《我老婆唔係我女朋友》【那些年／九十年代學界／真人】 第七章全新中篇！: 【第七章】 表哥與表妹（２）
那知道Leon搶著向阿材說：「阿材，阿仁條廢柴唔𠶧㗎，你見佢上次傷咗死吓死吓噉，比賽又『梗頸四』就知佢咩嘢料啦，我幫佢頂！」
他接著「篤」住我心口對我說：「喂，接Winnie生意，你問准阿心未呀？」
阿材幾乎跟Leon在唱雙簧，好奇的問他：「係喎，呢個阿心係阿仁教練，應該勁啲，似乎我搵佢幫手仲好喎。」
我登時哭笑不得：「咪…咪住先～我門小你玩嘢呀，淨係得我有救生員資格咋喎，你都無去考，點幫人呀。」我記得Leon當年無考牌的，話做救生員太辛苦。轉向阿材落嘴頭：「嗱阿材，唔好理佢，一於搵我啦。」
「誒…我想話…」阿材囁嚅著。
「阿材你聽我講先，頭先你都聽到我同佢教練幾熟啦，我肯定佢教練唔會畀佢接呢單job㗎，我係你唯一嘅選擇。」Leon打斷了阿材的說話。
「誒…其實呢…」阿材努力的想完成他嘅發言。
「唔係哩，阿材你聽我講先…」我試圖繼續遊說阿材。
「欵～欵～兩位稍安勿躁，且聽小弟一言。」突然阿材提高聲線打斷我們，終於搶返個發言權。
「其實呢…」阿材又再推推眼鏡，好整以暇的說：「Winnie係識游水嘅，想搵人傍住嘅其實係小弟至真，小弟唔識游水，好驚浸親。」
虧佬底嘅阿材又真係入型入格地唔熟水性嘅。