[少甜][愛情][校園][真人真事改編] 自從我爸爸過左世，我遇上左佢: 21
「幾好波啊，係一場幾精彩既比賽。」Henry打完之後坐左喺我隔離。
「咁你... 會唔會肯入隊幫下我地手?」佢講得好撚謙卑。
「笑死，其實我本來就會黎選拔。」我笑左笑咁講。
「太好啦咁! 不過你聽日唔洗選拔啦，留返啲機會比其他人，你會直接咁加入我地。」Henry好似放下左心頭大石咁。
後尾佢就返左去藍社嗰度，而我就坐多左一陣。
「你係咪同左Form 3嗰個女仔一齊?」有把女聲喺我隔離問我。
「哇屌，嚇撚死我咩。」我太專心諗緊野，冇留意隔離坐左條女。
原來係思穎黎。
「係啊，我同佢一齊左。」我冇特登隱瞞。
「點解既?」佢個樣睇落好撚頹。
「我鐘意佢，佢鐘意我，咁咪一齊囉。」屌，關你撚事咩。
「原來係咁... 哈哈... 咁我唔阻你啦。」佢講完就起身走左。
屌，神神化化咁，好撚奇怪。
後尾我都冇再坐落去，起身準備返屋企。
你問我岩岩諗緊咩?
其實我擔心緊一陣一樣好重要既野。
哄返夢兒姐姐。
一路行返去一路諗
一直以黎，我同夢兒姐姐相處既一點一滴。
到底我做錯左啲咩事我自己唔知呢?
我諗緊都諗唔撚明。
唔通真係我講嗰個大話? 我話係同隊友去食飯，但實際係同詠兒姐姐出街?
咁又有咩好嬲呢? 同埋佢又點知呢?
我總係覺得有人搞鳩緊我。
但我又真係冇證據去證明wo。
屌，真係好撚煩。
唔通我真係要同夢兒姐姐咁樣冷戰落去?
諗下諗下已經行到返左屋企，入到屋，一個人都冇。
應該話，夢兒姐姐應該喺間房入面。
我行到佢房門口，敲左對門幾下，都係冇人應。
今晚媽咪佢地唔會咁早返，即係話得番我同夢兒姐姐兩個人。
「夢兒姐姐!」我大叫。
「夢兒姐姐你喺唔喺度啊!」
「對唔住啊，你應下我啦!」
「希希知錯啦! 你應下我啦!」
我嗌左幾下，佢都係冇理到我。
心灰意冷既我，最後都係入番房。
夜晚八點幾，平時呢個時候夢兒姐姐會黎叫我一齊食飯。
今日，呢件咁平常既事，都係冇發生到。
我出左廳到整左個杯面，到最後食埋之後夢兒姐姐都係冇出到黎，我又入番房。
我喺張床到等左成晚，完全聽唔到夢兒姐姐開門。
最後我都係等到訓著左。
今日放學之後係籃球隊選拔，同時都係籃球隊既訓練。
上堂都冇咩特別野，都係我訓教，然後比人屌，之後又訓番。
不過今日晏晝就冇同詠兒姐姐食飯，因為佢話約左Christy姐姐。
所以我買左個撈面，食完就返左課室到訓教。
有時我都懷疑自己點解可以訓咁多教。
放學之後我就衝左去更衣室到換衫換鞋。
籃球隊訓練同社籃訓練差好多，啲人仲早過我到。
睇黎大家都好重視下。
去到籃球場，發現真係好撚多人。
應該話好多我地級既人黎選拔，本來係籃球隊既就已經自己射緊波。
而同我同級既就全部企哂喺度，驚驚青青咁，好撚on9。
我唔理佢地，自己去左買朱奶。
之後坐左喺隔離到飲。
「嘻，睇黎小王子都係逃唔過要選拔。」梓軒都有黎。
我都懶鳩得理佢，擺低包朱奶就出左去射波。
梓軒就繼續喺我岩岩個位到。
好快Henry同教練都黎左。
「Form1 黎選拔既過黎我呢邊。」個教練嗌。
「籃球隊既過去跟Henry熱身先，我搞掂選拔就過黎。」個教練繼續講。
我當然就同佢地去左熱身啦，雖然我見到嗰班中一既好多都好奇點解我可以唔洗選拔。
鬼叫你地廢咩。
熱身既內容都係嗰啲平常野，拉筋跑步射波。
好快佢地嗰邊選拔都完左，所有人都返屋企等消息。
「Stop。」個教練過左黎嗌。
我地都圍哂圈咁。
「今日喺度既都係A grade，而我只想make one announcement，歡迎周喻希，我地A grade既新幫手。」教練講。
周圍既人都唔太意外，因為大家基本上都算識，好多已經喺社籃到見過。
大家大致上認識左一下，之後就開始走下form，做下啲訓練。
最重要既當然係最後既五打五練習賽。
我地分完隊之後我見到詠兒姐姐都黎左睇我練波。
略略咁同佢打左聲招呼，飛左個吻就開波。
我同阿鋒仲有另外三位師兄一隊。而對面就係Henry，牧楓仲有嗰個綠社既大前鋒加兩位師兄。
係wo，點解我唔介紹下其他師兄既名?
