苦城: 1.05 殺人？定喪屍？

1.05 殺人？定喪屍？

雖然門口比較安全 但始終我都要行動快 唔好拖時間拖得太長 時間長一啲 危險就多一啲 我用我有限速度跑番去近門口個燒烤爐到

眼見小幽同三個同行人走緊過黎 當中有一位應該係中年女士比一隻啱啱我插中嘅 大叔纏住左。

救？定唔救好？

當我諗緊嘅時候 後面嘅喪屍好似已經發現到佢地 四方八面咁沖緊去佢地身邊…





「仲諗？ 唔好撚諗野啦。」我邊向小幽方向跑一邊自由自語。

冇可能冇辦法 快啲諗！呢到有五六隻野 有冇計呀？屌 ！

「有頭髮 有辦法！」

為免比佢地爪傷 可能會變埋同佢地一樣 我側邊見到個發泡膠蓋隨手攞起

「你地走先 我黎救呀姨！」我將發泡膠蓋放喺前面 望落去好似士兵渣住盾牌咁嘅姿勢沖埋去 繞過佢地 去到佢地身後再一野擋住佢地後面啲喪屍 然後轉身右手揸刀仔 大力反手補刀插落去頭先個大叔個頭到





「吼…oh…」

我諗今次你仲唔死？

「走啦姨姨 望住門口跑 快！」我大叫呀姨快d走。

右手放開刀仔 個大叔喪屍就好似腳仔軟咁樣跌左落地。我望翻前面 因為發泡膠蓋唔係好硬淨 我雙手㩒住個蓋用陰力 以柔制剛咁推出去 嗰幾隻野隨即退後幾步 我呢個時間緊係放低個蓋走啦。

「走呀 ！ 屌你～～」





一點正

我第一次殺人… 錯！係第一次殺喪屍。隻右手震撚個貓王 當我集中番嘅時候已經跑到兩嫲孫附近 見近門口左手邊有間房仔 上面寫住聖約翰臨時救傷站 入面有幾張輪椅 我求其推一部走 將背囊掛上輪椅到推。

bgm>響起 （建議聽住黎睇）
John Murphy (28 theme)1:22秒開始

「嫲嫲 上車…」我無力咁講。

可能我仲震緊嘅關係 我連講野都冇力 喺前面見到姨姨同小幽集合左 冇事就好。

「喂 我地一齊行落山 大家有個好照應。」我對住小幽佢地一家人咁講。我吾想再有損失

「嗯…..頭…頭先唔該哂你呀」姨姨仲驚緊 點頭講





呢一刻心情有啲彷彿。可能佢同我一樣都係好迷惘 點解無端端會變成咁。唔係！ 係在埸我地所有人都係咁諗 個個都頭耷耷咁冇乜生氣。

我用慢速推住嫲嫲 盡量跟上佢地 而臭b就攬住嫲嫲坐喺大脾 佢驚到喊都喊吾出 我望到都心痛。

［簌簌..呼……簌….］

前面落山條馬路啲風聲夾雜住樹聲再加上天色灰暗。少少光都比啲樹遮住晒 有啲陰森恐怖…

究竟前面會唔會有危險？我吾知 點都好，我地都要落山然後翻屋企 屋企最安全 同埋我都擔心老婆有冇事。

今日佢唔過黎 因為佢要閉關練習書法 聽日有個書法大賽。我邊推住佢地邊諗，好彩呢個時間好少人會再上黎去燒烤埸。

點解會變成咁？ 唔通係上天安排？定人為做成？呢到變成咁 香港外面會吾會同樣都係咁？ 我究竟犯左乜野錯搞到今日會變成咁？

今日係我生日呀 十五號呀 屌你！





我地之後係點？ 我希望有人會幫到我地 我想大家都平安無事 ….

老婆有冇事？ 我班兄弟點樣？ 唉 其實到呢一刻我係冇野會諗到 只可以諗前面同埋望住前面 喺一剎那係唔會有野喺你個腦袋到變到出黎

可能有….就係想個夢快d醒….

1.05 殺人？定喪屍？ 完

全序章 完