英雄可能聯盟：強戰崛起: 異界殲滅者：怒魔傳說（上）
「咧…」
冰獸從山洞走左出黎 係一隻異界既怪物 全身係白色既 性格非常之兇殘
「吼……」
千干洞
「呢度...有冰獸 」
所有人好靜咁行過去 見到冰獸 瞄準目標就開始射死佢
「B2追擊槍發射」
暗戰士道
最後終結左隻怪物 佢訓左係度
「幫佢打支針」準槍道
「收到」隼道
隼將無野既針筒注射冰獸身上 就係吸取佢啲血 但係佢啲血係白色既 相當罕見 係異界
呢6個人 都有名號
暗戰係拎住支劍既 衝鋒陷陣就無得頂
準槍 身上配備好多槍械 例如BZ追擊槍 G290電動槍等等……
隼 係一個射手 弓箭精巧特製 射法無堅不摧 殺人於無形
暗騎 唯一騎士 有特製精銳盾 無野斬得爛 無野擋唔到既稱號
暗護 大大隻 硬皮鐵骨 力大無窮 3噸對佢黎講濕濕碎啦
仲有最後一個 捷克 係個小矮人 身手敏捷 試過跑贏地球第一位田徑選手 3000米 簡直世界之最
佢地6個人自稱 異界殲滅者 保護地球
……異界……
「呢度又缺水又缺糧 我地都就黎頂唔住喇」一個男人已經無力講野 直頭企都企唔郁喇
「真係惨囉」
有一個著住白袍既男人行過 佢係異域博士 佢都明白到現家既處境 救得幾多得幾多
「真係麻煩 佢係餓死左」博士叫道
異域人係博士既助手 問
「咁駛唔駛移開佢 博士?」
「由佢 我地無能為力 我地走 」博士道
博士佢地走後 呢度開始有陣怪味 又臭又腥 一般人頂唔順 就係死屍身上搵到一陣味
博士佢地番到自己辦公室繼續做野
跟住 就聽到一把類似call既聲
「山洞 消滅 over」
博士都唔係好明呢句係咩意思 無左諗啲無謂野 繼續專心研究工作
係電腦不斷係咩摷到野 以為係新野 點知都係無料到
一陣 異域人衝門而入 氣勞氣喘咁 講
「山洞有大量怪獸 」
「咩山洞 有無山洞位置?」博士好緊張件事
「B2546號」異域人俾左一堆英文加數字：
「唔難搵 唔該你」博士道
博士打算自己一個去 但俾異域人雙手截止
「唔可以自己一個人去 我要保護你」
「咁一齊啦！」博士道
佢地好快就到山洞位置附近
B2546係一個又黑又深既山洞 一不小心就跌有危險 外面周圍都係啲花花草草 山洞算極為明顯
咁啱異界殲滅者係附近
「係異域博士佢地」暗戰道
「佢地一定係調查山洞入面既兇獸」隼道
「我地行過去」暗騎道
卒之佢地一同行入山洞 博士佢地戴住附有電筒既帽 異域佢膊頭同手裝有小型電筒
雖然好恐怖 亦無阻佢地行程
佢地黎到左兩邊洞口
「真係有啲難揀」異域人問
「我地自己就左邊 博士你地梗係去右邊啦 一於係咁」暗騎道
「唔準胡鬧 博士我地再諗吓辦法」隼道
「我有個建議 一於行右邊」博士道
「此話何解?」隼道
「我睇過呢區山洞 左邊出去應該係水源 怪物通常都係匿埋啲好黑暗地方」博士道
「我地之前去開嘅山洞都係咁嘅情況 今次博士嘅道理都啱嘅……」暗騎道
「有啲印象……」暗戰道
「我相信博士」細的的嘅捷克道
大家都一致同意左 之後就去右邊山洞繼續往前行
一路行有陣濕氣 山洞上面滴水 即表示山洞上面係水源
不過佢地一路行 都無咩進展
「行咁耐唔覺有咩進展 莫非行錯方向?」暗護佢終於頂唔住發聲
「個點到依到無左...」博士道
「我地都係」捷克道
佢地指既係怪物監察器
「嘟…嘟…」
係咁嘟黎嘟去 都係無乜反應
「會唔會係另一面?」隼道