信我，梓軒仲勁過佢地，單係睇佢地訓練已經知。
我同阿鋒因為喺社籃已經夾過下，所以大致上都知點樣配合。
阿鋒上黎幫我pick左下，對面兩個人貼哂上黎，我就直接吊波比佢入去打。
而對面就比Henry單打，佢既實力算係幾唔錯，仲組織左幾波進攻入波。
最後都係我同阿鋒羸左，比分就唔講啦，廢事傷佢地心。
「喂周喻希，你真係好勁。」Henry飲緊水嗰時同我講。
「ok啦，過得去，同埋你都係叫我希仔或者希希啦，唔係好慣人地叫我全名。」我講完就去左揾詠兒姐姐。
「我幫你抹下汗啊希希~」我同詠兒姐姐坐左喺長椅到休息。
「唔該詠兒姐姐! 好耐冇見啦我地。」其實冇見十幾個鐘啫。
「咁... 不如我等你換埋衫一齊去行下街?」詠兒姐姐提議。
「好啊! 咁我宜家去換衫先!」我即刻衝左去更衣室。
換返校服之後揹埋書包就同詠兒姐姐出學校。
「Yeah! 終於可以同詠兒姐姐拖手手!」一出到去我就拖詠兒姐姐。
「衰豬! 會比人見到架!」詠兒姐姐雖然咁講，但都仲係緊緊咁握住我隻手。
「唔制! 我唔會鬆手架!」我扭計。
「係啦係啦~我都唔會放手架bb。Mua~」詠兒姐姐趁我冇留意鍚左落我塊面。
果然，同詠兒姐姐一齊既時間係最幸福既。
我地行左入間賣玩具既舖頭。
「哇呢隻熊熊好可愛啊。」詠兒姐姐雙眼發哂光，好似細路女咁。
「你鐘意?」我問。
「嗯，好得意啊。」詠兒姐姐仲攞住隻公仔。
我拎起隻熊公仔，就去左比錢。
「多謝bb!」佢接過隻公仔之後講。
「我bb開心就得啦!」我摸一摸佢個頭。
之後佢又矯住我隻手，我地又繼續行下。
路過一間賣零食既，我地又買左少少一邊行一邊食。
又買左杯珍珠奶茶，佢一啖我一啖咁飲。
呢幾日本來都幾攰同好煩惱，但宜家放鬆哂lu。
我地冇食到飯，因為就咁行下街買下啲小食已經飽。
差唔多九點我就送左詠兒姐姐返屋企。
「bb，你漏左啲野啊。」我地到左佢樓下。
「漏左啲咩啊?」我有啲疑惑。
佢行到我面前，一下鍚左落我個嘴到。
我即刻攬住佢，鍚左足足一分鐘。
詠兒姐姐既嘴唇好軟，好暖，好舒服。
發現鍚係真係會上癮。
「下次記得goodbye kiss啊，bye bye bb。」我地放開左對方之後佢就上返樓，而我就啟程回家。