《我老婆唔係我女朋友》【那些年／九十年代學界／真人】 第七章全新中篇！: 【第七章】 火雲邪神現真身（１）
火雲邪神現真身
我站起來望向攣毛那邊，好像有人彎腰低頭正在跟她說話，嗯～看那窈窕婀娜的背影，似乎是女人來的，快步行過去時，邊行邊問妹豬。「喂，好似女人嚟喎，會唔會係攣毛啲姨媽姑嗲呀？」
妹豬跟我小跑著，邊喘氣的答我：「唔係呀…係火雲邪神嚟㗎。」
我拉著妹豬急急剎停腳步，正色的問她：「喂講清楚先，乜邪神係女人嚟㗎咩？我記得佢係攣毛個老師？」確實上次討論「倒立」時，只是想當然的以為是男邪神。
「係呀，佢好惡㗎，所以叫你去救攣毛。」妹豬仍然理直氣壯的說。
我把幾火，氣得想殺人，也禁不住對細路都粗俗一點了。「仆…頂妳咩，我仲以為真係有危險，差啲衝埋去打窒佢呀～老師點會害佢㗎，由得佢哋啦，搞到我仲差啲打女人…」
「唔係哩，仁呱瓜求你都係去睇下先啦。」妹豬憂心忡忡的求我。
唉～我一介廢青，點可能抵擋邪神嘅「黑級浮圖」呀，義診唔包同啲咁嘅級數高手過招喎，但想想個場好歹都是我哋（肥直）睇嘅，過去瞭解下都合情合理，不至被人擊殺當場吧。
當下只好硬著頭皮，行到邪神背後問攣毛。「喂攣毛，無事吖嘛？」
邪神仍然背著我，彎腰低頭問攣毛。「吳家麗，佢叫攣毛係唔係叫妳呀？」邪神的聲音溫婉都不太惡，聽起來有點耳熟。
「哈，攣毛妳叫吳家麗咩？」我萬分驚訝。自從吳家麗做過張國榮《Monica》MV的女主角後，在廢青堆中都有一定的知名度。
《Monica》 張國榮
https://youtu.be/DrObw7s56i4