苦城: 1.02 前夕
1.02 前夕
十一點五十分
我地一家三口咁燒下野食啦 眼見為數唔多人 燒烤區只有二十二個爐 當中只有五個爐有人用 加埋大概有二十人到 可能今日係閒日。
時間慢慢過去 隨著場地廣播不停播住警告嘅句子….
(由於疫情嚴重 燒烤爐不會全面開放 請市民人與人之間保持五米距離….)
「唉 係咁播 播到個人都心煩 爸b個喇叭細聲少少啦。一係轉播其他啦 唉 聽下收音機啦」 嫲嫲好燥咁講。
「得得得 我呢家轉 今日我生日唔好鬧我… 」
「爸b比嫲嫲鬧喇」個衰仔好得戚咁講。
中午十二點正
突然好遠處有道好震撼嘅爆炸聲
（BOOM!!!!!!! ）
一道爆炸閃光𣊬間閃過 見山下遠處有團煙霧直升上天 因為太遠我都唔知發生咩事
「嘩 爸b 好大好光呀啱啱 爸b～爸b? 做咩事呀爸b…..」臭b好奇地咁問
「咁遠我睇唔到呀 好似係喺好遠嘅地方拍緊戲？ 吾知呀」我r住個頭咁講
「唉…唔好理人地啦 我地燒野食啦 」嫲嫲仲燥緊咁講
（啊Jason就想借呢首歌同佢暗戀好耐嘅人表白喎，拿! 咁希望你成功啦～ 不過要報單新聞先，好似好嚴重喎。特別新聞報道: 啱啱收到個消息，一架由尖沙咀往中環嘅天星小輪行駛嘅時候同一架釣魚快艇相撞 發生嚴重事故，隨即連環爆炸。嘩呢次大鑊喇，特首李家超發放新聞稿，通知各紀律部隊要盡全力搜救生還者。宜家過海紅磡隧道 暫時全線封閉 往來維多利亞港嘅天星小輪全線停行 今次發生意外…….）電台DJ 緊張咁講
「哦…怪吾得咁大聲啦 」嫲嫲開始心平氣和
雖然JBL教細聲咗 但可能燒烤埸得我開緊喇叭 令到全埸人都開始討論緊呢個問題。望住手機 上FB睇下咩料 睇到有幾張相流出…
㩒入去睇下先知原來係班差佬封住左個尖沙咀碼頭 有人入左去影左幾張相 睇落相當嘔心 下面留言d人都開始多 見有張相 㩒入去一睇…
「我屌 成個頭分開左得番半個頭係原整」我咬住粒棉花糖講
「爆骨…」少女好驚咁講
「呢鑊嘢慘囉！」少女條仔接住話
「邊撚個比釣魚船入碼頭嗰邊架 屌你老虎燒尻哂佢啦」中年大叔咬住枝煙講
「十二點到姐好在 如果番工時間先搞呢咁嘅野 人仲死得多添啊 唉當我衰多口 哈哈…」八掛師奶講
我心諗架魚船比人屌都正常嘅 而我因為慣性手法向下碌電話 咦！奇怪喇 見到有人po左張相出黎 張相係影個天空，顏色分左一半 左邊係淺灰色而右邊係正常天藍色 張相上個有個標題寫住…
［啱啱喺汕尾到影 是咪世界末日？］
我屌！喺大陸就咪鬼翻牆用FB啦傻閪 然後下面留言都多人屌係咪改圖 但慢慢睇到最新留言 有好多人都見到呢個景象紛紛議論上傳相？甚至有張係全灰色天空 係咪真係世界末日前通知？天氣無啦啦開始轉涼 風聲令到樹上嘅樹葉都不停咁郁動
［簌簌…..簌！］
「無啦啦涼左嘅？有d風wo bb你凍吾凍呀? 凍就著番件33啦」我邊著翻件黑色風褸邊拎臭b件褸出黎
「凍呀 幫我著 我又要」臭b震住咁講
十二點半
我地呢邊個天氣開始異常 本身好好天 但係宜家有d風涼左 氣溫冇估錯應該係二十度 吾算凍 但你諗翻起今日原先係二十九度 變相溫差好大 問題宜家係十二月 對比出面 香港個温度係好唔同 呢幾年每年十二月都會去到三十度！
當我諗緊温度問題嘅時候 獅子山燒烤區開始有啲異常 除左温度變化 同時天色開始轉暗 心諗宜家十二點幾冇理由咁暗 慢慢見到一片呈灰色嘅天由將軍澳方向一路蔓延過嚟 變到一半灰色一半天藍色 突然電話響起 原來係我兄弟打過黎
「喂 你見吾見到呀？ 個天吾撚知點解會黑尻哂喎」兄弟誇張咁講
「屌你 仲好講？ 今日我生日 你放假仲要住南邨你都吾上黎獅子山 你玩尻我呀？」我少少脾氣上身咁講
「唔好講呢d住 我見FB話好多人倒地左呀！ 有啲人問會唔會關個天事.. 」
「你吾好咁迷信住先啦 屌你」
當我講完呢翻說話嗰時 隔離爐就有好幾個人倒地位置大嘅喺五個爐之間左右 佢地同行嘅人都開始大叫
「喂 咩事呀 吾好玩啦」男人大聲喝
我同兄弟仲傾緊 我懶得拎住部電話 所以轉用AirPod
「嘩屌 我呢邊都開始搞吾掂 有人訓撚低左 點搞呀？」我驚驚地咁講
「咪住……….我喺FB見到有人po左話 d人訓低左過左陣起翻身….之後…. Er~~」兄弟沉思咁講
「屌你講啦 快啦 我呢邊好多人企喺到睇 係咁叫有冇人幫到手呀 係咪真係世界末日呀 好撚驚呀」一邊望住嫲嫲講
嫲嫲開始有啲唔安心 好想離開呢到 佢眼見咁多人倒地 本來佢係做護士 因為行動不便 所以提前退休 但係習慣問題開始想幫人地 我即時叫佢唔好郁住 唔係連我自己都顧及吾到佢 喺呢個時候…
「喂 叫媽媽唔好埋去訓低嘅人身邊呀 佢….佢….我見到本身訓喺到嗰d撚屌無啦啦起翻身去襲擊途人呀！ 條友喺尖咀直播緊呀 嘩！搞唔掂，我好撚想嘔…」兄弟嚇親咁講
我隨即叫嫲嫲唔好埋去同睇住臭b 臭b太細個 吾識分對同錯 好多時都只會問問題。（點解 點解同點解）當呢個時間我顧及唔到佢地 我需要應變哂所有問題 太多擔心之餘同要理解宜家發生緊乜野事。
1.02 前夕完