MK學院: 面試

「呯！」

幾乎無一忽完整嘅木門比人一腳踢開，而踢開道門嗰個正正就係鼎鼎大名嘅葬愛家族族長兼MK學院啊爺—調撚巧大。

髮型方面，佢個頭染到獅子咁金，兩邊剷青，中間就托高，個陰係長到過咗隻眼。

衣著方面，上身著住黑色皮褸加黑色打底，下身就係一條穿咗幾百個窿嘅牛仔，而對鞋就梗係白色McQueen啦。

兩個加埋就係完美組合，嗰浸MK味濃到隔離街都聞到。





「入嚟啦屌你老母！」調撚巧大指住坐喺出面嘅一個gel all back頭男仔：「你呢套咩嚟架？」

「恤衫西褲囉，正式少少啊嘛。」個男仔好有禮貌咁講。

喺正常情況下，著得正式少少去面試係好合理嘅事，但…

「呢到係MK學院啊！你識唔撚識規矩架！？」調撚巧大行到去佢面前：「你叫咩名？」

「何晉龍。」佢耷低頭，陰聲細氣咁講。





實在…太撚差喇！

「你講乜撚嘢啊！？」佢捉住何晉龍啲頭髮：「我講緊你個朵啊！你用全名出嚟行架？同埋啊，唔該比啲霸氣得唔得？」

講完佢就放咗手，啲gel就抺返落何晉龍件白色恤衫到。

喺調撚巧大轉身準備行返入房嘅時候，何晉龍一嘢彈咗起身。

「啊爺！」佢向住調撚巧大大嗌。





「點撚樣啊？」

「我係飛龍仔啊！」

「關我撚事啊！你套衫都錯撚曬！」調撚巧大依然背對住佢。

飛龍仔衝去佢面前，一手扯住佢件皮褸：「錯乜撚嘢啊！」

挑戰上級，加一分。

講完，佢就一手扯爆曬件恤衫啲鈕，露出裡面件黑色打底。

單手爆衫，加一分。

「你扯爛件衫都唔會啱返架喎。」調撚巧大嘆咗啖氣：「你返去啦，呢到唔啱你。」





「返你老母啊！我話啱就啱！」飛龍仔用下巴對住佢頭頂，一邊講一邊篤佢額頭。

好撚型，但手法略嫌老土。

BTW傷人，加一分。