英雄決定聯盟：超越人類的智慧: 萬君女王（下）
勇山一次一次幫住我 我真係感激不盡 不過呢啲都係佢預左嘅事 佢知道晶片遲早都會落入次伯手上
次伯 好開心 得到晶片 佢嘅發明己經到左完結嘅一刻 好快就會面世
在此之前 佢先將一部份研究好嘅發明植入自己身體內
其實實不相瞞 次伯因為個次爆炸令到佢下半身癱瘓 要成世坐輪椅 所以佢發誓 一定要發明一樣可以令自己下半身可以郁得番嘅發明 佢等左呢日等左好耐
佢出發點都係想幫自己 而唔係想將發明幫有需要嘅人
而佢一直都唔出現各界嘅原因 就係唔想俾人知佢癱瘓 唔係話俾人知佢係一個無用嘅人
一直好俾心機研究 為左自己 嘅一己私慾....
點解會爆炸令到佢癱瘓 就要講番次伯同勇山 一次意外爆炸 而個次爆炸次伯受到重創而勇山就咩事都無 令到佢地矛盾更大 無人有辦法解得開 所以大家一直針鋒相對.. 唔怪得次伯想醫返好自己下半身 但現今醫學係無可能治療到佢 所以一直搵方法幫自己
「嘖.....」
次伯吩咐磨俠做嘅事都好得妥妥當當
不過次伯為左最後嘅研究 都再無理會磨俠
磨俠知道次伯需要下半身嘅活動能力 盡量滿足佢
而家磨俠開始遠離次伯 呢段時間 佢去番自己嘅地下制器室 一直匿埋自己
佢試過用搶人地翻嚟嘅豬肉刀再去磨強佢 豬肉刀點都係適合斬豬肉 點會用嚟打架 打架起上嚟貌似好型 但又唔及長刀
又覺得唔多似一個刀客 如果真係用豬肉刀 不如轉行去斬豬肉好過 可能磨強左 斬野速度會快左？
「豬肉刀 係專斬蓄生嘅 你係唔係蓄生先？」幻像緊磨俠係街市做豬肉佬 俾另一啲豬肉佬話佢嘅情況
「原來係專斬蓄生 而唔會係斬豬肉...」
幻想嘅野始終都會翻去現實
而家佢個把大彎刀都唔鋒利 本身佢磨番強佢 但係又試下新嘅刀刃 不斷試不斷試 試到啱為止
「埋頭苦幹左咁多年 今日總算有啲收獲..」磨刀抹一抹自己啲汗水 佢嘅制刀室 係一個地下隱世山洞 山洞塊牆都黐滿左刀嘅圖片同制刀方法 除左幫次伯做野 大多都會係度.....
因為佢都係一個相當悶熱嘅人 唔識風趣幽默 淨係識實話直說
..............
一個月後.....
次伯 發明面世 開左一個發佈會 一個好多嘅人發佈會 所有親朋好友 姨媽姑姐都嚟左 呢個舉世矚目 隆重嘅發明
次伯終於亮相
佢自己本人活動自如 以前就係癱嘅 而家就係攣嘅 因為下半身都唔係佢本人 不過有左呢發明 唔單止令佢企得番起身 仲可以有強大嘅戰鬥能力 姐係話又手腕都無力嘅人 變到識得同人打架 次伯己有改變左自己
只有次伯一個人同發明品係檯上 佢揸緊支咪 發明講話
「今日係重大日子 好開心 我嘅重大時刻來臨 發明終於面世 呢項發明可以幫到半身不遂嘅人 令到佢地 活動自如 變番正常人 呢個係特殊裝置係真嘅 只要植入去身體 就可以了運作 我地有左強大晶片 會限量生產...」
有記者朋友影住次伯
「啪....」
次伯坐係凳上 無離開半步
「啪...」
佢全程面露笑容 坐不改色
「啪....」
會有人都知呢項發明 係次伯釋放出出嚟有害物 不過普羅市民都唔會睇到呢樣野 只會見到發明非常偉大...
