英雄可能聯盟：強戰崛起: 拖鞋俠：開幕（上）
綠色嘅衫 綠色嘅 帽 ...咦？咁咪姐係戴綠帽 俾人知道呢個英雄帶綠帽會俾人笑架 所以 係一個綠色嘅面具人
最重要嘅係綠色人字拖
光怪陸離嘅故仔由始誕生
無人知道佢嘅身份
因為係三年前 香港發生重大事故之後 由一個自稱拖鞋俠嘅人出現挽救左香港 事件過後 有一個人
開左個公司
發誓一定要搵到拖鞋俠
佢就係礦麗 佢簡單而記 連公司都一樣 -------礦麗公司
係當時嚟講 個個都好奇 見到有一份咁筍嘅工 人工高 福利好 又包伙食 爭在無車接送 呢間公司嘅福利 好在大家圍埋一齊吹水就有錢收 真係係度unun腳呀
同時礦麗出左公告 以100萬嘅價錢搵到拖鞋俠
呢個價錢吸唔吸引就見人見智喇..
嚟礦麗打工嘅有幾條傻仔 佢地個名都古靈精怪
辦公室
「礦麗到底咩來頭 點解要高薪請人搵拖鞋俠？」
尸位素餐道
「嗱....我就咩都唔知 我只係被逼入嚟 當初 我都覺得係一個陷阱 但係入左嚟咁耐我又唔係好覺得礦麗係呃人 所以就keep做落去咁姐...」大幅度道
「算啦 我地都係搵唔到拖鞋俠喇 我地繼續扮工仲好..」心怡道
其實老闆係知道而家咩情況 開門咁耐 都無咩起色 礦麗覺得掉錢出去養佢地個幾隻廢物
佢從房走出去門口
「你地係唔係唔駛做呀家陣 定係係度搲水吹就有錢收？ 如果係咁可以辭職唔好做 唔好係度哂時間...」礦麗好惡咁鬧佢地
「要搵拖鞋俠都好難姐 又唔知佢係邊個...」尸位素餐企起身叫道
「仲駁咀...？」礦麗繼續嬲爆爆 行開左
就係咁
大家都不負所望 落力去查關於更多拖鞋俠嘅資料 甚至 出post 叫佢本人現身 雖然呢個情況係好微小
卒之不足幾日 有人嚟 應徵 第一位所謂嘅拖鞋俠終於出現
綠拖 綠衫 綠面具 成身好似拖鞋俠咁款 當然呢一個係扮嘅 因為礦麗覺得100萬對於一個英雄嚟講 少之有少 而家呢個社會 100萬可以做到啲咩 樓都買唔起 慢慢摵 兩野都無哂啦 於是 礦麗將金額大幅提高10倍 1000萬
無錯 真係1000萬 即係就好多扮嘢嘅人係咁嚟
佢地二話不說就叫礦麗就嚟
呢種情況點可能唔搵老闆出嚟過下目 等佢分辨一下係真係假
礦麗佢打量眼前呢位拖鞋俠 係人都知扮野成功就會有1000萬 個個都爭住做
「係扮得幾似樣嘅 不過 你試下耍套拖鞋俠嘅招式嚟睇下..」礦麗 翹手道
呢位拖鞋俠出盡 渾身解數 誓要將表演發揮得淋漓盡致 可惜短短數分鐘後 礦麗己經頂唔順
「你而家到底係打拳定係度猜拳...？ 你連我呃唔到呀 仲話扮拖鞋俠 走啦...」
眾人都目瞪口呆
今日都係得個吉
其實好多人都想扮拖鞋俠 呃錢就梗架啦 咁大條水魚 有啲貪心鬼都唔止淨係呃1000萬 不過礦麗係唔會志在呢樣錢 錢對佢嚟講猶如垃圾一樣掉落大海
有個人 佢叫侯爺 實為X組織嘅人 佢好想知道拖鞋俠嘅事 佢打算去扮拖鞋俠 但係咁 佢唔係為錢 佢目的同好多敵人 侵略地球 統治呢個星球
妖 又係侵略地球 你唔悶我都悶啦
不過佢亦係唯一一個扮得最似拖鞋俠嘅人
佢係廁所執自己個look執到好企理 望住塊鏡
「魔鏡~魔鏡~我有唔有型呀？」
佢對住塊鏡講 但個一刻即係有個回音回應佢
「有型呀」
其實除左佢自己本人 無人係廁所
佢走上去礦麗公司之前
見到眼前有一位奇怪嘅人 佢成為都係水 我地世人稱為水俠
原來呢個世界除左拖鞋俠 原來仲有水俠 姐係話 英雄係唔止得一個 仲有好多個
水俠 得知礦麗會出1000萬搵拖鞋俠 佢都參與其中 不過佢唔駛扮拖鞋俠 佢本身就係水俠 侯爺見到當然迴避一下 候爺唔知眼前呢個人嘅底細 唔想打草驚蛇
「原來有咁多人會搵礦麗 ....呢個人成身都係水造咁 又扮拖鞋俠..」侯爺心諗
睇得出侯爺都唔係啲咩強人而且仲好廢
泥漿俠同時經過呢層 見到水俠 兩個英雄不打不相識 握個手
因為泥漿俠係用泥漿而成 掂到水就會融化
「啊啊啊啊啊啊.......」
泥漿俠半邊手己經融化左 慘不忍賭
「唔好意思 我大力左少少...」
不過泥漿俠隻手轉個頭就會無事.......
