【校園／愛情】戀上鄰家女孩（布甸篇）: 7. 最後排的小福利

加更福利到，挑戰一星期五更～

「我無事啊...曉琳你唔使咁擔心啊…」眼前呢個令我朝思暮想嘅女仔，而家一臉愧疚咁望住我。原來呢把間尺唔係咩報應，而係上天賜俾我嘅良緣… 

「嚇死我啦，無事就好啦。」 

頭先我一味掛住望住呢個女仔對腳，竟然無為意到原來佢係曉琳，唔知道佢有無發現我一直偷睇佢對腳，但係而家曉琳呢個姿勢，我唔只睇到佢對小白襪，仲可以欣賞到佢春光乍洩... 

因為曉琳只係曲膝咁踎喺張凳上面。 





兩腿之間嘅罅隙，根本無辦法阻擋女仔最神秘嘅三角地帶。 

我連忙將視線向下移開，同時間我發現懲罰我偷𥄫曉琳嗰把間尺跌咗喺凳底，於是我嘗試摀低身伸手執返起俾曉琳。 

我感覺得到，喺執間尺嘅呢個時候我輕輕抬起頭，就可以超近距離、鉅細靡遺咁望到曉琳條白色小底褲，我內心隻魔鬼已經不停咁慫恿緊我。 

「而家唔望就無機會㗎喇！曉琳而家咁樣坐，分分鐘現晒形任你睇！」 

欸…望一眼應該唔使死？如果純粹係眼珠就咁碌向上偷望一下，曉琳應該都唔會發現到掛… 





「如果俾我知你傷害佢嘅話，我實唔會放過你㗎！哼哼！」 

咦？點解突然間又會有把天使嘅聲音出現。唔係喎，如果我選擇乘人之危，專登去睇曉琳走光，咁我咪即係傷害緊佢？ 

天人交戰之下，最終俾我望到曉琳…對黑色學生皮鞋，放咗喺家樂張凳近住走廊嘅嗰邊，個款係公主式綁帶扣平底鞋，令擸擸真係好靚… 

但正所謂君子不立於危牆之下，此地實在不宜久留，如果俾曉琳發現我偷𥄫佢對皮鞋同樣都會死得好慘，分分鐘以後唔再理我都似，所以我一手擸起把間尺，坐返直個人。 

「呼，你把間尺啊。」我用手掃走間尺黐住嘅灰塵，再還返俾曉琳。 





「唔該你啊。」跟住曉琳又企返起身，繼續踩住家樂張凳，拎住把間尺喺塊壁報板面前度尺寸。 

呢分鐘所發生嘅事，直覺話俾我知，如果就咁執書包返屋企簡直係浪費生命，而家曉琳正正就係我隔離，況且嗰幾個女仔仲喺黑板畫緊草圖，同我哋有一段距離，而四周圍亦都無其他同學。 

換言之，呢個係我同曉琳獨處嘅寶貴機會！ 

「曉琳。」我輕聲呼喚佢。 

「嗯？」曉琳擰過頭回應道。 

「不如我幫你啊？你企到咁高好危險…」我說。 

「唔使啊，我差唔多度好啦。」曉琳回應。 

唉早知唔問喇，而家俾曉琳請我食檸檬。 





咁…都係快啲執好書包返屋企算。 

「陳佑男你咁早就走㗎！」臨起身之際，曉琳突然間又踎咗喺張凳度問我。欸…你話晒都係女仔人家，顧下儀態好啲喎。 

「欸…」一時之間唔知點答好。 

「你陪我去文具鋪吖，我哋要買壁報板紙。」與此同時，曉琳轉身著返對皮鞋。 

點解啲女人咁奇怪嘅，明明上一秒話唔使你幫，而家又要你陪佢去買嘢，主意可以轉得咁快。 

「哦..好啊。」 

而且佢好似已經假定咗我一定得閒咁。 





「等我攞埋銀包先。」曉琳急急腳走返埋佢個位度，我就放返低我個書包，然後就跟住佢一齊行出課室。 

老實講，雖然我識咗佢已經有三年，但係以前佢同子瑜糖黐豆咁，所以基本上我又好少同佢有獨處機會，而家兩個人並肩行竟然有啲尷尬，更莫講話我又鍾意咗佢，氣氛真係有啲唔知點好。 

總之就係，無咗子瑜喺度，我好似唔係太識得單獨同曉琳相處，唔知講咩好，但而家想追佢嘅人係我，應該點都要搵啲嘢講吓？ 

講咩好呢？... 

「你同子瑜係咪有啲咩秘密？...」點知俾曉琳搶先，仲要一嚟就問咗條尖銳到我唔知點答嘅問題。