《我老婆唔係我女朋友》【那些年／九十年代學界／真人】 第七章全新中篇！: 【第七章】 試身室風雲（２）
兩男一女浩浩蕩蕩走到蘭芳道BIG JOHN門市，剛好是晚飯時段，顧客不算多，Lulu一次過取了長裙、短裙和牛仔褲，興沖沖的入了試身室，我們還偷聽到她只有24寸腰圍，仆街我34喎…
兩條傻仔尤如侍候皇太后一樣，在試身室外站崗。
「喂你又會嚟陪佢癲嘅？」百無聊賴下我問Leon。
「哦，佢頭先排隊玩激流時乜都爆晒我聽啦，約咗總舵主吖嘛，噉佢叫我幫吓眼，我又無嘢做，無所謂啦。」Leon也認識總舵主的。
「吓！佢連約咗總舵主都講埋你知？」我不禁搖頭，這女生真的口沒遮攔。
「係吖，係就係口疏啲，但個人率真嘛，都唔錯呀。」Leon隨口的讚道。
聽到他的稱讚，我有點異樣的感覺，印象中今天是他第二次不經意表達出對Lulu的好感了。
這時Lulu在更衣室內大叫：「喂阿仁你喺唔喺出面呀，入嚟幫吓眼吖。」聲音大到附近的客人也聽到，紛紛偷望我們莞爾而笑，我和Leon則老尷得不得了。
只好湊近更衣室門口，隔著布簾低聲的向裡面說：「鬼整妳咩，我哋點入嚟呀，妳著好出嚟畀我哋睇啦，仲有唔該妳拉好拉鍊扣好鈕先出嚟呀！」嘿，大家不用誤會這個傻大姐想暗示甚麼，也不用懷疑本肥矮毒是不是突然魅力過人，事實是Lulu為人率性又無甚主見，經常倚賴他人，平日被心媽照顧慣了，否則也不會狂刮她一起去買衫，再者就如她所說，佢根本就當我是姊妹…