MK學院: 四.

「咪撚打啦你哋！都未到嗰個環節！」巧大用大聲公講。

雖然巧大講完之後佢哋冇再郁手，但原本打緊嗰啲照舊同對手眼神切磋緊。

「相信大家都見到枱上面嘅嘢都估到要做啲咩架喇，我依家純粹係示範比唔識嗰啲睇一次嘅啫。」巧大行去其中一張長枱前面：「唔識嘅就快啲過嚟睇。」

講完，一大堆人即刻衝上去圍住巧大所在嗰張枱。

巧大示範咗一次點捲煙之後，原本圍住佢嘅人就散返開，而巧大就一邊食煙一邊行返去拎個大聲公。





「首先，請大家認住喺我身邊呢四位負責檢查煙同埋維持秩序嘅人，因為郁佢哋四個嘅人係會被即時取消所有環節嘅參加資格。」

講完，大家嘅目光就轉向四個大隻佬，而四個大隻佬就分別行去四個角落嘅枱到坐鎮。

「今次嘅目標係捲二十枝煙，規矩係唔可以用任何身體以外嘅嘢。」

「最快搞掂嗰十五個被會即時取錄，淨低嘅就要等下一個環節再努力。」

「搶位方面，只要嗰個人坐咗落去，個位就係屬於佢，邊個再郁佢就會被即時取消資格。」





四個大隻佬都向巧大表示準備好，而巧大都清咗清喉嚨：「而家開始！」

講完，操場上面嘅人就喺一瞬間分成咗兩批，而巧大就決定休息陣先。

熟嘅全部衝曬去搶位，而唔熟就企喺原位郁都唔郁。

面前上演緊嘅係無規則嘅搶凳仔，有人智取，亦都有人用武力。

武力嗰班冇咩好講，但智取嗰班就勁喇。





有啲就喺兩個打緊唔為意嘅時候搶走張凳，原本打緊嗰兩個呆曬咁棟咗喺到。

另外仲有啲直頭係崇尚和平，用對枚等等嘅方式嚟搶位。