《我老婆唔係我女朋友》【那些年／九十年代學界／真人】 第七章全新中篇！: 【第七章】 別離後至需要妳（３）
肥直接著簡介了他寫的課程內容，教學對我來說是易過借火，當下也沒有甚麼再問：「哦，知道喇，我收埋啲紅帽仔去locker先。」泳池是有專用的儲物櫃讓泳會放置訓練工具的。我想了想又問肥佬：「阿直呀，上次嗰啲習泳班宣傳都係你作㗎？」
「咩呀，呢張？肥婆搞㗎。」他在褲袋中掏出那張早幾日給我看的那張文宣。
「唉～不如你下次作埋畀佢啦，搞到舞獅班咁。」我身為導師都覺得有點醜：「『廣結良朋，街坊聯誼』，我真心想死呀。」
肥佬嘴角帶笑的說：「噉作乜嘢好呢？阿仁教練。」聽到我數落肥婆的創作，他的心情也好起來。
「嗱，袋錢入你袋啦黃教練。夏天嘛，梗係『溝仔溝囡學游水』，你想爆啲嘅，可以『操！操！操！』，哈哈哈哈。」
就是這樣，我胡裡胡塗又有暑期工做了。
接下來的日子比返學時更忙碌，星期一至六都泡在麗池，二四六的習泳班其實只是日常泳會工作的入門版而已，無額外技巧之餘多點耐性就可以了，有時中午落場或晚上開工前就蛇去士多探吓女友。
阿心趁放假將頭髮剪短了，長度剛過耳朵，我迷戀的暗黑馬尾沒有了，名副其實的村姑look，她說方便去旅行時容易打理喎，又賴我終日笑她頭髮枯黃開叉，所以乾脆「砍掉重練」。
原本我在暑假的「鴻圖大計」是不務正業，終日無所事事的有空就粘著她，所以她一早就篤定，在她們兩家人外遊時，由最有閒情逸致的我來負責定期巡察舖頭，避免太長時間無人出入惹賊光顧。