沙頭角與長洲的距離(重修版): 九十六.

「可能要搞快啲，一間要出去。」我點煙：「冇啊，都係同條女啲嘢咋嘛。」

其實係我都唔知點講。

「睇你個撚樣都講唔出架喇。」龍叔嘆氣：「總之就記得及止損啦。」

講完同冇講一樣。

雖然我哋都算整得快， 但始終冇咗文叔真係差好遠。





電話響起，係啊恩。

我：你打嚟就啱喇。

正想同你講你今日唔去。

恩：你收未啊？等到變化石喇。

我：今日都係算啦。





恩：我屌啊！咁你想幾時去啊？

唔知點解，我覺得佢唔係好嬲。

我：星期六囉。

唔洗趕返去。

恩：咁你到時再Call我啦。





我：再講啦咁。

一Cut線，時間就嚟到禮拜六。

今日文叔喺到，所以我哋嘅進度可以話係極之理想。

我收工之後就同龍叔、文叔道別，自己嚟到碼頸。

啊恩喺隻船泊緊埋岸嘅時候打咗過嚟，啲時機可以話係計得啱啱好。

我：你打嚟就啱喇，我準備上船啊。

你最好就棟定喺碼頭等我，唔好要我等返你轉頭。

恩：我一間喺碼頭接咗你先。





咁就差唔多。

我：咁好啦。

到咗再見。

恩：你洗唔洗話買枝花咁啊？

都好啫。

我：想架，但而家咁夜仲有咩？

賣花嘅應該唔會開到咁夜架。





恩：你想就有架喇。

咁呢單嘢就靠曬你。

我：一陣見。

我收線之後就上船䟴咗差不多成個鐘，嚟到長洲一落船就見到啊恩。

佢都係嗰套衫、嗰頂帽，不過手上面就多咗枝玫瑰花。

「喂！」我行去佢身邊：「等咗好耐啊？」

通報咗架，等再耐都唔關我事。

「一陣咁啦。」佢遞枝花比我：「拎住啦。」





我接過枝花，之後就同佢一齊行去啊晴屋企。

我望住枝花：「你覺得佢收到會有咩反應？」

會唔會好似啲笑片咁開心到彈起呢？

「鬼知咩？」啊恩反白眼：「到時咪知囉。」

都係啫。

我哋轉入啊晴屋企條巷，見到眼前畫面嘅我差啲忍唔住屌咗出聲。