沙頭角與長洲的距離(重修版): 六十六.

我換完衫之後就衝咗出門口，一上車就即刻打比啊晴。

「喂，做咩啊？」佢問我。

你啱啱叫我嚟搵你架嘛。

「我嚟緊架喇。」我答佢。

好快就到架喇。





「你今日唔係要返工咩？」

係架，不過聽到你話落唔到床咁嚴重咪請咗假嚟搵你囉。

「唔係啊，今日唔洗我。」

其實點會無啦啦唔洗我吖，純粹就係唔想你有咁大罪惡感咋嘛。

「咁好啦，你嚟到長洲同我講聲啦。」





好快架喇，等陣啦。

//

我好快就嚟到碼頭，上船之後啊晴就打咗過嚟。

「喂，做咩啊？」我問佢。

嚟緊喇，等多陣啦。





「你一間幫我買碗粥上嚟得唔得？」

你係我女朋友喎。

「梗係得啦。」

買間粥鋪比你都得啊，如果我有錢嘅話。

「咁我攤陣先，你上到嚟撳鐘啦。」

不如你開定先？

「你依家冇咁痛嘅話不如開定門先？」

你一間可能仲痛。





「都好。」

開門通下風都好。

「咁你開完門就攤定等我上嚟啦。」我望咗望Mon頂條Bar：「我就嚟收唔到喇，掰掰。」

SMT真係越嚟越垃圾，遲早轉撚咗個台佢。

「掰掰。」

不過我搭緊高速船，所以唔緊要啦。

//





我唔洗九個字就嚟到長洲，買咗碗白粥就行咗上去。

上到去果然開咗門，我入咗去就順手閂返。

「你嚟喇。」佢喺睡房趷個頭出嚟。

「係啊。」我行入去將碗粥擺喺化妝台枱上面：「係咪依家食啊？」

佢扤咗扤頭，所以我就拉咗張凳出嚟坐。

「你比個頭我。」我拎起碗粥：「我餵你。」

「好嘢，有人餵！」佢伸咗個大懶腰：「啊，好痛。」

「瞓定定啦死人頭。」我撳返低佢。





「好啦好啦，咁你餵我啦。」佢瞓返低。

我滭起一羹粥：「擘大口。」

佢就咁瞓喺到食殘廢餐，而我大概用咗佢平日食嘢所需時間嘅三倍先餵佢食曬成碗粥。