致 親愛的。: 生日快樂。

生日快樂。呢一日，係我地分開咗之後，你嘅第三個生日，終於你都踏入20歲啦。

我同你嘅生日，隔咗一個禮拜，我今日嘅生日願望，係想同你講生日快樂。

第三個年頭，唔知你習慣咗未呢，我未。

個一年你同我講過，唔畀我生日自己一個過，以後每一年都會陪住我過。今年同之前一樣，攞返起呢張卡，望住床頭你送畀我嘅公仔，開始一啖又一啖咁飲起。

「因為我不知道，下一輩子還是否能遇見你
所以我今生才會 那麼努力 把最好的給你」





你仲記唔記得我地有個to do list，不知不覺間，我淨返兩樣嘢未做
1.搬出嚟住 2.娶妳💜

點解我會選擇暪住你，點解我要驚你鬧我唔識錫自己
但係我只係想，高危嘅工，最搵得錢。
我喺梯架度跌落地下，壓親手腕，入左醫院，
第二日見你，我暪住你話係舊患，
只係唔想你鬧我。





「為咗我哋未來，幾辛苦都會捱」
一年半時間，我儲到人生第一個一百萬
但係我地分左手
呢一百萬頓時變到毫無意思。
但係錢洗咗，可以再搵返。

我從來都冇將你放低過
我同以前一樣，一樣愛你，
一樣用唔同方法去打聽你嘅消息。
我哋可唔可以重新嚟過




我唔會再暪住你
會繼續比心機，為我哋現在同未來去付出
會比以前更加愛你，更加成熟

To do list嘅最後兩樣嘢，
要靠你，同我一齊完成。
我哋可唔可以重新嚟過