玩家的沉船: 心之所屬
-叩叩-
「Hello…我想搵阿Yan啊，佢喺唔喺度？」門外的學正有點尷尬地問開門的碩欣室友。
「佢唔喺度喎…你又做錯嘢激嬲佢啊？」室友對於學正會突然來找不在房的碩欣已見怪不怪。
「哈哈…咁你知唔知佢喺邊？」學正尷尬地笑。
「佢應該喺common。」
得到碩欣室友指示的學正隨即下到公共空間找女友。果真在那裏找到她，但他看到女友正跟一個男生親密地在弄著一束玫瑰花。
「Yan?」學正小心翼翼地走近他們，試探性地叫碩欣。
在弄花束的兩人一起抬頭看著學正，看到是男友的碩欣無視了他，繼續手上的工作。男生看到碩欣無視眼前人，便跟學正說：
「Hello，我係阿Yan嘅細佬，唔好誤會～」男生友善地介紹自己。
「Hi，我係阿Yan嘅…」
「朋友。」碩欣冷冰冰地打斷學正的話，把手上的花束遞給弟弟，
「都整得七七八八，你返去自己搞掂埋佢啦。」碩欣示意著要弟弟離開。
弟弟也識趣地接過花束，
「Ok～唔該曬家姐～
弟弟再看向學正，
「拜拜～」弟弟便蹦蹦跳跳地離開了。
在弟弟走遠後，學正開口，
「我都唔知你有個細佬添…」他撓了撓頭。
「我有好多嘢你都唔知，你都無了解過。」碩欣收拾著桌上的絲帶，對學正的態度極其冷淡。
「你細佬唔知你拍緊拖咩？」學正沒有回應碩欣的控訴。
「知啊。」碩欣把工具收到筆袋裏，並拉上拉鍊。
「咁點解…」學正想起剛才她跟弟弟介紹自己只是她的朋友。
碩欣把收拾好的東西拿到手上，站起來看向學正。
「我以為我哋已經分咗手添。」她冷冷地笑了笑。
「對唔住啊，Yan…」學正一臉誠懇地看著碩欣。
碩欣無視他並走向電梯口，學正拉住她。
「Yan啊…」學正繼續試著挽留她。
碩欣停下了腳步看著他，
「咁你係咪要我正式同你講分手？好啊，冼學正，我哋分手啦。」說罷，她打算抽走自己的手，豈料學正把她握得更緊。
「放手啦。」碩欣平淡地說，她實在不想再跟學正吵。
「我唔想。」學正把心裏的聲音說出來。
「我都唔明你，你一直都係playboy嚟㗎啦，我對你無feel你咪溝過第二個囉，你死纏爛打做乜撚啫？」碩欣感到極度不耐煩，把髒話也說出來。
「因為我真係鍾意你！…你俾多次機會我啊！一個禮拜，你俾一個禮拜我重新追番你，如果你有心動，你就唔好同我分手啦。」學正覺得自己在這女生面前已經毫無尊嚴。
「你鍾意啦…」碩欣甩開學正的手，搭上升降機回房間。
一回到房間，碩欣的室友便開啟”八卦模式”，
「點啊？你同阿正係咪分手啦？」室友一臉好奇地看著碩欣。
「關你咩事？」碩欣一臉欠打地笑，看到室友越想知道的樣子，碩欣就越想耍她。
「唓。」室友無趣地扁嘴。
此時，碩欣的電話亮起來。
-
🐻w❤️: mysm🥺🏨
-
碩欣看到訊息後甜甜地笑，把螢幕顯示給室友，
「唔講住～我老婆搵我～」說完便笑著離開。
碩欣室友一臉無奈地看著她離去，心裏想著：『mysm是想念你的意思，而酒店的表情符號就應該是叫她出外過夜的意思吧…』，想到這她就知道豐霖這夜也不在房間，便飛奔到五樓的房間找男友。
一看到從門口進來的碩欣，豐霖便環抱她，雙唇急不及待印上心心念念的薄唇。
「咪話咗唔好成日出嚟酒店瞓囉…我又無錢你又唔係有錢…」碩欣語氣中略帶點責怪。
「咁喺哩度先唔會有人騷擾我哋啊嘛…最多我返多幾份part-time，賣埋身添啦。」豐霖開玩笑地說。
「你敢？」碩欣抬頭睜大眼睛看著他，鼓起腮子，像一隻生氣的小兔子。
「唔敢唔敢～老公話點就點～」豐霖捏捏她的臉。
「算你啦～」小兔子再靠回大熊的胸膛。
「我回復單身啦。」豐霖悠悠地說道。
「咁突然嘅？」碩欣挺直身體驚訝地看著他。
「係啊，仲係阿Rain同我講分手。」
「點解嘅？」
「唔知喎。不過佢最後話祝我同你幸福。」
「即係佢知道咗？咁佢仲有無講啲咩？」碩欣用水汪汪的大眼睛好奇地看著豐霖
「佢話…你真係好愛我喎～」看到碩欣如此可愛的樣子，豐霖更想作弄他，便壞壞地笑，一邊把臉貼近她。
「亂噏。」碩欣捶捶豐霖的胸口，從他懷裏走出來。
豐霖再從背後重新抱住碩欣，
「咁係咪真嘅啫？」豐霖嘟起嘴。
碩欣轉身按上嘟起來的嘴，
「你 話 呢？」碩欣環上他的脖子，親上那討吻的嘴。
二人在洗澡過後再躺在床上，整間房間都充斥著幸福的氣息。
「你同阿正點啊？」豐霖想起他們兩個昨天吵架的事。
「琴日咪同佢講咗分手囉。佢今日又叫我俾多次機會佢，叫我俾一個星期時間佢追番我喎。」碩欣把剛才在公共空間的事告訴他。
「咁你點答啊？」
「我咪話”你鍾意啦”。」
豐霖撐起身體看著碩欣，
「吓～咁咪即係默認俾佢追你囉！如果你心動咗咁我點啊…」說罷，他扁起了嘴。
碩欣淺笑一聲，捧起大熊的臉，
「乜你對我，對自己咁無信心咩？」
「我就係唔鍾意有人追你…」豐霖垂下眼睛，像個委屈的孩子。
「傻瓜…咁嗲得唔得㗎？」碩欣親親他的額頭。
豐霖燦笑，再假裝更黏人的小孩，
「攬攬！我要攬攬！」他張開雙臂。
碩欣被他孩子氣的行為逗笑了，順應他的意思擁抱他。
「我諗除咗我之外，都無人會要你哩個咁小氣咁嗲嘅大BB。」碩欣把豐霖抱得更緊。
「咩喎，我淨係對你先咁嗲咋嘛，同埋你係屬於我㗎嘛，所以我呷你醋都係好應該。」豐霖像個小孩子頂嘴。
「係係係～夜啦，我哋瞓啦豐。」碩欣鬆開了他。
正當豐霖打算躺下，
「我要goodnight kiss～」這次換碩欣跟他撒嬌。
豐霖笑著悄然傾身，貼上愛人的雙唇，兩人交流著彼此對對方無法言喻的愛意。
她，因為缺乏安全感，常常披上一副女漢子的模樣，他的細心和關懷，成為了她的避風港。
他，因為俗世中男生要保護女生的既有印象，常常要收起童心未泯的形象，她的寵愛，讓他的稚氣能發放出來。
-補充資料-
mysm=miss you so much