大家都係去搵礦麗 泥漿俠開始慢慢認識水俠
噹dum~
「臨放工前先嚟啲咁嘅野？」心怡好唔順臨收工啲人先嚟禁鐘
「我決定要殺左佢..」尸位素餐幫手出氣
面前出現嘅係泥漿俠 而水俠就係後面匿埋 睇住佢一人發揮
眾人見到一個成身都係泥漿嘅人 即刻退後一格
個個以為佢入錯門口
「先生 呢度無廁所 廁所係樓下 唔該...」尸位素餐道
「我知道呀 我嚟搵礦麗攞獎金嘅..」泥漿俠道
「吓？攞獎金 想引我笑咩...你咁嘅樣點會係拖鞋俠..」尸位素餐再道
跟住
礦麗突然出現係佢面前
佢得知泥漿俠嘅事跡 用臭泥爆彈 將礦麗臭到成個公司都係
「OMG....」
礦麗好想殺左泥漿俠 好想好想 大巴大巴車左落去
礦麗都有今日了
卒之礦麗身上嘅臭味需要幾日先可以洗走~
之後 不斷有人繼續扮拖鞋俠 真係高矮肥廋 樣樣有齊
高嘅 好明顯 功夫底子無 成個傻仔一舊木企係度 出拳嘅威力 相信一個正常人都打得到
同埋 佢耍嚟耍去都係呢幾招 真係會越睇越眼睏 打唔到人 但要用嚟醫治失眠 應該有效
佢地緊係頂唔順佢無謂嘅一招半式
「呢位高嘅朋友 你除左呢幾招 仲有無其他架？」大幅度開始眼訓
「我仲有啲撚手小菜 俾你過目下....」
朋友仔開始有少少手騰腳震
「算啦 朋友 見到你情況有啲唔妥 唔好講話撚手小菜 連撚化我地都撚唔到 你不如番去印度食蕉啦...」 大幅度從衫袋拎出一條蕉 塞落佢個口
「哇 係衫袋變條蕉出嚟 你係得嘅..」其他兩個拍哂手掌
「下一位...」
到左矮果個 未出招就己經唔想望佢 因為佢係小朋友 連小朋友都己經知道錢嘅重要性 錢嘅威力真係強大
「小朋友 你番去先啦 你未秤呀...」心怡好心趕佢走 小朋友完全唔堅強 未拖到門口就己經喊左出嚟 仲越嚟越大聲
「喝...」
「小朋友 我求你放過我地啦...」心怡踎低想氹返個小朋友
其與個兩個扮拖鞋俠嘅朋友立即加把嘴
「我求你唔好求我地 我地都係搵食...」
肥嘅瘦嘅都係一樣 唔係垃圾就係要攞去回收 根本唔掂
於是
礦麗決定要開大會 公司上下 其實只有丁人 入左去會議室 從長計議...
「呯...」
「呢班垃圾都可以做英雄？佢地到底知唔知死字點寫架....」礦麗好嬲
「你出1000萬喎 係人都想搏一鋪..」尸位素餐開始道
「咁點算？請你地番嚟三年 你地做過啲咩 ？」礦麗係佢心目中係比出面扮拖鞋俠嘅人更加無用 佢嘅說話無公信力 拖鞋俠更加唔會落嗒
「唔好咁嬲啦 老闆 飲杯夏枯草先啦..」大幅度又唔知係邊度拎出一支夏枯草出嚟
「大幅度 你唔好做呢項喇 你做魔術師啦 呢度哂左你..」心怡見道
「我而家真係飲唔落 食龍肉都無味呀..」礦麗個火下唔落 佢再望望夏枯草後面 顯示賞味時間己過期
「你係咪玩野呀 過期嘅野飲 你係咪想我死？」礦麗再嬲到上心口
「唔敢唔敢...呢支係道具嚟 我知老闆一定唔會飲嘅..」大幅度安然無恙道
心怡心諗 呢個老闆真係好鬼克人憎
「唔係為左錢 我真係唔會留係度 日日係度呻 搵唔到拖鞋俠都無計 我地又唔係神仙..」
「再搵唔到人 你地就可以試下我炒嘅野 好好食架..」礦麗態度突然180度轉變
無錯
就係炒魷魚
正 佢地好想知道 炒魷魚係咩味道 尤其係老闆煮嘅一定要好好味~
「今日下晝我會出去 呢度交俾你地 醒目啲呀...」礦麗隨後離開會議室
而佢地繼續係度嘆氣...
天大地大 係邊度搵？ 又唔知佢係咩人 真係難過登天
大家都離開會議室
「都差唔多中午 食完野再諗..」心怡提議
「都好 一於去街口食炒魷魚..」大幅度笑道
其實礦麗係到佢地講野嘅 完全無眼睇落去
錢就哂左 但到而家都係得個吉
結果 佢地真係去左街口食炒魷魚
「如果係老闆炒會好啲囉..」尸位素餐笑道
坐係格籬枱就係一位男仔 睇落去都好細個 佢自稱自己候爺
佢走過嚟打招呼
「hi..」
「你係...？」大幅度問
「我係侯爺 你地係唔係搵緊拖鞋俠..？」侯爺問道
「你點會知道架？」心怡見到候爺好奇怪 一定唔係普通人 除非佢都係搵緊拖鞋俠 可能性比較大
候爺好想同拖鞋俠決鬥 而佢地都唔知候爺嘅真正身份
但係咁講 如果要拖鞋俠現身 好簡單 咁....？
到底係咩呢？
....