英雄可能聯盟：強戰崛起: 奇雉驅滅人（上）
「喵…」
呢一夜係橫風橫雨之夜 …所有商店都提前收鋪 所有街道都變得冷冷清清 呢個時候…
「滴答…」
「我番去喇…乖乖豬 仲有少少就到喇…」
其實而家係度塞車
前面個架車等到唔耐煩 係咁「呠」係咁「呠」但係都無事無補
「人死車 係咁「呠」咁「呠」個車龍都唔會郁架喇」我都係睇唔過眼咁既情形 從而有咁既情緒
不過 呢度一落大雨大風都會係咁塞車 呢個問題連政府都束手無策
好快咁 車龍漸漸減退 啲車都開始開動 到我可以行既時候 就發生左一件大事 左右邊啲車可以郁到 但係前面個架偏偏唔行
真係不厭其煩 又唔知等幾耐 今晚塞車既主要原因 係前面有一連六架車衝撞 唔算大嚴重 啲人都只係受到輕傷 無咩大礙
到我真係行得番既時候 先知道前面架車係死左火 又會偏偏係呢個時間黎玩野既 真係好野都唔見發生…
無錯 今晚怪事一連串 車揸到一半 街度有個人不斷俾人追 我就揸到好慢好慢 而俾人追既果個人就行過黎不斷係咁敲門 我當刻猶豫 到底開唔開門俾佢 又唔知救左佢會點 突然好迷惘…
就當我黑仔 我都係決定開門俾佢…♡ ♡ ♡
「唔該你呀 快啲開車…」
「嗯」我是但咁回應佢之後 跟住就一路開車 一路聽佢講既故事
「照你咁講 個班越霧者想殺你 但係你無左能力去對付佢地 係唔係咁既意思？」
意外地 我個成件事有啲荒謬 容許我係呢度解釋成件事 呢個人本身係一個自由人 佢有左呢個套裝 奇稚驅滅人 一日佢無左套裝能力 而同時 又俾越霧班人追殺…
「我有野想問 點解班人要追殺你？」
「係咁既 相信你都無聽過格雷斯事件」
格雷斯事件
「咳……咳……」
好大煙 呢度好大煙 大煙到咩都睇唔到 係呢個地方發生一場驚天動地既大爆炸 因為當時只有格雷斯同個男仔在場
「搵人救我呀…」呢個男孩子俾人捆綁住係一碌柱 想行都行唔郁
有個神秘男人 唔算咩神秘 佢係格雷斯
「等我救你出黎…」格雷斯係男仔度鬆開條繩 個男仔脫離左束縛 感到好開心 立即多謝格雷斯 但係格雷斯無離開 係後面拎起一把刀 似乎有計謀咁想殺左個男孩
一刀拮落男仔個背脊
「點解你…」
「唔駛咁好奇 我係魔鬼黎」
「魔…鬼…？」個男仔忍唔住痛苦 漸漸無哂力量 起唔係身
「唔好意思…」格雷斯再補插一刀
「…」果個男仔終於斷氣了
呢件事並唔係廣為人知 除左呢條鎮之外 就係佢自己于換 佢自己無估到佢自己今日會同一個我講番呢件事
「咁個格雷斯之後點…？」我聽完 消化左件事 就係一個爆炸 救左個咁啱被捆綁細路 跟住就殺左佢 仲承認自己係魔鬼 我相信應該係精神分裂者
不過件事同追殺佢有乜野關係 我就唔明呢一點
「我都估到會咁問 正題就係格雷斯就殺追殺我既首領 佢仲未死 仲係人世 因為我講過佢係魔鬼」
「咁點解你會無左能力架」我睇一睇佢既戰衣 好似有啲古怪 但其實有對翼 就表示應該有飛行能力 「你係唔係無左飛行能力？」
呢個世界上根本唔會有存在既魔鬼 如果真係有魔鬼 天使一定存在 問題係魔鬼是否存在 我就唔係好信喇
「搞清楚一點 我係無哂所有能力 仲有 好多謝你今日救我 我未正式介紹自己 我叫于換 我係禿鷹俠」
「禿鷹俠？」
感覺上個名我好唔鍾意 個造型亦完全唔似禿鷹俠
