓俠 終於出現
「咩料..？大佬呀 又奇怪武器 又變身咩玩法...？不過我都唔會放過你..」
雷嘅後面班友睇到O哂嘴
指虎開始有啲靈氣 同時我自己個身又唔受控制 不斷撞落雷嘅身上 雷無迴避到 佢亦都避唔開 我撞佢嘅速度好似爆炸一樣 秒秒擊中佢要害
「你以為你自己邊個...得罪啲貓下場...」我大怒
絕對係唔會放過呢個衰人 我要佢驚慌 我要佢以為唔敢得罪我
雷越行越出 差唔多到斜路個度 佢一個唔小心 跣腳 成個人重心跌得低 碌左落去大馬路
咁啱有架貨車經過 收制不及.....。
「撞」
「咩事呀 有個人突然標出嚟嘅..」貨車急腳剎車
始終都係撞到雷 雷完完全全訓左係地上 唔郁得...
「仆街了....車死左人...」貨車司機雖然親死左雷 但佢都無逃之夭夭 選擇留係呢度睇下咩環境
「你真係做得好 我以你為榮...」我以為呢句說話會由訟妮 點不個原來係雷嘅隨從
「點解..？」我好奇啲隨後點解會咁講野
「你放心 警察嚟到 我會同警察雷係自己跣親 碌落山 唔關你事嘅...」佢啲隨從道
「點解要咁做..？有咁用意？」
估唔到佢地會反轉豬肚
「你咁好打 唔駛我多講啦 雷就算唔死都五勞七傷 我地決定跟你搵食..」隨從係度求我
「傻嘅咩...我何得何能做你地大佬 我唔要呀...你地識得咁諗都好啦 出去搵你地嘅新生活啦..」而家仲邊個人會跟尾做一世
詩妮走過嚟我身邊 見啲隨後跪係地下「你地識做啲咩？除左無腦咁打打殺殺 同埋做雷隻狗之外」
佢地即刻縮開眼神
「有異樣..」
佢地起身轉頭就走左
「喂...？」我想攔住佢地
「唔駛追啦...」詩妮嗌停左我「個個都心懷不軌 ..你幫左佢地 佢地又唔會感激你嘅...」
佢地越來越遠..
無幾耐 一班警察到左現場 逐一問候 貸車司機 我地都唔例外我地都好樂意講番成件事嘅經過..
「阿sir 我無辜架...」貨車司機知道大禍臨頭
「幫佢做酒精測試...」
呢個貨車司機 只可以怪佢唔好彩
同佢做完酒精測試之後兩位警察互密密斟 細聲得其他聽唔到佢地嘅對話 一輪完之後先同司機講出一句說話
「唔駛咁緊張 放鬆啲 無事嘅...」
「我而家車死人喎 點解會無事？」司機問
「你眼前呢位傷者 叫雷 係差局啲慣犯嚟 成日都搞到差局陀陀擰 而家佢搞成咁 係佢自己攞嚟 唔怪得人..通常都係輕微案件 罰款就可以了解決」警察講到次層層咁 貨車司機就信到十足十 突然個心境輕鬆左
警察問完就問我地 我緊係話佢自己跌親跣左落嚟 如果同人地講我同佢打架 跟住佢就碌左落去 我一定惹禍上身 呢班人都惹唔過
警察有問我同雷熟唔熟 又問我雷嘅事 又問我嚟呢度做咩等等 警察循例查個原因女
「雷同你地啲村民熟唔熟落？」警察多問我地一句
「都係一個月內搬嚟 唔熟 個個見到佢都掉頭走..」詩妮答 因為佢係度住 比較清楚啲
「好..唔該你地嘅合作 如果有咩事嘅話 我地警署會再聯絡你地..」隨後 佢地又有另一班人 清理現場 我地都無左睇落去
我淨係知道我個心放鬆哂 因為仲算消除左個大患 佢啲隨從又走埋 以後貓舍應該會好安靜...我希望啦...