別人名字，我的姓氏(上集): 7. PE堂

打開飯盒，媽咪煮咩俾我，我都會照食
 
今日有：菜芯炒牛肉、咕嚕肉
 
其實尋晚仲有魚嘅，不過冇理由要留魚掛
 
就咁兩樣都已經好好食。如果我冇估錯，姑姐應該係教員室食緊薯片
 
Annabelle望一望我個飯盒，份量比佢多好多
 




冇錯!!我係一個飯桶!!!
 
「Jasmine….妳真係食得哂架?」Annabelle碌大隻眼望住我個飯盒
 
「我當然食到啦」
 
「但睇妳身型都唔似喎」
 
「媽咪遺傳，食極都唔肥」
 




Annabelle聽到我咁講之後，立即面露羨慕之色
 
「妳就好啦，我食多少少都易肥」
 
「咁妳平時做多d運動咪得囉」
 
「係呀，所以我咪打算參加校隊囉」
 
「妳打咩波先?」
 




「排球囉」
 
「咁就可以睇妳著短褲打波個樣囉」
 
「下?有咩好睇，我有嘅野妳都有呀」
 
「嘿嘿，睇人地好過睇自己嘅….」我色瞇瞇眼光望過去
 
「下…妳…les架?」
 
「hahahaha，我當然唔係les啦，我係100%鍾意男仔架」
 
Annabelle望到我實一實，個腦不停轉不停轉
 
難道…佢係les?




 
「Jasmine妳好似一個人喎」
 
唔會係似姑姐呀?
 
「邊個先?」
 
「妳好似個Model Renee Li喎」
 
佢咪又係les，不過佢又真係幾靚女嘅，而且個胸仲要唔少野
 
再望下自己個胸，其實我都開始有，一定係遺傳自媽咪
 
食完lunch後就上一堂，之後就係PE堂
 




成班女仔就咁係課室換衫，大家怕咩呢?大家都係一樣
 
F.1妹平胸係好正常嘅，不過有D同學都開始有胸啦
 
大家一齊上PE堂嘻嘻哈哈，有人跳繩，有人打羽毛球、籃球之類
 
我就坐埋一邊睇下Annabelle同其他同學打排球
 
我係小學果時都間唔中打下排球，而且，我左右手都一樣咁靈活
 
唔單止我，我兩個細佬都一樣，兩隻手都可以寫字
 
可能係唔夠人關係，Annabelle過黎拉我起身一齊打波
 
「黎啦Jasmine，唔好坐係到啦，坐得多個屎忽會大架」然後佢一下拍落我屁股到




 
於是，我就咁起左身去打排球
 
大家都係純粹互相猜下波咁
 
體育老師就係我地身邊望住打排球嘅同學
 
媽咪話過，佢係排球校隊教練，佢會係體育堂果時留心下有邊d同學有潛質加入校隊
 
今日，佢將目光放左係我身上
 
「bb!!打排球嘅同學，分為兩球打下比賽」
 
我地係老師安排下分左兩隊，而我就被安排去主攻撃手位
 




Annabelle不停咁將個波二傳俾我，而我就根據自己嘅本能，升高，再扣殺
 
成功咁扣左幾球波出黎，仲要係左右手扣殺
 
老師見到我咁樣，雙眼就立即發哂光咁
 
如無意外，佢應該係想我加入排球隊
 
體育堂完結，我地嘻嘻哈哈咁行返上課室換衫
 
「喂Jasmine，估唔到妳打排球咁叻架喎」其中一個同學對我講
 
「係囉，仲左右開弓添，妳應該叻過高Form果d大姐姐喎」
 
「可能Miss LUNG會叫妳加入排球隊都唔定喎」
 
「我呢d撞手神者，我好彩咋」
 
「如果妳打波真係叻，唔好浪費天分喎」
 
「我邊有時間丫，我放學仲要去湊兩個細佬，肯定冇時間練波」
 
當我換好衫後，一出課室門口，體育老師已經係門口企係到等我