「唔好意思」于換咳一咳 再講「無左能力我而家已經係一個正常人類 所以有樣野好想同你講 我見同你有緣 問題係你唔可以講俾人知 」
禿鷹俠附有面罩 戴上之後無人知道真面目 而于換想同我講 佢變番正常人 呢個戰衣就一定過繼俾另一個人 而另一個人就係我 而家越霧者係度真係好危險 于換現今槍械武器對佢地無傷大雅
情況搞得唔好可能會好危險 簡直無法想象
「我之前都聽過禿鷹俠好型 我會唔會駕馭唔到呢件戰衣…」
「我之所以俾你 係因為我地有左信任 同埋我對你有信心」于換毫無猶豫 咁讚頌佢…
另一方面…
「BiBi…」
「成個月都仲未有消息 係咪？」
另一個越霧者一頭 沉默咁對住佢
「到底我個女會去左邊呀？成班都係飯桶黎 做少少野都可以拖咁多」格雷斯有啲兇猛咁情緒好唔穩定
一腳伸開佢所謂既越霧者 越霧者唔係做唔到 而係頂唔住佢啲脾氣 卒之越霧者今天都忍唔住
「好喇喂 …」
越霧者集中所有人用佢地僅存既力量嘗試將格雷斯打敗 明知係無可能既 佢地都唔會放棄
「噓…」
格雷斯一招技能 將就可以將周圍既越霧者打低 只係越霧者係呢一瞬間 消失佢既面前
「消失左…越霧者 一啲都唔可靠…」
格雷斯靜靜坐張沙發度 不發一語 坐左幾個鐘
越霧者突然再次番黎 閃現係格雷斯面前
「我地搵到比你個女更好既野」越霧者拎住件 禿鷹俠英雄衫 越霧者終於幫到格雷斯拎到件戰衣 佢不禁大喜
第一時間著住佢 愛不釋手 一啲都唔捨得除落黎 而家對越霧者越來越反感 一拳將一個越霧者打暈 話咁快又搞掂埋另一個 殺死一個又一個 殺個不停
一波未平 一波又起
「你地…」
「你唔會打得哂 全部都係越霧者既分身 格雷斯 你係神 你好本事 但係你只會不斷循環咁打 」
越霧者眼白白睇住格雷斯不斷咁攻擊…
回到真正禿鷹俠既畫面
我:「既然戰衣係俾我 就要改個另一個名…」
于換:「禿鷹俠只係假名 叫奇稚驅魔人 因為個名難記 所以叫做禿鷹俠之嘛 」
我:「咁一於叫呢個名 我鍾意…」
于換:「咁就要開始訓練下喇…」
我一時間反應唔到:「吓…咁我要聽日先開始練習 咁夜 我聽日仲要返工」
于換:「唔緊要 此戰衣贈予有緣人 希望你事日成為一個出色既英雄 最緊要切記 唔好暴露自己既身份 唔係就會好危險」
真係要同于換講句再見 佢就走左 我覺得好似有啲不祥之兆 不過我都開始試一試飛上天 原來靠自己飛上天 感覺好正 我鍾意萬呎高空既感覺
用左三個鐘先番到屋企 亦無俾女朋友責怪 因為佢知道工作辛苦 係現今社會仲有咁體諒既女仔 真係唔多
「咁遲先返黎既」
「工作遲IT 個條街咁啱又塞車」
我只好搵個藉口 我唔想佢我知道我係奇稚驅滅人既事
「你未食野啦 我煮左麵你食…」
「唔該呀！玥」
「唔駛唔該」
我狼吞虎嚥咁食左碗麵 跟住就去沖左涼…
第二日放完工之後……
「我地又再次見面喇…」呢一把熟悉既聲音出現係我地背面
呢把聲音尋日先聽完 就係于換
「于換你…」
「我…？做咩？」
「無…」
「咁我想帶你去一個地方 跟我黎」
我心知不妙 估到佢唔係于換 一定搵人假扮 真正既于換係俾呢個假既于換高一個頭 同埋做啲奇怪動作引人注目
「如果我唔去呢？」
「唔去…無得你唔去 唔去既話 你之後既日子就會好麻煩 所以你都係跟我去一個地方」
