《我老婆唔係我女朋友》【那些年／九十年代學界／真人】 第七章全新中篇！: 【第七章】 天梯解密（２）
嗯…老表應該都玩得嘅，我暗暗在心中評估著。「好吖，行啦。」
水上樂園有兩款以樓層高度計的巨型滑梯，當中的「五彩天梯」是依山坡而建，高三層樓近乎直角90度，筆直大概長75公尺的巨型滑梯，坐在上面一衝而下，單純的、兜口兜面的毫無技巧，最高時速達20公里，它設計成中間有一小段較平坦又稍為向上兜的緩衝區，實質用途除了避免你失速一瀉到底外（其實人在滑水道中根本無可能剎掣），還會製造一下驚心動魄的離心力，令人屁股稍微騰空，非常癲喪刺激！
「五彩天梯」共有五條滑道，分ABCDE五個滑梯口，雖然配上五種顏色，但實質五條並無分別（不同於另一款遊戲「巨型滑水梯」，每條滑道有不同），而且玩法直接，流轉速度快，所以基本上是不用排隊的，只需在閘口統一輪候。
在排隊等候時，我跟阿材說：「等一陣我玩先，跟手我喺下面等你，下面接地嗰度好淺水，浸唔死嘅唔使驚。」
老表和Winnie第一次玩，又聽到在玩的遊人不斷慘叫，貌似有點淆底。
其實玩滑水梯基本上是無甚危險的，但卻是水上樂園最常見的走光位，強大衝力令泳衣移位時有發生，滑完後不論男女都好似穿T-back一樣，泳褲下擺給啜了起來，磨爛泳衣更是司空見慣，所以識玩一定著波褲玩就唔會出醜了，我見他們兩個都聽話穿了波褲就唔理佢哋了。