二月二十二的約定: 1.某種老朋友

Hi大家好呀，又係我鳩豪呀。唔知點解我由出世嗰一刻開始，全身就散發住女人緣。

唔單只係處女座，屋企仲有兩個家姐，之後仲要多咗個阿妹，平時返到屋企就好似去咗街市咁嘈。不過咁樣都令到我知道點樣可以容易啲同女人溝通，所以我喺學校都幾多女仔friends㗎。

不過多女仔friend 又唔等於多女嘅，其實我只不過係a1，仲要一齊咗六個月都仲係step1。唉不過都冇得怪邊個，只能夠怪命運，將我哋安排喺一個唔合適嘅時間一齊。

當2021年大家都仲係俾唔可以有地方名嘅肺炎所煩惱(但係日本腦炎係可以存在)。而我同佢嘅關係亦都係因為咁從而難以維繫，加上大家都係第一次拍拖，種種因素造就咗點解我同佢一齊咗六個月都仲會係Step1嘅原因。而因為學校停咗課，加上我哋好少出街，所以一齊咗咁耐，出街嘅次數其實一隻手都數得晒。即使大家唔係因為long D而分隔，更加唔係什麼網戀對象，而係一對在真實世界存在嘅伴侶，但係我哋嘅關係更加似一對好朋友，可能就係因為咁我哋先至跨越唔到下一步，從此分開了….








林家謙-某種老朋友

能暫時懷念某種老朋友
不過未能共享一葉舟
彼此都處身洪流 如何掙扎沉浮
連回想起當初手牽手也顫抖
就弄明白眼前這對不是該雙手
如輪迴臉龐留在當下也逐漸消瘦
如葉有枯榮輪流 命像悼念長壽





即使我同佢已經分開咗差唔多半年，由當初所有聯絡方法都block晒，到而家漸漸好似可以做返friend。但係我知道，我對佢嘅感覺已經返唔到當初嗰種純真嘅老朋友。

可能到最後只剩低我一個繼續有咁嘅諗法，可能佢已經將我忘記得一乾二淨。即使結局未如理想，哪怕比多一次機會我選擇，我都唔介意輸多一次。因為有佢就足夠啦….


不過之後就唔同講法喇，因為喺不久嘅將來，會有一個改變咗我一生嘅女人出現啦，而佢就係-方書賢 aka我呢一世最愛最愛嘅人。