當然呢刻我好想逃走 唔想跟去咩地方 我想練習一下戰衣既能力 但再諗深一層 呢個假既于換無理由搵我 一係已經知道左我係奇稚驅滅人？
終於佢帶左我去左一個地方 呢個都好黑暗 係森林
入面 有座好大幢既建築物 俾樹木遮蔽住 正常人係唔會察覺呢度有座野
入左後…
一個一個男男女女都係係個啲氧氣筒入面 個口一定係吸緊氧氣 個個全部唔郁 棟係度 唔通我都係會咁
「下一步…」假既于換擅自走左過去同個男人傾計 我當然想乘機走佬
「…」原來門個度有兩個人守住左 真係好森嚴 攔住係門口阻止你出入 有咩依郁 就會隨時無命
我帶左戰衣 雖然未練習過 但就係今晚一於試下
「唔好擰頭擰髻啦！好無？」我發覺到我既後面有聲音「係唔係想走呀？」
雖然問黎都多餘 但係我都係要問:「你到底係唔係于換？」
「如果…」佢諗左一陣 「我唔係于換 你會想點做？」
「我會…」
跟住有人係我後面扑左我一野 然後就暈底左
到左4小時後 我卒之醒來 望望周圍 以為自己係氧氣筒度 但其實自己係一張大床度
「咦？呢度係邊度？」
有人打開門「乜你好想入氧氣筒咩？」
我:「你又知我點諗既…？」
同我對話係一個男人黎 個人睇落忠忠實實 唔似係壞人 但係壞人係無樣睇既
「放心 係我救你出黎既 其實你係兩小時之前就係喺個筒入面 係我叫佢地放你出黎 」
「你係邊個？」
「我叫旭 我會救你出去」
「唔駛 我自己黎」
「傻既 一般人 邊有出到去 有武器都未必得 你咁大隻俾人一野扑暈左就知啦！」
「咁我去一去先…」走出去之前 「恕我唐突 呢度咩地方 同埋 果個于換係真係假？」
「呢度叫…」到佢俾人一野扑暈左
「你竟敢講出黎？你呢條友始終都係寶唔住」
我從後退左一退 掂到個大油罐 側邊都有幾個酒罐排住係度
「你個假于換 想點？」
我問
「事到如今 你知道左啲野 就唔可以放你一馬」
假既于換好緩慢咁走埋黎
「唔通…」我心諗情況不妙 真係背水一戰
「準備喇…」假既于換係後面拎住一把劍衝向我斬落黎
我反應有啲遲緩 但係佢打唔中我 我只好避開佢再諗下點樣走出去
我點諗都係用戰衣
轉個頭戰衣就已經著左上身
「禿鷹俠？」
假既于換嘖嘖稱奇
「係 奇稚驅滅人至真！」
「哈 真係無諗過你係禿鷹俠 我唔會驚你」
為左逃離呢個唔知乜野鬼地方 我就要同眼前呢個假既于換決一死戰
「受死啦！禿鷹俠」佢再次揮灑佢既大劍
我敏捷咁避開左 佢失去平衡差啲跌親 咁啱我借個勢一腳踢佢
「呯…」
假既于換就咁不醒人事…
我帶住奇稚驅滅人既戰衣逃出呢殘桓敗瓦 就係離開之後 決定左報警呢個念頭
「呢度係淺草林林 白楊樹 標記為21771 你地派人黎調查下」
最後警察佢地派人到場 發現到一座建築物 裡面有好多人 大部份就係所謂既失蹤人士 都搵得番出黎
「你地有無事呀！」警長亦都到埋現場
大班警察都搜索呢度任何一個範圍 包括窿窿罅隙 佢地發現到有個門口打開左 有理由相信其他人就係由呢個門口逃走
更發現其中一間房 假既于換訓左係度
「做得好 我地又拆解呢個不法分子既基地 」
救哂所有人之後 警察們 全部通通撒離 再到出面搜索下有無咩異樣
而我一早離開左呢度 番左屋企 雖然無練習過但係總算都有啲收穫