「點會 另一面已經係深不見底既水潭 再過啲就係另一個山洞 死路無得行」博士道
「不如再行前啲睇下啦 可能有料到」暗戰道
佢地繼續向前行 無窮無盡 根本行唔完
滴滴……
「係水域 有水聲」眾人大喊
「個水域中間有個紅寶石啊」暗戰指一指果度
眾人都一併行過去
有隻岩獸係格籬 落黎佢訓著覺 暗戰咁大聲佢都聽唔到 可見訓得好林
「橫點都係 先將隻怪物殺死佢 再打算 好無?」隼道
「照你意思辦」博士道
暗戰諗住一劍插死佢 行到佢身邊 隻怪獸突然睜開隻眼 令到暗戰即刻縮係個角位後面
於是隻怪獸起左身 佢既動作好慢好慢 再起身睇下有無異樣
係角位見到有啲野突出黎 係暗戰 暗護佢地見到 就提示佢 可惜都黎唔切 隻怪獸已經到左佢身邊
「吼……」
「斬」暗戰毫無猶疑 手起刀落 將怪獸斬下
「太硬喇 佢係岩獸 殺唔到」
怪獸既身形非常龐大 個身體硬邦邦 用劍根本傷唔到佢
「冷靜啲……」暗騎就出黎幫手
隻野用條尾一ling過黎 暗戰就倒地
「小心啊 佢想噴火喇……」暗護都出埋去幫手
「岩獸 識噴火?」暗戰不及連忙躲避佢噴火既攻擊
差少少就燒傷佢地
「全部人行開 等我黎」準槍係背後拎左一把鐳射槍出黎 鐳射槍係專射妖怪毒物既一支神槍
準槍輕輕一射 岩獸即時訓低左
「快啲抽取佢血液」隼道
暗護笑笑：「岩獸邊有血液架」
打低左岩獸 下面既岩石開始震動 上面不斷掉大量岩石 佢地從反方向走 跟住走到一半 路口封住左
「死火…」隼道
完全走唔到 啲岩石不斷墜落成岩牆 似係有人鋪排過
另一方面 異界天空 出現一道通往地球既黑洞 越來越大 側邊有多烏雲包圍住黑洞
「又有大獲野喇 係咪咁.....」人民議論紛紛
開始人心惶惶
「阿仔 你去邊呀～」有個少婦不斷係咁搵自己個仔
但係無人理佢……
突然出現左一個博士出黎 佢叫山威博士
「救佢 阿仔……佢係黑洞另一邊」
異界既另一邊
地球……
末日既開始
跟住周圍啲野獸都怒視我地 有集群黎襲擊我地 博士示意人民趕快撒離危險區
山威 一啲都唔威 一野俾人撓起左
「山威博士」大家眾目睽睽
啲猛獸好兇猛 隨時可以食人
「佢地想點啊！」
所有魔物野獸到去個黑洞個邊 跟住慢慢進入左黑洞 忘記左佢地其實係識飛
終於佢地入左去 山威博士同魔物怪獸好快咁一同消失 但係黑洞仍然係度
呢一刻真係平安無事?
另一方面個暗護好力咁將啲大石推開 有少少進展
暗騎暗戰一齊幫手 都係徒勞無功
其實大 可以用鐳射槍 但係鐳射槍射既次數有限 一定留係怪獸度
終於佢都推到一半
「呢度有舊石突左出黎」捷克先發覺到呢點
「有咩咁出奇姐」隼道
點知捷克扭下扭下 啲石頭就咁移開左
「奇怪 點解會咁……除非係機關」暗戰道
「市中心 有信號……」暗騎道 佢地身上信號器響亮 就代表市中心有危險 佢地都會隨身攜帶住 有咩事都可以第一時間救
「咁快啲出去幫手」博士道
卒之佢地到市中心 佢地見到市中心有個黑洞
「另一邊魔獸聚集地 地球既終結」博士道
「原來魔物係依度走出黎」隼道 佢地以為怪物主要係市中心出現
「咁你又錯 啲魔物會不由自主係呢度過去地球」博士道
「咁樣 我地都要入去幫手」暗戰道
一個人民行過黎我地身邊 講
「山威博士俾佢地捉左入去 」
「好 我地會救佢出黎」暗騎道
「又唔識打架 係度呈咩英雄……」隼道
「唔好理咁多 我地都要救埋山威博士出黎」暗戰道
佢地一個個飛上去黑洞 超越到地球……
歷險已家先開始