我係現場外面望到實一實 一直唔敢入去 因為磨俠見過我幾次 佢應該會將件事講俾次伯知
睇到次伯下半身有改動現象 姐係話佢嘅發明有用過係自己身上 既然有害 點解自己會去做白老鼠？
呢個人越來越深不可測...
係場地 我無見到磨俠嘅蹤影 以為佢會伴隨次伯左右....
磨俠仲可以有咩做？呢個咁盛大嘅事 佢無需要出席？同埋佢應該有功勞先係 畢竟個晶片佢有份搶番嚟....
場外好安靜 只有幾個保安駐守 外面嘅人都唔可以入去 發佈會都差唔多完 因為佢呢頂發明 唔需要舌劍唇槍 簡單幾句就完
咁多人係度 我唔會係度破壞舊野 一定要搵其他方法著手破壞舊野 聽佢講呢舊野係原料 有原料先可以再繼續生產 如果破壞左佢 次伯就無得繼續作惡...
「你做咩唔入去見識下？」有個人係我後面 道
「你係？」因為我唔識佢
「我叫阿me 睇到你有超能力 我感到意外...」阿me一身簡單嘅裝束 一個可愛嘅少女 原來佢都有留意我
「唔怕同你講 我都係救世英雄 女武神」阿me笑道
「你都有超能力架 咁都唔錯呀..」我道
「你嚟呢度係唔係有咩目的？」阿me問
「你知唔知佢發明果個樣野會對人類有害 我想破壞佢..」我道
「原來真係咁 我一直都猶豫緊果個野真係可以咁犀利 令人由不遂變番正常人一樣 .既然你都證明呢個發明係有問題 我願意同你合作.」阿me道
估唔到我有外援幫手 兩個人嘅能力點都會好過一個人
「次伯應該會番去公司 之後就會陸續生產佢嘅發明 係佢未產生一定要消滅原料」我道
「無問題 不過有次伯公司嘅地圖會更好..」阿me道
為左阻止佢嘅生產 我地可以搏哂老命...
發佈會好快就完左 個個都走哂啦 不過呢個發佈會慢慢丟淡了 無人會再提起
..........
勇山辦公室
我知道勇山一定食唔安 坐唔落 個心囉囉攣 佢知道我要次伯公司嘅路線圖 勇山好耐之前係有一張圖 不過都係好耐嘅時 而家有無改變 佢唔知 但係一樣俾我 勇山save左電腦度 可以直接影印出嚟
次伯公司實際離我地好遠 我地塔車都要幾個鐘
「以我嘅推斷 次伯應該會第一時間就生產新發明 佢自己用左自己做白老鼠 姐係話 有事 佢都應會有事 一係佢就將自己果個改良左...」勇山道
「有地圖都好辦事 我同阿me合作點樣攻入去.....」我道
「邊個係阿me？」勇山唔知阿me係邊個 都好正常嘅 因為阿me只係一個夕夕無名嘅英雄 知道佢嘅身份嘅人好少
「阿me係一個女英雄 叫女武神 我地係發佈會門口撞到 我直接同佢次伯嘅所有野 佢認同我嘅諗法 想同我合作..」我道
「嗯.....幾好呀 多個人多雙手 點都好辦事...」勇山繼續道「如果可以見下佢就好啦 不過呢人地叫女武神 你應該都要有番個朵...」
「都係虛名嚟 最重要救翻呢個城市..」我道
「咁又唔好咁講 有個朵點都唔同啲嘅 不過除此之外 我己經準備好嘅禮物送俾你...」勇山拍手 有人開門 有個人手中拎住一個裝置儀
