因為炸雞店一次意外，我變成了超級英雄。: 第一章 意外

炸雞店入面人山人海，過泥排隊買炸雞既人龍幾乎長過法蘭西大橋，眼見隊尾都就要去到對面既漢堡包店。

至於點解我地間鋪會咁受歡迎，其實我自己都唔知點解。不過就聽好多客人都讚我地既炸雞係呢區入面係炸得最好食，表皮鬆脆而肉質嫩滑，食過一次就想食過返尋味。而搞笑既係，通常負責炸雞既都係我。

每次一聽到有人讚我啲炸雞我都只會笑而不語，因為我都冇特別用心整，我只不過係跟足上頭比我既炸雞指引；每日換油箱、油一變黑就即刻換、有啲雞肉唔靚就掟。然後咁就可以成為呢區最好食既炸雞。哈哈哈。

不過人多就自然忙到踢哂腳，廚房就得我同阿誠係度做。阿誠係呢間炸雞店既老員工，做左十幾年，依家已經四十幾歲，開頭個時就係跟佢學炸雞，依家佢幫手炸其他小食，炸雞既重任多數都係交返比我搞。

開店之前整落既炸雞已經賣得七七八八，個金毛mk仔經理又入泥催我炸雞，佢走入泥講︰「喂！整多兩盤炸雞，出面就泥冇哂啦。」個mk仔叫阿峰，同我差唔多歲數，身型瘦削，成日溝啲做暑期工既妹妹仔，但見工個陣就同我講返工唔可以同女員工有親密關係。





我隨便膚洐佢，反正我都只係為錢，有時啲野都唔想理太多。然後施施然行入去雪房，施施然拎兩包雞出泥整。扯開包雞，沾粉加水再沾粉，因為做得熟手，過程都只係幾分鐘，然後就可以放落部機去炸。

而係我將啲雞放落去炸既時候，係塊雞接觸到層油既一刻，眼前突然出現一道白光，仲有一聲巨響係耳邊響起。