[中六續集][愛情][懸疑？]擁抱，失憶(重修版): 六十一.

「知道喇傻婆。」我搲咗搲下巴：「係肥婆先啱。」

食咁多嘢仲唔變到肥嘟嘟？

佢輕輕咁打落我手臂到：「你就肥，成個相撲選手。」

「係啊係啊，兩個相撲選手咁肥添啊。」我伸脷。

其實要等下架接駁巴都唔洗好耐，所以啊晴都冇咩怨言。





我哋好快就等到下架接駁巴，但因為星期六真係好多人出街，所以我哋上車之後都只可以逼喺後門。

「扶住我啦。」我同佢講。

你會仆親架傻婆。

「唔要。」佢戚起個鼻，雙眼瞇成一條線：「我大個架喇！」

係喇係喇。





「你自己話事啦。」

一間你仆到個鼻塌咗就唔關我事架喇。

「我先唔會⋯」

話口未完，架巴士就嚟咗個急煞。

佢掛住駁嘴根本反應唔切，好彩我拉住咗佢。





「都話咗你架啦。」我輕輕篤咗佢額頭一下。

係咪呢，就講就仆喇。

佢伸盡條脷：「咩喎，唔計啊！」

玩無賴嘅。

「咩唔計啊？」

仆就係仆，邊有分點仆架？

我繼續追擊：「你咁⋯」

然後，佢錫咗落嚟。





「你⋯」

佢再錫多下：「仲嘈唔嘈啊？」

拍咗十年拖，但我面紅。

「我⋯我唔嘈喇。」我口都窒埋。

口都窒埋，仲點嘈？

「咁就乖喇。」佢搣咗下我面珠墩：「傻佬。」

//





我哋好快就嚟到大埔火車站，而去大尾督嘅小巴都好快就到咗。

上車之後佢好快就挨住我瞓著咗，而我攬住佢慢慢咁、輕輕咁、有節奏咁拍佢背脊。

兩個人一齊得耐真係會越嚟越似樣，以前得我係睡魔，而家就連佢都變埋睡魔。

準確啲嚟講係睡魔后，因為⋯

你懂的。

不過佢有樣嘢從來冇變過，嗰樣嘢就係佢個瞓教樣。

佢個瞓教樣依然都係咁似豬仔，都係咁得意。

淨係望住佢個瞓教樣，望耐少少可能真係會整融我個心。