「之前個裝置你一直帶住 打係上嚟幾麻煩嘅 而家準備左呢個高智能裝置 只有植入去 電力都會提升...」勇山道 然後拎起裝置儀
「可以點樣植入去我嘅身體？」我問
「落下層有個科技室 果度有個儀器 只要你訓低就得架喇 希望你書鍾意呢份禮物 之前嘅裝置可以直接掉 ..個裝置係我其下科學家發明嘅 想你成為最強嘅英雄 個朵呢 我未諗好 諗好再同你講..」勇山道
比之前果個仲要強勁 今非昔比 我又比之前強左
「個朵唔急嘅...」我道
「最緊要係你地嘅安全 萬事要小心行事 不過我地有係身上裝追蹤器 一有危險我地會第一時間救你...」勇山道
「明白」
阿me己經係勇山公司門口等緊我 不過我仲有裝置儀要植入都要大概半個鐘
卒之 勇山落去拜會呢位女武神 的確令勇山都刮目相看
「阿怡佢無咁快得 你入嚟坐低飲杯咖啡？」勇山好客氣道
「都好嘅 好謝你勇山...」阿me點頭
「飲杯咖啡 醒神啲再戰鬥都係好嘅...」勇山帶佢入去佢嘅辦公室 「駛唔駛食啲野先？我呢度乜都可以食 你想食咩都得 食完野先有力氣戰鬥..」
「可以唔駛喇 我覺得咖啡都可以了 多謝你」阿me坐低左係勇山嘅沙發上
「都係嘅 食太飽會漲住 我叫人沖杯咖啡過你...」勇山道
一邊飲咖啡一邊傾下計 阿me都知道勇山好多事 又會提下我嘅能力 半個鐘時間好快過 我從科技室就出嚟 會合阿me
我見到阿me同勇山有講有笑
我係開心 佢地都無拗撬 好融合相處 因為勇山性格都好易近人....
「係過去之前 我都要飲杯咖啡提神....」我道
「好...好....無問題 我即刻叫人沖..」
因為我見到一隻有咖啡味道嘅杯 姐係話 阿me啱啱飲完杯咖啡 同埋呢度啲咖啡好好飲架
「我最欣賞所係呢度嘅咖啡 出面係飲唔到呢隻味..」我道
「有咁誇？」勇山道
「係呀 ...」
杯咖啡就係我戰劃嘅開始.... 阿me手上拎住一把劍 佢嘅身體最厲害唔怕熱 唔會流汗
因為我地要剷平次伯公司嘅發明
點都要3個鐘先可以到次伯公司 佢樓下有一個個一大嘅噴彼 好似酒店咁 實際上 成幢建築物都似一個酒店多過似一個辦公室大廈
「睇落去都幾高下...」我用一隻手遮住個太陽 因為呢日天氣都相當熱
「你將地圖攞出嚟 睇下幢建築物有幾高？」阿me道
雖然一早拎定個地圖 如果俾人發現落我手中嘅話 一定會毀滅佢
不過個刻都無諗太多事
「一定係深不可測...」
我道
經過一輪檢查 地圖都無咩特別 普通辦公室嘅格局
我地唯有照推測 發明品大概嘅位置 如果佢要大量生產 一定會係生產線附近 再唔係就會係次伯間房 呢兩個可能性係最高
如果真係推測錯左我就無辦法了
門口廿前面 就己經有兩個保安係度看守 兩個拎住步槍型嘅看守 連門口都危險 會係度翻工嘅人應該都會有問題 試問邊個公司會係樓下大門放兩個拎住槍嘅看守 我相信除左銀行應該無
但問題係呢度唔係銀行 抑或呢度係神聖不可侵犯？
兩個拎住槍嘅看守 我地可以從遠處用超能力搞點佢 用槍又點 我地匿埋左根本 都見唔到我地 ...
