《我老婆唔係我女朋友》【那些年／九十年代學界／真人】 第七章全新中篇！: 【後記】 廿五年後（１）
【後記】廿 五 年 後
「你睇吓連登仔又有潮文喇。」
午飯時大家擠在茶記，飯菜未上枱前，碌碌手機是常識吧。
「嘩～條友無端端走上條囡屋企，梗俾人當癡漢啦。」團隊中的System Engineer阿Ken繪形繪聲。
「喂～Send出嚟大家睇下啦。」佢掃把Simon催他開心「些牙」。
「叮叮～」
手機響起，是Ken轉發出來的群組訊息，條link是連登的一則帖文。
內容是樓主想送上貼心奶茶去暗戀對象的屋企，誰知道不但被人誤解、unfriend，最後還惹上官非！我心中一凜，仆街～點解事發情況咁似我後生時候嘅？我簡直懷疑係我自己出po。
嗯～嗱嗱聲轉寄畀老婆睇先！
「咦？腦細，又話老花眼要用少啲電話嘅？好少見你係噉碌手機喎。」Simon是我屬下的工頭，跟我直接匯報的，是個比較多口的人。
「多事啦你～」我這經理一向都無甚霸氣，下屬對我都是無大無細，都是拜讀書時不停被人提醒做人不要囂張所至。
「嘟噹～」
自定的訊息聲響起，是老婆回覆我的轉寄了。
