《我老婆唔係我女朋友》【那些年／九十年代學界／真人】 第七章全新中篇！: 【第八章】 每天愛妳多一些（２）
清唱的歌聲輕柔婉轉，居然幾好聽呢。
「哈，村姑即係村姑，唱山歌都唱得幾好聽喎。」我當然不放過串她的機會。
她橫我一眼：「以前都有同Lulu佢哋去唱K嘅，返教會又有唱啦，點會唔唱啫。」
「噉點解妳嗰次唔唱嘅？」我仍舊重複先前的疑問。
「噉有個傻仔扭計唔唱嘛，我咪陪佢唔唱囉。你知啦～嗰個傻仔大男人到不得了，我唔陪佢又唔開心啦。」阿心慵懶的慢慢說。
雖然說話句句有骨，但我卻愈聽愈爽。哈，原來佢去唱K時已經對我有感覺了～
聽到她唱歌，醒起我應該要「找數」，送返首歌畀佢喎。「我買咗隻碟畀妳，用嚟回禮妳餅帶，輪到妳聽下估唔估到改編咗邊首歌？」
取出隻《真夏の果実》CD，一人戴一邊耳筒就播了起來。
聽完後我再問她可有估到，聰明伶俐的她當然識穿我這借刀之計，記得去跨年舞會時，她說過如果有人借故問last dance的歌名，實在是想借歌名表白，因此last dance的選歌會份外有心思。
「我唔知～費事一陣有人話我肉麻，你講我知吖～」小野蠻眼睛微微瞇起嗡鼻的指示。
「呃…」估唔到被她反將一軍，不過小野蠻蠢蠢欲動，只好笠水遵照女王指示做了。
「．．．．．．．」我湊在她耳邊低聲的說。
「嘻，算你啦。」阿心低頭蜻蜓點水的親我一口，輕聲說：「我都係。」