兩個看守 摞低咗喺地上 隨即警報就開始響起 越來越響 係我地唔為意之下 眼前出一個人 次伯
「感到有啲意外嗎？」次伯竟然捉住我條頸 我避唔開 因為佢動作好快
阿me係格籬見到想辦法打走次伯
「三番四次搞嘢 你真係嫌命長？」次伯道
我係手發射出電波 呢個衡擊好大 令佢彈開左
阿me都估唔到 個火會無用 但我嘅電波對佢咁深嘅傷害
「細路女 又強左咁話...」次伯佢己經擁有超能力 係身後拎出一把劍
「磨俠用刀 你用劍 幾時去拍一套刀劍神域？」我道
講完之後就係我地兩個打次伯一個人嘅時候 無人幫到佢
次伯比之前出手快左好多 阿me根本唔夠佢快正想一劍命中阿me
「我嚟救佢...」
電波己經打斷左次伯嘅一舉一動
真係唔可以鬆弛 我嘗試擰頭想示意阿me去摧毀發明品 佢睇地圖好犀利 好易就掌握到
佢好似收到我嘅信息
然後離開左我地
「次伯 你嘅對手係我 你都係用偷番嚟嘅晶片 去改造自己 仲要放出市面 梗直唔可以原諒 我要你知道 咩叫做英雄...」
我釋放嘅電波能量越來越大
次伯係無可能抵擋得住 佢好快就避開我嘅攻勢
「細路女 我要你一鋪清袋..」
次伯移木接木 走過嚟我後面推左我一野
次伯準備攻落嚟嘅時候 我用最大電力向他發出衝擊波 果道光好強勁 直接影響佢嘅速度 佢又用研發出嚟超能力進行還擊 大家身體出現負荷 佢同我都係被發明品植入身體 點都有負荷嘅時候
我地停左係地下
我同次伯上喘不接下氣.....
另一方面
阿me成功入侵次伯公司 佢嘅保安做得好好 要通常好快所謂嘅難關先可以進入發明品嘅存放室
重頭戲來了
阿me見見到磨俠佢係眼前
「到最後緊要嘅時候 梗有人阻止阻頭阻哂..」阿me道
「上次未同你分出勝負 今日要同你一決高下...」磨俠道
阿me同磨俠決戰 咁啱後面就係存放室 磨俠不斷魯莽攻擊我 但佢只係打爆左啲玻璃 姐係話 我藉此入左存放室拎走個野
「我可以俾你攞走佢 哈哈哈...」磨俠突然停一停低手腳
「點解？」我唔明佢嘅用意
「如果你拎到佢先可以同我打得好嘅話 我唔介意你拎走佢 同埋我嘅目標係你 唔係為左佢..」磨俠道
「你唔驚次伯會嬲？」阿me道
「嬲？唔係我冒險偷走居然博士塊晶片 你覺得佢有今時今日嘅成就？如果佢無左塊晶片佢咩都唔係 佢只係一舊垃圾 ....」磨俠得意忘形
「既然你咁講 而家你都唔會在意你同佢嘅關係...」阿me道
「唔駛講唔多 你拎走左之後 好讓我搞點你..」磨俠道
磨俠嘅刀唔同左 鋒利又無堅不摧
正所謂真金不怕雄爐火 磨俠盛住個勢向阿me進攻 一刀斬向阿me
阿me嘅劍無得輸 劍末發出火焰 如火如荼 斬出嚟嘅時候火花四濺 磨俠雖然強左 不過對火都係差啲
進行一輪攻勢之後 佢地邊行邊打架 兩面不相白仲
科技室己經打爛哂 入面嘅發明品成功俾阿me攞走左 公司入面啲人走嘅走 做野嘅做野 完全無理佢地兩個爭鬥
阿me同磨俠甚至打到出公司外面.....
「點解要越行越出？」阿me跟住磨俠嘅步伐
「我唔會打爛哂啲野 你嘅目的都係發明品 我都俾左你 你仲想點？？」磨俠道
咁啱門口 我地都係度 組係話 我同時間睇住佢地打緊
不過我同次伯都無力氣
「你條粉皮 點解要將發明品俾佢？」次伯望向磨俠
「你都得到應有嘅野 收手吧啦 唔好禍害人間...」磨俠
磨俠同阿me又暫停一切嘅決鬥
「你有資格教我做野？你以為你自己係邊個？」次伯好嬲
「你有今時今日都係靠我 無我你食塞米啦 我幫左你咁多但係你淨係識自私 貪婪 ...」磨俠原來都唔鍾意次伯嘅行為
「你竟然咁講野 我睇左你 ..」次伯道
不過阿一me同磨俠嘅事未完 決定駛出最後攻勢 狠狠地將磨俠打低
「碰....」
磨俠緩緩地倒下....
