因為炸雞店一次意外，我變成了超級英雄。: 第十三章 紅魔

戒嚴下連街道都變得零舍冷清，以往都市既熱鬧消失得無影無蹤。

我講既個間意大利餐廳有照常營業，不過裡面得兩個員工，驟眼睇連一個客人都冇。

我係門口等馬寶琳出現，但就係呢個時候腦入面個種刺激感突然又出現，又係個種比野辣親既感覺。

我四圍望，唔通阿誠就係呢度附近？我行到一處偏僻既位置，從褲袋入面拎起老人面具，然後就跑上其中一個大廈天台觀察街道。

當我跑到上泥天台，對面兩條街口外既住宅突然傳出爆炸聲，然後一個著住紅色斗篷既人從起火既單位跳到另一邊大廈既天台，超驚人既彈跳力！





我即刻意識到對方並非一般人，佢可能係阿誠都未定。我退後幾跑，用助跑一嘢跳到佢個大廈天台。

我單膝降落，似乎嚇親對方。佢注意到我，身體變得好警戒。

我企起身，打量一下佢。佢著住紅色斗篷，臉上面戴住般若面具，身份不詳。

「你係邊個，係你做架？」我指住住宅大廈既火災，向佢問道。

佢冇回應，突然將隻手伸落褲袋，然後以出奇不意既速度將某啲野掟向我。





我細心觀察，發現佢掟既野，似乎係幾件炸雞。

掟炸雞？算咩料呀？然而就係我心入面諗住呢啲無謂既野之際，腦入面個個刺激既訊號又出現，我正想避開既時候，先發現啲炸雞已經封死哂我可以避開既角度，我已陷入死位。

突然炸雞入面光線溢出，幾秒之後我眼前既炸雞全部炸開，我只能用手擋住，但即使係咁，爆炸既威力都令我感到無比既疼痛。

老人面具都被炸到得塊半邊。我訓係地下，身體炸到麻痺左。紅色斗篷既人慢慢向我行過泥，我冇反抗既能力，唔通我要死係佢手上？

就係我以為自己要命喪黃泉既時候，一個神秘既女人出現踢開個般若人，女人都戴住面具，不過身材好苗條，大波又大蘿。





佢行向我度，然後一個消防托，咻一聲就帶我離開現場。

呢次係我第一次輸，紅魔，我會記住你。