別人名字，我的姓氏(上集): 14. 為同學出頭

我係學校仲未算係風頭躉，不過自從上次比賽獨取10分之後，有好多同學都會留意我
 
係女校，太過出眾係會引黎閒言閒語
 
所以，我同Annabelle行事都好低調
 
至少冇帶麻煩俾姑姐
 
出奇地到10月左右，都未有人問我屋企嘅事
 




大部份同學只係知道，我有兩個細佬，住西環尾
 
不過，世事往往出奇不異
 
我由細到大，都跟住姑姐長大，姑姐教落，如果遇到弱小嘅人，就一定要幫手
 
今日，我地其中一個比較弱嘅同學好似唔小心得罪左學校嘅惡霸
 
我地比較弱小嘅同學叫Katherine，佢平時係屬於細膽果類人黎
 




驚完呢樣又驚果樣咁
 
當時正係小息時候，Katherine去完洗手間，就想行返課室
 
係走廊上，果幾名F.4嘅惡霸掛住傾計，一下撞低左Katherine，將佢撞左落地下
 
而惡霸件校服就俾自己枝水整濕左，話明惡霸，當然係唔認自己錯先啦
 
「𡃁妹!!妳盲架?我咁大個人係妳面前行妳都睇唔到?」
 




「係…對唔住對唔住…」Katherine一如小羔羊入狼群咁等人屠宰一般
 
「妳整濕我件校服，妳有咩打算呀?」
 
「打…打算?」
 
「幫我抹乾淨佢!!!!」
 
係課室嘅我見到咁樣，點可以唔幫自己同學，雖然我同Katherine唔熟，但係見到自己同學俾人蝦，我唔可以唔出聲
 
「Katherine唔好幫佢!!!!」我邊行邊講
 
Katherine聽到我咁講佢隻手停左一停
 
「喂!抹啦!!」




 
「抹咩呀抹?妳自己行路撞到人先喎」
 
「丫~妳個死靚妹都幾串喎，有咩後台呀?」
 
我後台真係大到妳唔信喎
 
「我冇後台嘅」
 
「呵!妳冇後台仲咁串?我媽咪校友會嘅，妳小心d啦」
 
哦~關我L事
 
「我地呢到咁多人望住妳撞到人先喎」
 




「妳邊隻眼見到我撞人先呀?」
 
正係我地想反駁佢果時，我地隊長出現了
 
「我都見到呀，得未呀?」
 
Isabella撓住雙手企係佢地後邊
 
「呵，Isabella妳幾時學人收靚呀?咦?呢個靚妹好似排球隊架喎」惡霸指住我講
 
「係呀Kelly，佢係我排球隊嘅人，得罪妳麼?」
 
「呵~我今次俾個面妳地隊長，下次妳睇路呀靚妹」
 
說罷，Kelly就返左去佢自己班




 
「Jasmine，妳地幾個冇事嘛?」
 
「冇…冇事」
 
「妳地最好唔好招惹Kelly，佢有校友會做佢後台，妳地係排球隊，佢一定會對付妳」
 
「隊長，佢係咩人呀?」Annabelle問起
 
「佢嘛，前兩年係我地嘅主力高手，只不過太自負，俾小龍女逐出校隊」
 
「所以佢見我地係排球隊就咁憎我地?」
 
「可以係咁講啦，好啦，返去上堂啦」
 




其時上堂鐘響起，大家都返埋位準備非洲河流之旅
 
食午飯時，我照舊食媽咪嘅飯盒，Anabelle就食佢屋企嘅飯盒
 
「請問…」有一把好細嘅聲出現，我地抬頭一望，係Katherine
 
「咩事呀?Katherine?」
 
「呀…我可唔可以…坐低?」
 
「當然可以啦」我笑住講
 
「頭先唔該哂妳地呀…」
 
「傻啦，大家同班，唔洗咁客氣喎」
 
Katherine坐低係我地身邊，佢一見到我個飯盒d飯時同Annabelle第一眼見到果時一樣
 
兩隻眼就快跌出黎咁滯
 
咁今日個飯盒d飯又多左少少嘅
 
冇解，尋晚係浩揚個死仔包幫我裝飯