「碰.....」
開始無哂知覺 失去意志
「碰.....」
身體有個裝置 過於負荷就會爆炸
「碰.....」
阿me立即走避 跳出門口幾級樓梯
「Boom......」
爆炸又如雷鳴 沖擊住成個半空
「 噶....」
一瞬間 大廈冧哂 裡面嘅人己經無法逃出生天 死傷無一幸免
「oh my god 我間公司呀...」次伯睇到成件事嘅經過
「有今日咁嘅田地 都係你自己一手造成嘅 你唔怪得人...」我嚴肅道
我地同時都見到磨俠自爆 灰飛煙滅
「咁辛苦得番野都係徒勞無功...」阿me都幫口道
我地終於成功阻止到不法之徒犯罪...
次伯嘅研究 幫到自己 最後都唔會幫到人
佢將自己一手建立嘅野摧毀得一乾二淨 就算佢下半身可以活動自如
.............
卒之 好安全將次伯發明品帶番警局 警察會重新進行化驗 調查
所以次伯扣留調查
阿me再同磨俠有咩恩怨都完了 因為磨俠己經自爆左
新聞無報導覺得好可惜 因為次伯一開始都無打算驚動啲記者警察 佢想自己嘅事自己搞點
女武神阿me個次合作之後 都無咩見過佢嚕 因為大家都有自己生活
勇山呢 對我好好 一直係佢身邊做野 有時都會去孤兒院幫下有需要嘅人仲會捐錢俾佢地 間接助養左佢地 係一件好事
孤兒院裡頭..
我地坐係一棵樹下面嘅石級上 佢突然諗到啲野想同我講
「之前咪話過會幫你起個朵 我終於都諗到啦 呢個名唔錯...」勇山道
「叫咩名？」我道 雖然朵都係虛名 我都係叫阿怡
「你就叫做君怡 個朵因你個名而改 我就幫你改左叫萬君女王 ..」勇山道
「個名有咩含意係度？」我問
「萬 係千萬種 組係好多咁解 君 你個名 跟住就係女王..」勇山道
勇山覺得ok就ok 我就隨隨便便 君怡就係君怡 永遠係 而家係 將來係 永遠係
我地同小朋友玩左一日 超級攰
同小朋友比決鬥仲消耗體力 我好耐都未試過玩得咁癲
「勇山 你成指都嚟呢度 真係好有心 我以前淨係識掛住工作 跟住就乜都無..」我道
「放心啦 阿怡 以後你嘅生活都會多姿多彩 我會帶你出席好多活動 等你識多啲人嘅....」勇山道
從此之後 我會多左一個朵 萬君女王
阿盈因為某啲原因嚟左我公司附近做野 而我同佢都會一齊食lunch 不過咁啱我電話無電 我唔覺意釋放電力係手機上面 點不知 電話10分鐘就叉滿哂電 真係好神奇
因為我有快速尿袋
我翻去之後 同阿玲同阿藍試下 都一樣work 以後真係唔駛驚手機無電
如果唔做 去開一間鋪 專門幫人叉電都應該會幾好賺 不過我諗就咁諗 實際上我係唔會咁做 有咩好老細 我點捨得走.....
「今晚係好值得慶祝嘅...」阿藍道
阿藍同阿玲特登嚟接我放工
「請問藍哥 今日咩日子 需要值得慶祝？」我道
「今日係你搞點次伯任務嘅一個星期..」阿藍笑道
「咁有咩好慶祝 你係借啲意想請我地食野 係唔係咁...？」我道
「哈 你估我心意 咁就好喇 咁呢餐點都要請..」阿藍再道
「放心喇 我阿哥大把錢 聽日又再搵藉口請食野..」阿玲道
「幾好 我鍾意....」阿藍道
背後有個人默默跟蹤我 我無留意有人跟蹤 我地由去餐廳之前都同正常人一樣
「君怡...嗯....」果個人係一條柱望向餐廳嘅我地
我地有講又笑
「萬君女王...」
「嘟.......」
呢個人身份好神秘 無人知佢嘅來頭....
佢見到我地係餐廳食野 佢悄然地離開我嘅視線範圍......
離開左
商場.....
而我慒然不知佢吊住我尾.....
不過到今日之後 呢個人從此無再跟住我...
（完）